الجريمه الاولى وعقابها؟؟؟؟؟

مصريه جدا · 2011-01-11, 20:57

السلام عليكم ورحمة الله وبركاته

من فتره شفت فيلم لساندرا بوليك بصراحه القصه عجبتنى جداجدا
القصه عن اول غلطه او الجريمه الاولى
وقارنت بين الى بيحصل فى وطنا العربى ككل وفى اوربا وامريكا
يعنى لو شاب او فاته غلطوا بالرغم انها بتبقى اول غلطه ليهم
الا ان بيتعاقبوا عليها وعقاب قاسى جداجدا ممكن يضيع مستقبلهم كمان
فى الدول الاجنبيه لو لاحظوا ان دى اول غلطه او اول جريمه بيقوموا باعادة تاهيل للشباب دول
الاول يعلجوهم نفسيا لو المشكله متعلقه بالحاله النفسيه وبعدين يتم تاهيلهم للعمل والمتابعه من قبل الدوله

لكن هنا ممكن تبقى اول غلطه للشاب ومع ذلك بيحاسب عليها حساب قاسى جدا ممكن يدمر مستقبله كله

يعنى قريت فى الجرايد من فتره عن موظف كانته امه مريضه وفلوسه خلصت راح للصيدلى يجيب العلاج الصيدلى رفض يديله العلاج لاخر الشهر حتى بعد ماترجاه الموظف ده رفض
خاف على والدته جداجدا فراح لصيدليه بعيد عن المنطقه الى ساكن فيها
لان محدش يعرفه وحاول يسرق فلوس يشترى بيها العلاج شافه الصيدلى
ساله ليه عمل كدا حكاله القصه

طلع ابن حلال اداله العلاج مجانا واداله كمان مبلغ من المال وقاله لو احتاج اى حاجه يطلبها منه
الموظف من الموقف بكى كثير وفعلا فى اول الشهر الجديد لما قبض مرتبه راح وسدد فلوس العلاج والمبلغ الى اخده من الصيدلى

لو الصديلى ده مكنشى رحيم كان مصير الموظف ده ايه؟

طبعا سجن وضياع مستقبل حتى من قبل مايفكروا ليه هوا عمل كدا

قصه تانيه خاصه بالشيخ الشعرواى

الله يرحمه

كان متعود يساعد شخص معين بمبلغ من المال
وفى فتره الرجل ده مر بازمه ماليه اكبر ففكر فى السرقه وطبعا اختار بيت الشيخ الشعراوى لانه عارف انه كريم ولانه عارف ان لو لاقدر الله اتمسك
الشيخ الشعرواى عارفه

وفعلا اتمسك الرجل ده بس المشكله ان الشيخ الشعراوى كان مسافر
واتقبض على الرجل واتقدم للمحاكمه فى يوم المحاكمه راح الشيخ الشعراوى
وطلب من القاضى يحاكمه هوا
استغرب القاضى
نحاكمك ليه ياشيخ
قال لانى لما اديت المحتاج مدتوش يكفيه
اديته اقل من احتياجه
فانا الى لازم اتعاقب
وفعلا تم الافراج عن الرجل ده
والشيخ الشعرواى رحمة الله فتحله محل عشان يسترزق منه

المشكله هنا بقى

ليه بنحاكم الناس على اول جريمه ونضيع مستقبلهم ونلوث سمعتهم قبل مانحاول ندور على اسباب الجريمه دى

ليه مش بنحاول نتغاضى عن الغلطه الاولى حفاظا على مستقبل اولادنا

ايه رايكم فى الموضوع ده
انتم مع او ضد العقاب على الجريمه الاولى ؟ ولماذاظ

طيب وابن حلال · 2011-01-11, 21:10

نعم انا مع العقاب ولكن يختلف العقاب من الجريمة الاولى الى الرابعة مثلا
ابدا لا يجب التعامل مع الحالتين بنفس الشيء
خاصة اذا كانت مختومة بندم............
لكن هناك بعض الجرائم المخطط لها والتىقام بها الفرد وهو مدرك انها جريمة فاْن امسكوه تاب وان لم يمسكوا به تمادى؟

