أرجو منكم الإفادة

[mme bard]

السلام عليكم
ندخل في الموضوع
باش تفهمو لحكاية راح نبدا من اللول
أنا نسكن بالغربة
تعرفت على شاب بالجزائر"مدو عليا الكلمة" الحمد الله لاباس بيه متفاهمين أنا وياه مي دايمااا عندنا مشششكل هو:
والدتو جامي لا تهز التيليفون و تهدر مع يما حتى باش تسقسي "يخي يقولو الخطاب رطاب"
المهم هاد الصيف إن شاء الله الفيونساي يعني لازم يماه ويما يتفاهمو على الترتيبات
المهم هي قالت مانعيطش على خاطر غالية باش نعيط ليهم و زيد نهدر شوية ويتكوبا لازم حتى نديرو الأنترنات باش نحكي معاها
و يما قالت ok ياسيدي تجيها غالية مي مادات ماجابت كي تهدر حتى ب عشرين ألف خطرة في شهرين قال واش راكم و نهار لي تعملو الانترنات نهدرو في الفيونساي
المهم أنا دااايماا في هاد المشكل معاه و هو قالي أصبري هاد الشهر يدير النات و أنااااا رااااحتلي الفرحة تاع الزواج
على خاطر عدت حاسة بلي عايلتو مش حابيني
المهم حبيت برك تقولولي شكون لغالط و شكون الصح!!
و esk نورمال يماه كي راهي دير هاك!!

[sabrina el-chark]

سلام مريم راني لحقتك حتى لهنا....هه هه هه
شوفي مريم ممكن انا اكبر منك و نعرف شوية عليك....انت يماه في بلاد و انت في بلاد و كي تقلك غالية ....و الله ممكن تفوت ....انا بيني و بين عجوزتي 2 متر يعني لو تخرج تمشي 15 min تلحق و عمرها و لا عيطتلي او سقسات علي ...منكذبش عليك الوقت الاول كنت نتقلق و حتى نبكي بسكو انا ديما نعيط و هي جامي....علاه الله اعلم
مي درك قررت اني منعمرش راسي لي تجي من عندها مرحبا انا واجبي نديرو و هي دبراسها ....بسكو لقيت روحي نمرض في روحي برك....الفائدة في خطيبك هو لي راح تعيشي معاه ....ابا ديري كيما انا متعمريش راسك و الله تحرقي اعصابك في باطل ..........طولت شوية ....سلام

[نورسين.داية]

والدتكي أنتي على حق
أما بخصوص والدته فلا تستعجلي و تريثي و أتركي الأمر على حاله لنا مثل يقول
نوصل السارق لباب الدار يعني لا تتركي للخطأ أن يبدر من عندك أنتي
و لا تسيئي الظن فلربما هناك ظروف معينة
و إتكلي على المولى عز و جل فلا تقلقي
ربي وفقك عزيزتي

[بنت الحجاج]

المهم هو باغيك

و الباقي ساهل

انت وشطارتك

يعني

حاولي تكسبيهم بعد ما تروحي ليهم

المهم راجل

[زائرة]

متتقلقي ما والو
حنا عندنا واحد ما يعيط للاخر تتفاهم العروس مع راجلها هذا ماكان
مديري في بالك والو
كلش يفوت تبقى غير الكلمة الزينة ويقولو الله يبارك على بنت فلان
وربي يسهلك في عرسك وتفرحي ويفرحو معاك ماليك وماليه

[حميد.ص]

اذا بدأت المشاكل مع عجوزتك من الان..........فماذا سيحدث في المستقبل.......ربي يهديكم جميعا

ربي يوفق بيناتكم ان شاء الله .....................ربي يسهل و يتمم بخير............ان شاء الله

[mme bard]

المشاركة الأصلية كتبت بواسطة sabrina el-chark

سلام مريم راني لحقتك حتى لهنا....هه هه هه

تفضلي خيتي ديما منورتني

شوفي مريم ممكن انا اكبر منك و نعرف شوية عليك....

