اخت تطلب مساعدة منكم

[انعام34]

السلام عليكم و رحمة الله و بركاته
اخوتي.اخواتي من فضلكم اريد مساعدة في حل هذه المشكلة
المشكلة وقعت مع صديقتي و مقدرتش ننصحها او اعطيها رايي الا بعد سؤالكم
صديقتي تبلغ من العمر 17 سنة و هي تلميذة مجتهدة و متربية حبت واحد يقرا معانا و حبها و عندها علاقتهم تقريبا 4 اشهر و منذ ذلك الوقت و هما في خلافات دايما يتهاوشوا و يختالفوا بعد هذه المدة و بالصدفة اكتشفت انه كان يخونها و كان يهدر معاها و مع وحدة اخرى في نفس الوقت هي راهي مصدومة و طلبت مني ايجاد حل هي قاتلو بلي خلاص و مهيش قادرة تسامحوا و هي اصلا من مدة راهي تحس بالذنب لانها تقول بلي كمشات مع هذا طفل راهي تخون في والديها
من فضلكم اعطوني رايكم هل تترك هذه العلاقة و تستغفر ربي على واش فات ام تكمل معاه هي الان راهي مشوشة الافكار و انا ملقيتش كفاه نعاونها من فضلكم عاونوني باه نساعدها راهي اعز صديقة عندي .






ارجو الرد في اقرب وقت

[الشتاء]

https://www.djelfa.info/vb/showthread.php?t=429993

[hajer.joujou]

الرد واضح اختي لازم تتركو خاصة وانها حست بخيانتها لوالديها واحنا نعرفو بلي لوكان ما يرضاوش علينا الوالدين اكيد ربي سبحانو ما يرضاش علينا و علاقة كيما هادي ما نظنش كاين اب او ام ترضاها لبنتها
تقبلي مروري اختي الكريمة و ربي ينجحكم في قرايتكم

[أرجوانة]

سأحاول أن أقدم لك بعض الخطوط العريضة لحل هذه المشكلة :
يا ابنتي الفاضلة عمرك في وقت الازهار والرياحين 17 سنة
فكيف دخلت هذا العالم الغريب ...احذري احذري
* الحب قبل الزواج لاي طرف مصيره 98 في المائة الفشل الذريع
إلا إذا كانت البنت تسير بعقلية لابد أم يكون لدي صديق والشاب لابد أن تكون له صديقة
وإلا يعد متخلفا ومعقدا
* اجلسي مع نفسك وفكري بعقلك قبل قلبك هل اعجبك ذلك المنظر الذي حكيت عنه

اين عقلك أما لك ضمير وأنت البنت المصونة التي تخاف على شرفها وعرضها
هل يسعدك أنك أنت في هذا الموضع يعدك بأنه مخلص و يحبك
هل هو يخاف على عرضها وشرفها
**للأسف الشديد ...؟تريد العوة إليه ؟ سبحان الله هل هذا هو الحل
وهل نتعامل مع الأمور هكذا ؟؟
أظن المهم لك أن تشغلي نفسك بالدراسة وتقربي من الله تعالى والتجئي إليه في الصلاة بالدعاء
وامارسي هوايات نافعة
واقطعي صلتك بهذا الشاب أو غيره
إلى أن يأتي الله لك بنصيبك ويرزقك بزوج يغار عليك ويخاف على شرفك ولا يريد أن تمسي بأي
كلمة أو موقف ؟؟
وأكمل كلامي بهذه القصة الرمزية
قالوا :
التقى العلم والمال والشرف وبعد مدة اٍرادوا أن يذهب كل واحد إلى مكان
فقال العلم : إذا أردت أن تجدوني فابحثوا عني في المعاهد والمدارس
وقال المال إذا بحثتم عني تجدوني في البنوك وخزائن الاغنياء
وقال الشرف : أما أنا فإذا ذهبت فلن تجدوني
الشرف يا ابتي الغالية إذا ضاع لا يرجع
**أتمنى أن يصل كلامي إلى قلبك ، لأنه صدر من قلبي
وقد تحسرت لما أنت فيه

أختك الوفية و المخلصة لك دائما عبير

[katiach]

انصحها بالابتعاد عنه هو اصلا خانها

[*جوداء*]

