جبتلكم الصور وطريقة كيما وعتكم

[raooof]

السلام عليكم اخواتي العزيزات
جبتلكم صور وطريقة الخدمة تع الكوفرولي طولت عليكم بزاف اسمحولي معنديش الانترنت في بيتي عندي غيرفي بيت اهلي المهم صور الطريقة مهيش صعيبة ارشمو في قماش يكون بغييونتي يجي شباب وهذا الرشام لي فالصورة هو نفسو يتعاود وخليو الفراغ مابين الرشام والرشام للخياطة تع البيوني بعد مترشمو اخدمو فالاول الورقة الخضرة ديرولها العروق بغرزة الخياطة كيما راهي باينة في الصورة ممبعد جيبو الارغنزا الخضرة انا معنديش درتها خوخي. قصوهامربع حوالي 8سم ممبعد اطووه وحطوه على الورقة واحكموه بالخياطة بالمشينة تع البروي او زيقزاق المهم تنحكم متتنحاش ثم قصو الزوائد ثم اخدمو بالباسيبلا ثم روحو للوردة بنفس الطريقة تع الورقة بصح حطوا الارغنزا الخوخي المطوية في كل برج من الوردة اي كل برج عندو الارغنزا وحدو احكموها بالخياطة ممبعد ديرو الباسيبلا هي الاخيرة شوفو الصور تفهمو واي سؤال راني هنا وبالتوفيق
/