نكت عجبتني..

[ذبُــولْ ~]

السلام عليكم..اول مرة نكتب هنا ونتمنى تعجبكم النكت الي خيرتها..
قالك واحد جاهل تزوج وحدة قارية..بعد ثلاث شهور ولدت..حلف يقتلها..قاتلو علاه!ارواح نحسبو:
انا شحال عندي من لي تزوجت..قالها ثلاث شهور
قاتلو ونتا شحال عندك من لي تزوجت..قالها ثلاث شهور..
قاتلو وحنا شحال عندنا من لي تزوجنا..قالها ثلاث شهور..
قاتلو احسبهم تلقاهم تسعة..
قالها..اييييييييييه عندو الحق لي قال العلم نور..ههههههههه
****
قالك جزايري وسوداني ومصري راكبين في طيارة رايحة تطيح..وكاين غير زوج باراشوت..المصري دار وحدة وطيش روحو والسوداني دار الثانية وقال للجزايري ونتا كيفاش تدير..قالو ماتخافش راني عطيتلو الساكودو نتاعي..هههههههههههه
*****
قالك افريقي سجل في مدرسة ليلية..كل يوم يكتبوه غياب
*****
قالك واحد ديما تسقسيه صاحبتو واش تغديت يقولها لوبيا كل يوم..قالو صاحبو اكذب عليها شويا قولها تغديت روطي شوا بيتزا..ايا خدمتلو لغدوا كي سقساتو واش تغديت قالها بيتزا قاتلو واش بنينة..قالها والله كليت زوج مغارف شبعت هههههه
****
قالك جحا ركب في حافلة بريطانية فيها زوج طوابق..ايا طلع الفوق ومبعد هبط..كي سقساوه علاه وليت..قالهم الفوق ماعندهمش سائق..هههههههه
****
قالك ماريكاني جا لدزاير ودار حادث..ايا تبرعلو شاب بطال بالدم..السيد برا ورجع لبلادو..بعد مدة راح السفير لنيويورك يسقسي عليه..لقاه مريح تحت ناطحة سحاب مفرش كرطون ويتكيف في قارو ريم ويقول "ياخي بلاد ياخي"

ان شاء الله تكون عجبتكم..سلام