مصريه جدا · 2011-01-11, 21:15

اقتباس:

المشاركة الأصلية كتبت بواسطة طيب وابن حلال

نعم انا مع العقاب ولكن يختلف العقاب من الجريمة الاولى الى الرابعة مثلا
ابدا لا يجب التعامل مع الحالتين بنفس الشيء
خاصة اذا كانت مختومة بندم............
لكن هناك بعض الجرائم المخطط لها والتىقام بها الفرد وهو مدرك انها جريمة فاْن امسكوه تاب وان لم يمسكوا به تمادى؟

بس هنا العقاب على الجريمه الاولى انا مقلتش نتغاضى عن العقاب ككل
لكن على الاقل نعرف سبب اقدامه على الجريمه دى
مش نعاقبه لاول غلطه فى حياته
فى اوربا بيروح مركز تاهيل
بيتعالج نفسيا وبعدين يتشغل فتره تحت ارشاف حكومى عشان يرجع عضو صالح للمجتمع
واحنا فى الوطن العربى
بنستنى ليه غلطه نحاسبه عليها
وكان خلاص مبقاش فى غلطات غير للشاب الى غلط او الموظف ده

طيب وابن حلال · 2011-01-11, 21:19

اقتباس:

المشاركة الأصلية كتبت بواسطة مصريه جدا

بس هنا العقاب على الجريمه الاولى انا مقلتش نتغاضى عن العقاب ككل
لكن على الاقل نعرف سبب اقدامه على الجريمه دى
مش نعاقبه لاول غلطه فى حياته
فى اوربا بيروح مركز تاهيل
بيتعالج نفسيا وبعدين يتشغل فتره تحت ارشاف حكومى عشان يرجع عضو صالح للمجتمع
واحنا فى الوطن العربى
بنستنى ليه غلطه نحاسبه عليها
وكان خلاص مبقاش فى غلطات غير للشاب الى غلط او الموظف ده

نعم اقصد كذلك العقاب المخفف مثلا في مكان العمل الذي اشتغل فيه موجود شاب متحصل على شهاده عليا ولكنه ارتكب جريمة لم يدخلوه السجن ولكن وضعوه في ادارة ليعمل مدة 4 ساعات يوميا
ما نفتقر اليه نحن في الدول العربية هو الاهتمام بالفرد بالمشاكل الاج والنفسية

مصريه جدا · 2011-01-11, 21:23

صدقت اخى الكريم
فى الوطن العربى مش بنهتم بالحاله النفسيه للموظفين اساسا
ولا بنراعى ظروفهم فى معظم الاوقات ودا الى بيخلى دورة انتاج العامل قليله جدا لانه مش لاقى حد يسمعه ولا يهتم بمشاكله ولا بيحاول يحلها

جزاك الله خيرا اخى على المرور

kateb · 2011-01-11, 21:25

السلام عليكم ورحمة الله وبركاته
ماكنش حاجة يسموها عقاب مخفف او عقاب ثقيل
هناك جريمة وهناك عقاب
لازم كل واحد يتحمل مسؤلية افعاله
لو كان كل واحد يسرق تقطع يده او كل واحد يزني يجلد هل بقي فينا من يسرق ويزني
علينا العودة لكتاب الله في اخذ العقاب الملازم للجريمة
تقبلي مروري اختي ساره وتاكدي اننا مجتمعات اسلامية عربية مش مجتمعات غربية
ليلة سعيدة للجميع

مصريه جدا · 2011-01-11, 21:40

ولو كل واحد خان يبقى لازم يعاقب
ولو كل احد استغل ثقة الناس فيه يبقى لازم يعاقب
احسن اعرف ناس رافضه العقاب على الاشياء دى
بما ان العقاب على الجميع
فيجب على الجميع ان يتحمل العقاب مهما كان

kateb · 2011-01-11, 21:48

اقتباس:

