مـا عـنديش الجـــــوال

[ramzi nassim]

انايا مـا عـنديش الجـــــوال 000 غير وحــدي سـارح بالخيال

نحدث فيك زعمه يا الغـزال 000 الخاطريحنجج طالق مرسالو

نبكي انايا بدمعك الســـــيال 000 و نتنهد انا كيضيق بك الحال

ماكيش عمري وحدك محال 000 وقلــيبي ديـما لـيك ترحــــالو

اذا حنيتي راني معاك مـيال 000 واذا انجرحتي راه دمي لسال

مهما طوال علينا الوصـــال 000 راكي في مـخي فايض خـيالو

نحدث فيك كانكي في القبال 000 صوتك راه في وذني جــلجال

طيب ريحك عبق المـــجال 000 حوجي على حضني وش حالو

خليتيني وحيد لا من يسـال 000 و انتي الام و الحـبيبه و العـيال

نشكي للمولى قلبي راه مال 000 و ذبـت كشــمعه بصارها ذبالو

يا رب نطلب و طلباتي قلال 000 لا تـغرني دنـيا فــانيا لا مـال

ارزقني بولفي نديها بالحلال 000 يا رب والرزق عليك لا نسألو