راهم حابين يوخدونا في الباك

وحيد دالي · 2011-05-31, 23:03

الاستدعاءات تاع الباك نديوهم للثانويات تاعنا نكاشيوهم ولا لالا سمعت بلي لازم نكاشيوهم

walidmil · 2011-06-01, 08:39

نعم اخي يجب ان توقع من طرف ثانويتك اسرع قبل البكلوريا

amel999 · 2011-06-01, 09:24

Lol c la premiere fois nesme3e biha nta chkone 9alake

soundousalger · 2011-06-01, 09:43

حتى انا أول مرة نسمع بهاذ الحكاية
و en plus حنا المراقبة هي يلي عطاتلنا الاستدعاءات بيدها ماناش حنا اللي خرجناهم بصح ماهمش مكاشييين .

لاتبكي ياقدس جروحي · 2011-06-01, 10:51

نونونونونونونونونونو

لاكاشي ولاهم يحزنون والله مافهمنالهم وااااااااالوا

amel999 · 2011-06-01, 10:56

ya li rahe katbe el mawdo3e rahe habe ye3akabina el wa9te rohr tekherote be3ide

zeineb 18 · 2011-06-01, 10:59

سلام لازم تكاشيوهم احنا كاشيناهم قبل bac sportif عليكم بالاسراع

amel999 · 2011-06-01, 11:25

aaaaa
yake le cash mene tarafe el modire ana ki kharjtha kante mekacheya mel 9ebale

in the moon · 2011-06-01, 11:40

nn mekanch menha jamais sem3atha li yegra allemand ehna yegoulna ya3wna rabi yakhlih

وحيد دالي · 2011-06-01, 12:01

ختي مانيش قاعد قعادك انا باه نعقب بيك الوقت انا هكدا سمعت وسقصيتكم مي ادا شفتي روحك ماكيش حابة تجاوبي ماتجاوبيش وخلاص

وحيد دالي · 2011-06-01, 12:02

وشكرا لكل من جاوبني وان شاء الله نجيبوه سنة كامل ونفرحو قولو امين

الساعية الى التفوق · 2011-06-01, 12:17

السلام عليكم و رحمة الله تعالى و بركاته
فيما يخص الموضوع بالنسبة لينا حنا كامل اللي نقراو في الليسي كاشيناهم بدون استثناء بصح المدير هو اللي نبهنا و كان غير مورانا جيبو الاستدعاءات نكاشيوهالكم لاخاطرش ضروري على حسب علمي و العلم عند الله سبحانه و تعالى يعني انا على حسب رايي اذا كنتو في اخر السنة ما تحضروش للثانويات اللي تقرو فيها لازم تروحو و تتاكدو من الموضوع و اذا كنتو تدرسو عادي دون انقطاع يعني الى اخر السنة ما نظنش انو ضروري تكاشيوها لانو كانو قادرين يدورو عليكم في الاقسام و يقولولكم
بالتوفيق للجميع ان شاء الله

staifia · 2011-06-01, 12:25

biensur حنا رحنا لليسي وديناهم كاشاوهم هما و لازم لاكارت كتبو نيميرو ديدونتيتي وعطاوهملنا

وحيد دالي · 2011-06-01, 12:39

شكرا ليكم ان شاء الله ربي ينجحكم مزية قلتولي خطراكش حنا الليسي تاعنا ماقالولناش وحبو يعاودولنا نفس الحكاية ***في البيام خلاونا بلى كاشي ورحنا نعقبو نورمال كي وصلنا وين نعقبو عاودو قلبونا قالولنا لازم الكاشي عاودنا ولينا الخلعة تاع البيام وزادولنا الخلعة تاع الكاشي *** واش نقولو ربي وكيلهم انا نروح نقول لي يقراو معايا لازم الكاشي وكثر خيركم وربي يجازيكم

وحيد دالي · 2011-06-01, 12:42

حنا الليسي تاعنا والله ماعلابالو فينا لا مدير لا مراقبين حاشاكم دايرين رواحنا نقراو في حديقة ماهوش قاع ليسي واصلا المدير تاعنا منعرفوهش خلاص كيفاه داير كل واحد يجبد لمصلحتو