مصر يا امه يا بهية

[ابن العروب]

مصر يا بهية

مصر يا أمه يا بهية
يا م طرحة وجلبية
مصر يا أم الحضارة
يا سند الأمة العربية
شدي عزمك شدي حيلك
قومي شدي ع الظلام
رجعي حقوق الأنام
طلعي فجر الأمان
من عيون البلطجية
قومي ياللا يا بهية
قومي ردي الظلم عنك
كفايا سنين القهر
والذيابة سري مري
تآكل الخيرات منك
وتنهب حقوق الشعب
وأنت يا ما ويا ما
يا ما اتحملتي الأسية
وياما خضت في الصعاب
ضد الذيابة والكلاب
وقلتي بالصوت العالي
مصر دولة عربية
من زمان وأنت قوية
وعمرك ما رضيت الرذية
أو قبلت بالدنية
في بارليف صبروا ولادك
لأجل أرضك لأجل ناسك
لأجل نيلك يا بهية
لأجل زغلول وناصر
وثورة السد الأبية
لأجل اللي ماتوا في القناطر
واللي لسه صامدين
واللي شامخ واللي ثاير
واللي يصرخ واللي صابر
واللي عدوا م القنال
واللي هزموا الاحتلال
م الرجال ومن الأبطال
اللي ثاروا ع الصهيونية

مصر يا أمه يا بهية
قومي ثوري على الخيانة
وع الحكومة الرجعية
خلي صوت الشعب يلعلع
خلي شمس الحق تطلع
ثوري عل القمامة والزعامة
لأجل أرواح اليتامى
مصر يا أمه يا بهية
يا اللي رجالك ملح الأرض
قودي الثورة طول وعرض
خليك شامخة وأبية
مفيش شيء عدك مُحال
لا يهمك جبروت البطّال
كان مبارك أو جمال
أو حتى اشويه عيال
في المصالح غرقانين
للرياسة مبيوعين
لا يهمك سجون القهر
بكرة ح تفرحي بالنصر
ويفرح العامل والفلاح
والمثقف والمهندس
والتجار والصنايعية
أوعك بيوم تنذللي
وتردي ع الشلة الهمجية

مصر يا أم الدنيا
يا أرض الحضارة والنضارة
خلي النيل يظل شريانك
أوعي يضيعوا مكانك
ده الدنيا فرحت على شانك
والكل غنى معاك
مات الظالم عاش الحق
يا رب تنصر المصراوية
مصر يا أمه يا بهية
مصر يا ارض الكنانة
يا أم الكرامة والأمانة
قومي ارجعي زاي زمان
رجعي زمن الأمان
كوني نار ع الأمريكان
وشوكة بعين الصهيونية
يا ريت يجيكي جون جال
يبدد سراب المُحال
يكسر حاجز القنوط
ويقطع أيادي الإخطبوط
ويصل الأحوال
ويفتح للشعب المجال
يعيش بكرامة وحرية
يا إخوتي الشجعان
أنقذوا الناس الجوعانة
اسحقوا الكلاب الصرعانه
خلوا الشعب يقول كلمت ُ
ما دام صحية هِمْتُو
خليه يقول لو مرة
يا خاين مكانك مش هنا
مكانك بعيد بره
الشعب بدوا امن وأمان
ورغيف عيش وحرية
يا شعب مصر يا أمير
يا صامد بمدان التحرير
خليك عل الحق ثابت
حتى تقرير المصير
مصر مش عوزا دجال
يشفط في الروحة والجيه
عاوزين زعيم يخاف ربنا
يصون أرضنا مع شعبنا
يقول الشعب مننا ومصر هي أمنا
عيب تروح خيراتنا
ويبقى الخاين عندنا
عيب نسيبها للكلاب
يتمختروا مثل الغراب
وهم كلاب الإمبريالية
مش عاوزين نذالة وخيانة
أو ركوع أو عمالة
بدنا حر من الأحرار
يمرمط هدوم العار
يفك عن غزة الحصار
ويحمي ظهر الفلسطينية
يقول بالصوت العالي
فداك يا أقصى فداك يا قدس
جنود صلاح أهي جايَّة


بقلم
ابن العروب
اليوم في
8/2/2011