اولادك ما يحبوش العدس؟...مالا تفضلي عندي

[mimicha1988]

اليوم جبتلكم طبق جديد ان شاء الله يعجبكم

اغسلي العدس ونضفيه كالمعتاد.

جيبي العدس و فوريه ولا غليه كيما تحبي.مبعد ترحيه في mixeur وبعدها تزيديلو لحم مرحي+ معدنوس مقطع+فلفل اكحل+ملح+بصل مقطع رقيق+راس حانوت وباقي التوابل يعني داويه كيما الكفتة.
في إناء ضربي 4 بيضات وفي إناء آخر ضعي chaplure
اصنعي من العدس كويرات صغيرة مرريها في البيض ثم في الchaplure واقليها في زيت سخون.

حضري sosse blanche . زيت+بصل +ثوم+قطع دجاج أو لحم حتى يذبلو+ملح +فلفل اكحل+راس حانوت+ماء+فلفل حار اخضر.وتكون خاثرة ما تكونش جارية.
في طبق التقديم ضعي كويرات العدس ضيفيلها المرقة نتاعك مع الدجاج وزينيها بالليمون والمعدنوس.
والله طبق رائع وأنا مجرباتو وما صدقوش بلي راهو عدس.جربي ورديلي الخبر

لا تحرموني من ردودكم وآرائكم