يا حسني باراك

[محمد الشاعر]

تحية لأحبانا أقدم لكم هذه القصيدة المستعجلة والمتواضعة كتبتها بسرعة كالعادة ولم أنتظر حتى يتم تحسينها وهي مهداة
لأحبانا في مصر الحبيبة تضامنا معهم

يا حسني باراك

ياحسني باراك الكل اكرهناك *** بعدنا لله يا خادم صهــــــــــــــيون

نحلم برك انهار عيني ماتراك *** وما نسمعش اسماك يا قبيح اللون

تقضبني لعلال اذا قلت اسماك***ضاقت روحي كي نشوفو ذالملعون

شعبك كرهك والبهايم ما ترضاك ***الجو اتعفن بيه باراك المهيون

الحجرةوالسجرة وقالتلك عفناك ***شرك يا باراك عالأنسي وجنون

أرض الله والبحر فايض ببلاك*** كرهك يا خبيث كامل هاذ الكون

يفرحلك بيريز صديقك هذاك***نتنياهو يزهى انت ليهم قرصـــون

تحزن قوم اجويف يشتيها ملقاك*** كوندليزا وبوش واهل البنتاغون

تحزن اسرائيل انت رايسها ساك*** تحميها وتعسها محال اتخون

تقتل عنها كل مسلم يترجاك***ماتخليش شوكة اتدق بني صهيون

ياحامي صهيون يا خادع قرباك***في اتفرعينك ما يفوتكش فرعون

تخدع فالإسلام تنصر من عاداك*** بايع دينووالوطن كيفاه يكون؟؟

غزة سايل دمها شفت مولاك*** واتحارب في شعبها يبقى مدفون

تمنع عنهاالماء لا يوصل بالاك***منين اتفوت السمش من ذيك الحصون ؟

ما خليت ايفكها غزة فكاك*** لا عربي لا قاوري يدخل بالبــــون

امحاصربالنارذرية باباك*** وتنصر ياجبان المستدمر صهيون

اتعادي فالقدس ولقصى ما عاداك*** شاكي باكي قدسنا باقي ممحون

لقصى في لسلاك ما صابش سلاك*** مسرى طه علاه بعتو يا ملعون

مجاهد غزة اذبحتو يا مقساك*** ارهابي تسميه تحكم بالقــــــــــــانون

اذا مات جويف ظالم ذا بكاك*** تبكي عنو دم في حالك محزون

ارحل بركات شاميرك ناداك***ارحل بركات عالشعب المسجون

ارحل بركات عالشعب المهلاك***اكثرماتلاثين وشعيبك مدفون

ملايين اتموت ما ليهم فكاك***الفقرامع الشر ورقاد الكرطون

ملايين الشعب مسجونة كي هاك***وراح السر امع اللي هو مدفون

عيش الذل وظلم وتاهوديت امعاك***تلاثين عذاب فايت عشر اقرون

مال الشعب وناهبو محال اكفاك***للخارج تديه واشعيبك مديون

غاز بلادك لليهود بلا تسلاك**** واشعيبك بردان في فقرو مرهون

الظلم امع الشر عايش فالهلاك*** قهرو ذل وزيد أمراض الطاعون

المصري بقشيش ولى كيما هاك*** الشعب العظيم رديتو مهيون

أم الدنيا ولات ماتسواش افراك*** وطن الحضارات والعلم المكنون

جمال وعلاء نهبوها لبناك***وفاتتهم فالنهب سوزان الحنون

للفاسد تزيان مصرامع الرناك*** واشعيبك مقهورمذلول ومطحون

لميت السراق والفساد احذاك*** عديان الله ينهبوا باسم القانون

يا ربي يا مالك الملك ولملاك*** يا قوي جبار يا عظيم الكون

اقهر ذ الخبيث طول يتعداك*** اختملو بشر هامان وفرعون

ديرو كي شارون احبيبو هذاك****ما يحيا ما يموت ماهو لامدفون

واتشوفو كل الخلايق كيما هاك***يامن أمرك كل فالكاف امع النون

ياربي هاذ الخلايق تترجاك**** نح اعلييها يالمولى ذ الفرعون

يا عظيم الشان حاجة ما تخفاك*** اشعوب الإسلام ارحمها بمزون

غيث الرحمة يطهر الأمة بالاك*** وينزع اللي راه فلسطين ايخون

سلكنا من كل ظالم يا سلاك*** عديان الأسلام واحباب الصهيون

بن عامر في خالقو ماهوش شاك*** وامعاه المليار يدعي والمليون

بن عامر محمد04/02/2011