سؤال هام للبنات

[mideumideu]

ماذا لو طلب منكي خطيبك عدم العمل وأنت متخرجة أو ان تلبسي الحجاب الشرعي ’’’’’’’’

[ryma51]

لسلام عليكم في لبس الحجاب الشرعي الحجاب هنا نقصد به الجلباب و الله انا خطيبي طلب مني الجلباب و لكني رفضت لاني لا احب الحجاب في صورة الجلباب و لكني اردي حجاب هو موافق عليه اي فضغاض و طويل و خمار اسدال مغطي جيب الصدر و اتفقنا عليه و خطيبك ما طلب منك الحجاب الا لانه بغير عليك اما بالنسبة للعمل انا متحصل على شهادة ليسانس و خطيبي شرطلي اماكن العمل في الحقيقة انا لو يكون خطيبي كافي و عندو نقعد في البيت احسن خرمن المرميطة على 2 دورو
حبيبتي هي كل شيء بالتفاهم بينكم تنازل من عندك و تنازل من عندو و انتم توصلتو لحل وسط يرضيك و يرضيه

[حمامة السلام48]

تساعفيني ليكيديه ولا نقولك خيره في غيره
وخمي مليح بلاك تبانلك حاجة مزيانة
الله يهديك ويهديه

[mimina la rose]

في هاد الشي من حقو تكون مرتو كيما يحب والا ما قبلتيش انت هدا رايك بصاح الحجاب لازم تكوني مقتنعة بيه ولوكان ما جاش يحبك وتهميه ويغير عليك ما يقلكش هكدا وربي يكملك

[كارمن الحياة A]

اللباس الشرعي أنا أوافقه بالعكس أفتخر لذلك أما العمل سأحاول معه وأكيد كل شاب وعقليته وكل فتاة وعقليتها.......أنا قلتها برك راني مانيش مخطوبة مازلت صغيرة 17 سنة ههههههههههههههه

[manina93]

عادي راح ندير واش يحب وشحال عندي من زوج ياخي واحد ولازم نرضيه

[تَــــــيْمَـــــآءْ ,]

يما قالت اخت مانينا ..
عادي نورماال لسنسياال هو يرضى ..
وزيد طلبوا مدام راح يريحو راح يريحني انا تاني ..
شُكرآآ على الطّرح .. .

[sweet-roofy]

16 سنة معليش نقول رايي
1- الحجاب شيء عادي وممكن تتحل بيناتكم بالطول تتفاهمو
2- العمل ما نقدرش نتصور البنت تقرا وتتعب ممبعد تقعد في الدار اذا لقيتي عمل وفي مكان مناسب وعلاه لالا ؟؟

[linamaram]

يا بنات الموضوع مطروح من طرف شاب.
بالنسبة للحجاب ليس لي مشكلة لأني متحجبة لكن الجلباب لا أريد ارتداءه ،فيما يخص العمل أنا متمسكة به بالطبع اذا وجدته و في مكان محترم،و سأحاول قدر الامكان أن أوضح له وجهة نظري.

[مطيعة الله]

كيما يقول نقبل

[asil333]

الحجاب الشرعي فرض عليا بصح الخدمة نشوف معاه


اذا محبش رايه هو الصح

[أسماء أمينة]

راني نشوف يا خاووتي قليل من الرجال الي يقولو للمراة ما تخدميش ولاو درك يحوسو عليها تخدم اما الحجاب فكل واحد و قناعتو

[imen10]

و الله السمع و الطاعة له .بالنسبة للحجاب الشرعي الحمد لله اما بالنسبة للعمل ان شاء فنعم بالله و ان ابى فذلك خيرلكن معظم النساء فالوفت الحالي تكون خدامة و لكن برضى الزوج

[rahma4]

انا 17 سنة سوف اقترح راي
1-من جهة العمل لن اوافق
2-اما على الحجاب ربما اضعه

[لؤلؤة تلمسان]

السلام عليكم ورحمة الله وبركاته

شكرا على طرح السؤال لاستبيان افكار امهات المستقبل ورجاحة عقولهن

عني انا فالحمد لله ، من الله علي بارتداء الحجاب الشرعي والحمد لله والشكر له عز وجلونسأله الثبات حتى الممات

اما العمل : فلازلت أدرس وأطمح أن أصبح طبيبة أخصائية إن شاء الله تعالى

وإن كتب الله ورزقني بالزوج الصالح الذي يعفني ويسترني ويعينني على ذكر الله وطاعته فسأقبل بطلبه بصدر رحب فرح شاكر لله تعالى
أو لم يأمرنا الله تعالى بالقرار في البيوت ؟؟؟


فأين نحن من ذلك ؟؟ في زمن خرجت فيه المرأة للشارع لتناظر الرجل في التجارة ووووو .........ولتتعرض لأشر البليات والفتن في مجتمع طغت عليه عادات الغرب وقضى فيه المسؤولون على الاداب الشرعية ومنعوها

غفر الله لنا ولهم

اللهم اغفر لنا