المشاركة الأصلية كتبت بواسطة مصريه جدا

ولو كل واحد خان يبقى لازم يعاقب
ولو كل احد استغل ثقة الناس فيه يبقى لازم يعاقب
احسن اعرف ناس رافضه العقاب على الاشياء دى
بما ان العقاب على الجميع
فيجب على الجميع ان يتحمل العقاب مهما كان

كلام جميل لكن هيهات ان نعاقب احاسيس الناس
لاننا لا نعرف ما بداخلهم يمكن يكونو يعاقبو انفسهم
لما لا يعرفو يعبرو عن احاسيسهم
في النهاية لا يعرف ما بداخل ابن ادم الا الله
وتاكدي ان الله الي يعاقبنا على ما بداخلنا
ليلة سعيدة للجميع

amine-maghnawi · 2011-01-11, 22:26

شكراااااااااااااااااااااااااا على الموضوع تسلم

مصريه جدا · 2011-01-11, 23:12

العفو اخى شكرا للمرور

نورة · 2011-01-12, 12:36

شكرا اختى مصرية جدا على الموضوع
انا فى رأيى نشوف حكم الشرع فى هذه القضية
ان كان يتحاكم نحكموه وان كان لا نعطوه فرصة اخرى

hajer.joujou · 2011-01-12, 13:19

شكرا اخت مصرية جدا انا حسب رايي من يرتكب خطا لازم ينال جزاء حسب الخطا
لكني لا اخالفك رايك

سحر الجزائرية · 2011-01-12, 19:11

السلام عليكم
اختي سارة ان العقاب في مجتماعتنا لا ينظر في حالة الانسان الاجتماعية ولا النفسية بل بما ينص عليه القانون
مثلا في علم النفس هناك تخصص عمل وتنظيم من المفروض ان يكون مثل هؤلاء المختصين في المؤسسات والشركات للاهتمام بنفسية العامل المتدهورة في مجتمعاتنا لكنهم لا يوجدو.
حتى العقاب النفسي الذي نمارسه على المخطئين يكون قاسي ولو كنا نحن المخطئين لطلبنا الرحمة والرفق في الحكم والتمسنا الاعذار لانفسنا لكننا لا نلتمسه للاخرين ولا يهمنا ان كان اول خطا او اخر خطا .

مصريه جدا · 2011-01-12, 19:21

اقتباس:

المشاركة الأصلية كتبت بواسطة راوية 80

شكرا اختى مصرية جدا على الموضوع
انا فى رأيى نشوف حكم الشرع فى هذه القضية
ان كان يتحاكم نحكموه وان كان لا نعطوه فرصة اخرى

شكرا للمرور ياراويه وحشانى جداجدا
بخصوص راى الدين فى الموضوع اكيد ظهر من خلال كلام الشيخ الشعراوى حتى لو دا كان موقف شخصى للشيخ فقط الا انه بيلزمنا ندى فرصه لاى انسان خصوصا لما تبقى اول غلطه

مصريه جدا · 2011-01-12, 19:24

اقتباس:

المشاركة الأصلية كتبت بواسطة hajer.joujou

شكرا اخت مصرية جدا انا حسب رايي من يرتكب خطا لازم ينال جزاء حسب الخطا
لكني لا اخالفك رايك

جزاك الله خيرا اختى هاجر
انا معاكى ان الى يغلط لازم ينال جزاؤه بس المهم نوع الجزاء ده ازاى
يعنى مش يسجن ويضيع مستقبله لمجرد غلطه واحده عامله ساعة طيش او ساعة حاجه ليه للمال
بس العقاب هنا يبقى مخفف والجريمه الاولى متبقاش مسجله زى مابيحصل فى الدول الاوربيه
لان دا بياثر جدا فى نفسية الشباب خصوصا فى مجتمعاتنا العربيه
لاننا للاسف مجتمعات لاترحم