هذه نكت بالدارجة مهداة لكل ناس الجلفة اتمنى ان تنال اعجابكم
قالك واحد الراجل كلما يدوش يحط دودة فوق راسوا علاش؟؟؟؟؟؟ مكتوب على الشامبو: ضعه لثواني معدودة
قالك واحد الكلاسة يديرو الطوايش بزاف؟؟؟؟؟؟ جى المدير سقساهم بالواحد؟ الأول؟ لأنت واش درت؟: قالو انا عميت صاحبي بالمدور الكومبا. والثاني أنت واش درت؟: قالو انا ضربت الشيخة؟ والثالث أنت واش درت؟ قالو أنا رميت كويغطة من التاقة.....قالو المدير أنت اقعد انت عاقل رميت غير كويغطة. كي كان هابط المدير صاب تلميذ مدقدق قالهم :شكون هذا؟؟؟؟؟؟؟؟؟؟ قالولو هذايا كويغطة
عجوزة لقات مرآة طايحة في الارض قالت علاه طيشو هاد الكادر المليح كي هزتوشافت روحها قالت : آه عليها طيشوه
واحد دخل لحانوت قالو كاين القازوز قاللو مولا الحانوت كاين اشكال وانواع قالوا اعطيني زوج انواع و زوج اشكال
]
قالك خطرة المدير جاه خبر بلي الشيخ تاع المات راهو يعض التلاميد دياولو, قال هدا كيفاش معاه؟؟ والله غير نروح ونشوف, راح وتخبالو في البلاكار تاع la classe واقعد يشوف فيه من العين نتاع الباب, دخل الشيخ و ابدى الدرس نتاعو, طلع واحد او قالو: 4x4 شحال؟ قالو: 20....قالو راني نعضك.وزاد عاودلو السؤال: 4x4 شحال؟ قالو:40..قالو راني نععععضك, زاد معاه الثالثة, 4x4 شحال؟ قالو: 80؟؟؟؟؟؟؟؟؟؟؟؟؟خرج المدير وبدى يعيط...عضضضضضضضضضو عضضضو
قالك خطرة زوج مايشوفوش مليح تخاطرو فيما بيناتهم شكون يشوف مليح. الأول قال لصاحبو غدوى ان شاء الله نتلاقاو في المضرب الفلاني قدام واحد الحانوت, قالو شوف نريحو بعاد بواحد 50 متر وقولي مول الحانوت واش راهو حاط برى قالو اوكي, الأول راح وتفاهم مع مول الحانوت قالو راني متخاطر مع فلان حطلي شوية قرع تع الغاز و 3 شكاير فرينة او 2 كاجوات قازوز و 5 كاجوات حليب .. قالو اوكي, كي لحق اليوم الموعود بعدو على 50 متر وقال الأول الخداع لصاحبو واش راك تشوف ؟؟؟؟؟؟؟؟؟؟؟؟ قالو 5 شكاير سميد او ساشي نتاع البالوات او 3 كاجوات نتاع اللبن.. قالو أنا راني نشوف شوية قرع تع الغازو 3 شكاير فرينة او 2 كاجوات قازوز و 5 كاجوات حليب. قالوا أيا نروحو ونشوفو. كي راحوا؟؟؟؟؟؟؟؟؟؟ صابوه مغلوق مساكين
قالك وحد النهار إرهاب دارو باراج حبسو كار ودخلو فيه وقالو للناس لإسمه يكمل بالدين منقتلوهش بداو يسقسو الاول:سموني خير الدين. الزاوج :سموني بدر الدين. الثالث:سموني جمال الدين. الرابع:سموني شمس الدين. الخامس:سموني سيف الدين. التالي ماعرفش شا يقول قالهم كروكودين
قالك واحد يكذب بزاف راح عند واحد قالوا راك معروض لعرسي قالو هذاك الواحد وكتاش......... قالو الكذاب نهار الاحد مور الجاموعه..............
قالك واحد 3 نسا ينساو بزاف مرضت وحده فيهم راحو يطلو يعليها قعدت تحط القهوه و تعاود او مبعد كي راحوا صحاباتها قالتلها وحده للخرى شفتي يلا حطتنا القهوه و اللاغير مشحاحه قالتله لخرى وعلاش حنا رحناة.