تفضلي خيتي والله ناخذ بنصايحك كيما أختي

انت يماه في بلاد و انت في بلاد و كي تقلك غالية ....و الله ممكن تفوت ....انا بيني و بين عجوزتي 2 متر يعني لو تخرج تمشي 15 min تلحق و عمرها و لا عيطتلي او سقسات علي ...منكذبش عليك الوقت الاول كنت نتقلق و حتى نبكي بسكو انا ديما نعيط و هي جامي....علاه الله اعلم

والله كيما كيفك ديما نعيط حتى كرهت و قطعتها بلا مانحس
"من عندي وعندك تتطبع ومن عندي تتقطع"

مي درك قررت اني منعمرش راسي لي تجي من عندها مرحبا انا واجبي نديرو و هي دبراسها ....بسكو لقيت روحي نمرض في روحي برك....الفائدة في خطيبك هو لي راح تعيشي معاه ....ابا ديري كيما انا متعمريش راسك و الله تحرقي اعصابك في باطل ..........

الله مام أنا هدرت هدرت حتى مليييت و مابقيتش نعمر راسي
مي درك المشكل في يما كل مانحل معاها الموضوع تقولي علاش ماتعيطش

....طوولت شوية ....سلام

ماطولتي لا والو والله ديما خفيفة على القلب
نزيد نهبلك قوليلي راكي تعيطيلها ساعة على ساعة?

[mme bard]

المشاركة الأصلية كتبت بواسطة asma siradj

والدتكي أنتي على حق
أما بخصوص والدته فلا تستعجلي و تريثي و أتركي الأمر على حاله لنا مثل يقول
نوصل السارق لباب الدار يعني لا تتركي للخطأ أن يبدر من عندك أنتي
و لا تسيئي الظن فلربما هناك ظروف معينة
و إتكلي على المولى عز و جل فلا تقلقي
ربي وفقك عزيزتي

شكرا أختي على الرد
بالنسبة ليا والله مامبينتلهم حاجة كل مانعيطلها نضحك معاها عااادي
ربي يهديها هادا مكان

[mme bard]

المشاركة الأصلية كتبت بواسطة بنت الحجاج

المهم هو باغيك

و الباقي ساهل

انت وشطارتك

يعني

حاولي تكسبيهم بعد ما تروحي ليهم

المهم راجل

عندك الحق
ربي يهنيك خيتي

[mme bard]

المشاركة الأصلية كتبت بواسطة زائرة

متتقلقي ما والو
حنا عندنا واحد ما يعيط للاخر تتفاهم العروس مع راجلها هذا ماكان
مديري في بالك والو
كلش يفوت تبقى غير الكلمة الزينة ويقولو الله يبارك على بنت فلان
وربي يسهلك في عرسك وتفرحي ويفرحو معاك ماليك وماليه

صح والله تبقى غير الكلمة الزينة
ربي يخليك ويهنيك شكرا خيتي

[sweetgril22]

ربي يصبركم بنات ويعينا عليهم ماعليش شوفي انا رايي من راي الاخت صبرينة راهي عندها الحق راهي تصرا بزااف ونورمال ماتعمريش راسك بيهم المهم نتي اتفاهمي معاه وديري واش يخرج اعليك فالفيونساي وكي يحاسبوك قوليلهم لوكان عيطتو وتفاهمنا وزيد صح اغيضك الحال كيما قلتي يالوكان حسنة في سنة مي لوكان تكرهي من دوك ومن بعد كي تتزوجي تان تكرهي الزواج !!
ماتخليش روحك تخمي بسلبية باسك يهبطلك المورال و راجلك هو الصح المهم راكي متفاهمة معاه والباقي قاع شكليات ربي ينور طريقك وماتقلقيش روحك وكلشي مبروك ماتنسايناش فالقاطو

[farida18]

يا أختي علاه راكي تعمري في راسك ياك ولدها راه حابك و راكي عاجبته خلاص أنت ديري واجبك و الباقي خليه على ربي و بزيادة راكي رايحة تتزوجي بولدها ماشي بيها
اسمحيلي إلى كاش ماغلت

[بحر أبيه]

المثل ايقول كي يهبط الغبار يتبين ما تحتك افرس ام حمار ..

والحديث قياس... حينما تقترب الامور اكثر ويقع الاحتكاك والتعارف حينها يتبين لك

حقيقة هؤلاء الذين اخذوك اما واما ..

ان شاء الله تلاقي الخير والبركة .