يا اختي 17 سنة نورمالمو مازالت عايشة الطفولة ..انا حتى لسن 22 سنة وانا مانيش حابة نتخلى على الطفولة ..معلاباليش علاش ولاو يتقلقو على هذو العلاقات في سن مبكرة جداجدا وينغصو حياتهم وينجرحو ويتألمو ويمرضو وهوما بيده يعيشوا بعيدا عن كل هته الهموم فلو كتب ربي عمر طويل رايحة تتزوج وتمشي مع زوجها قدما تحب يا لوكان 40 سنة وتحبو يالوكان 80 سنة وحتى لو زعفها وزعفت منو رايحة تكون على اسمو وماتدخل حتى شخص في مشكلتهم ...وعلاش مانخلوش كل وقت ووقتوا واذا ماعاشت شبابها في هذا السن الجميل بلا منغصات وبلا دموع ..؟؟رايحة تعيشو في سن اليأس؟؟
والله لم افهم ..لماذا اصبحنا ندمر انفسنا بانفسنا دونما اكتراث

[البلبلة]

انصحيها وقوليلها خليك منو
هذا راهو يلعب بيها
واللي خان مرة يخون عشرة
لازم ترجع لطريق الصواب
ولازم تملا وقت فراغها بهواية ولا بحرفة تتعلمها
لانو اكيد مش رايحة تنساه بالساهل
وممكن تضعف وترجعلو ولا تعاودها معا غيرو
لازم تعزز ثقتها بنفسها
وتشوف ايجابياتها
وماتخليش صورتها مقرونة بواش ولا كيفاه يشوفها واحد خاين
واذا رجعت و تابت ودعات لربي اكيد ربي جامي يتخلى عليها
وفكريها بلي صلاتها وعبادتها هي الصح
وربي يقدملها اللي فيه الخير

[تواضعي يانفس]

راهي فاقت كيقالت خنت والديا وتاني عصاة ربي على فارغة ومافيهاش كيما نقولو
صاحباتك انصحيها تعيش عمرها 17 بلا مشاكل ...هكا يقولو الفايقين ما توسخش روحها وتعمر قلبها.علاش تكسر في راسها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا حابة تهين نفسها باش تعرف قيمة الكرامة وتضيع سمعتها باش تعرف قيمة السمعة ؟؟؟؟؟؟؟
حتى لو لم يخنها وكان راجل (زعمة وهو 17 سنة برك؟؟؟؟؟) لازمها تقول خلاص ....هادي ماشي طريق.

لازم تقول خلاص ماش لانو خانها...لكن لانو هذا واش يحب ربي واش يحبووالديها وهذا هو الصح
ربي يهدينا ويهدي جميع بنات المسلمييييييييييييييييييييييييييييييييين

اللهم امين

[..دمي ولا دمعة ابـي..]

اختي واحدة في عمرها 17 سنة اسمحيلي مازالت صغيرة
و طفل يقرا معاها

قولها يرحم والديك واحد كبير عليك بعام ولا عامين تهدري معاهايلا تديري عليا اختي قوليلها اخطيك من صحاب الطابلية الزرقاء
كوني فاهمة وواعية وشوفي لقرايتك
حاجة كيما هادي والله متخرج عليك

[قلم : داعية]

السلا عليكم

الــــــــمراهــــــــة
بوابة العبور لبداية الحياة
هي الجسر ااذي لابد من المرور عليه
فامـــا بدايــــــــــة او نهايــــــة...

الطير اذا خرج من عشه ربما تاه و ربما هاك
والوردة اذا قطفت من ارضها ذبلت وماتت
فمتـــــــى نـنتـبه ?

[dilaboni]

الله يهديك ويهديها ويهدي كل من أعطى رأية ويهدي الجميع قولوا أأأأأأأأأأأأأأأأأأأأأمين

[أرجوانة]

آممممممممممممممممممممممممممممممممممميييييييييييييي ييييييين

[نينا الجزائرية]

نضن كامل اتكلمو الاعضاء ونصحوها
وعليها تسمع كلامهم
تلتهي بقرايتها
ورايح يجي ليسعدها في حلال
تنساه وتستغفر
وربي رايح يعوضها ان شاء الله