قالك خطرة واحد البوليسي البوليسي بدى جديد, بدى يجوز فـles automobiles جات جايزة كار حبسها, قالهم أييييييييا أنزلوا قع, بقات وحدة ما حبتش تنزل قالها مادام انزلي, قاتلو أنا مادموزال ماشي مادام, ما فهم والو انزل راح direct للكابتان ديالو قالو واش معنتها مادموزال قالو يا الحمار ماشي متزوجة, راح ليها واش قالها؟ أييييييييييا انزلي رانا قع مادموزالات
. قالكم واحد عندوا حانوت(دكان) كل يوم يجيه طفل يقولوا..(صباح الخير عمو) هذا الراجل يقولو صباح الخير وليدو كاش ماتسحق. ... هذاك الطفل يقولوا(كاين الزيت (...الراجل يقولو ايه كاين ..طفل يقولو (اعطيني خبزة(...غدوة جيه يقولو (عمو كاين الحليب ) يقولو الراجل ايه كاين ...الطفل يقولو (اعطيني كيلو بصلة( ....غدوة منداك تاني يقول الطفل كاين الطماطم .... الراجل يقولو ايه كاين ..طفل يقولو (لعطيني قهوة)...اييا كره مسكين هذاك الراجل و قال و لله غير نروح نشكي بيه باباه ...راح البابه قالو (يا الحاج ابنك راه دايرني تمسخيرة ...مرة يجي يسقسيني على حاجة و يدي حاجة اخرة ...يا الحاج ربي وليدك شويا( قالو الحاج (اضربو ؟؟؟) قالوا الراجل كيفاش نضربوا... قالو الحاج (اضربو ؟؟؟) قالوا الراجل كيفاش نضربوا ربي يهديك ...قالوا الحاج (عندك عصا؟؟) قالو الراجل (عندي؟؟( ...قالو الحاج (اضربوا بــــــــــــكف(
زوج مهابل حب يشوفهم الطبيب لكان رتاحوا مالا حطلهم قطة وخلاهم راح المهبول الاول يغسل فيها والاخر واقف فساله الطبيب لمادا انت واقف فرد عليه اني انتظر فيه يغسلها كي انشرها
كان واحد راكب في الطيارة وكانت رايحة تطيح
البيلوط-الطيار- قال للناس اللي راكبين: الطيارة رايحة تطيح
قاع خاقو الا واحد. سقساه البيلوط قالو وعلاه انت ما راكش خايف كي راهي رايحة تطيح
قالو: خليها تطيح. وعلاه الطيارة انتاعي باش نخاف
قالك واحد راح يخطب، سقساه الأب: واش تخدم ولدي
قاله:...أووووو pharmacien
إيييييه الله يبارك....الطفلة راهي ليك
غدوا من ذاك ، فات عليه يبع فالكرنتيكا...كي شافه الطفل قال للمشتري
شوف هاذي عضة صباح وعضة العشية.
قالك سرات اكسدنت بين 2 مرسيداس اخر عيطة ..بداو يداوسو صحاب الكرارس في ما بيناتهم........حبس واحد مولا R4 رايبة واش قاللهم؟؟؟ ماتتقلقوش تقدرت..و حنا قاع عندنا الماتريال و نخافو عليه
بوليسي حب يدير بروسي املا نهار كومبلي مالقاش السبة
طاح شويا ليل جاي واحد بالموتو ..حبسو البوليسي و قلبو مليح و مالقاش السبة ثاني
سقساه البوليسي قالو ماتخافش بالمتو فاليل...
رد عليه مول الموتو.لالا انا دايمن متكل على نفسي وعينيا
قالو البوليسي حبس بروسي راك مركب 2
]
كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الشمع انتاع الميتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا راجل شوف بلاك نسيت البارمي
في ليلة كان ربعة من ليجون يحششوا ورا باطيمة وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...
مرة كان هناك واحد عربي التقى بواحد ياباني فعرض علي العربي بتناول العشاء فقرر ان يهاتف زوجته ليعلمها فاعطاه الياباني يده و قال كلم هنا فقط في الهاتف النفال اي يديه كهاتف لدرجة تطور اليابانيين و بعدها ذهبو الى المنزل وفي الطريق راو عدة متسولين يرفعون ايديهم للتسول فسال اليابني :ماهذا.... فقال العربي هذا هاتف عمومي تاكسي فون هاهاها
جل قروي لم يظهر لمدة اسبوع فلما تدخلت مصالح الأمن وجدوه ميتا في بيته لكن لم يعرفوا سبب موته وبعد دلك وجدوا بوسط كسيت عند راسه فلما شغلوا البوسط كشيت وجدوا اغنية كاظم الساهر لا تتنهد فبها عرفوا ان هدا الرجل اتبع كلم كاظم الساهر حيث قطع التنهد او التنفس
كان فيه وحد العجوزة دخلت للقهوة. قاتلو يا وليدي شحال كاس قهوة. قالها 10د
قاتلو وشحال تحسبو السكر...قاللها ياالحاجة السكر باطل. قاتلو امالا أرى 2 كيلو
واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا
واحد كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......le pere vendredi (اسمه بو جمعة)
قالك خطرة الرئيس مريكاني والفرنسي والجزائري كانوا في طائرة الرئيس المريكاني قالهم انا نعرف ورانا من خلال ناطحات السحاب - الفرنسي قال انا من خلال برج ايفل - الجزائري كان داير ساعة في يدوا خرجها من التاقة مين ردها ماصابهاج قالهم راني في الجزائر ( خونولو الساعة)
( تقرير عن مشاركة سيئة )، و الموجودة أسفل كل مشاركة .
2008-09-15, 22:47
نكت ستزلزل منتديات الجلفة الجزء الثاني ( الاروع )
العرض العادي
