اخر النكت2011

cody · 2011-03-30, 21:20

سلام لقيتلكم مجموعة من لانكت على النت ان شاء الله تنحيلكم على خاطركم وتضحكو شوية معانا ...

قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا
اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح
الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي

قالك مرة حافلة تاع ركاب حكموهم في فو براج ايا قالك بداو اللصوص يسقسو فيهم بالواحد سقساو الاول قالولو واسمك يا فلان قاللهم اسمي كمال اللصوص قالو اقتلوه هذا اسمو ما عجبنيش ايا سقساو الاثاني قالولو واسمك يا فلان قاللهم اسمي نور الدين ايا اللصوص قالو لا هذا اعفو عليه لانو اسمو فيه كلمة الدين ايا كي بقا الاخير فالحافلة بدا يبكي سقساوه اللصوص قالولو واسمك يا فلان قاللهم انا اسمي براهيم بصح يعطيولي كروكودين

قالك مرة حاشاكم واحد جاء سكران للدار ايا فتحتلو الاخت في ميزكم واش قاللها ...انتي هذا وين تدخلي للدار...

قالك مرة استاذ تاع التاريخ جاه مفتش وهو كان يعمل في درس تاع الثورة والامير عبد القادر ( هنا لا نقصد شخصية الامير حاشا لله ) ايا قالك المفتش سقسى التلميذ الاول وقالو يا ولد قولي شكون قتل الامير عبد القادر الولد خاف وبدا يبكي قالو والله ما انا ايا المفتش تعجب وراح يسقسي الاساتاذ تاعو وقالو كيفاه انا نسقفسيه شكون قتل الامير عبد القادر والتلميذ يقولي مشي ان واش جاوبو الاستاذ ...قالو وعلاه انا ...المفتش هنا زاد حار داهم بين زوج للمدير وقالو يا سي المدير سقسيت التلميذ وقلتلو شكون قتل الامير عبد القادر قالي مشي انا زدت سقسيت الاستاذ قالك و وعلاه انا ...ايا قولي انت الرحمة عليكم صححلهم ..ايا المدير هنا دار للمفتش وقالو ...وعلاه حساب الشوفة واقيل حبيتو تحصلوها فوقي هههههههه بلي انا اللي قتلتو...

نلقاكم مع نكت اخرة الى لقاء قريب دمتم وسلام