السيارة الشبح......................

Khaled 2 · 2007-06-08, 21:27

وحد الراجل كان واقف في الطروطوار يستنا في فروض تهزوا باش تديه لوحد القرية بعيدة شوي و مازال يستنا و المطر تصب و هو ماعادش قادر يشوف رجليه من الضباب و فجأة من بين الضباب خرجت سيارة كحلة و هذاك الراجل كيمالقاش غيرها قال معليش نريسكي و نركب . ركب الطونوبيل خزر للشوفار باش يسلم عليه مالقاش شوفار لقاها تمشي وحدها السيد طاح قلبه من الخلعة و عاد قريب يبكي (لا إله إلا الله ) و بعدها بشوي بدات الطونوبيل تزيد في الفيتاس شوي شوي و الراجل يدعي و يشهد كيلي راح يموت ( يقطع القلب مسكين ) و مبعد الطونوبيل قربت من فيراج و الفيتاس يزيد المخلوق عاد يبكي و مافاقش لقا يد داخلة من الطاقة شدت القيدون و دور الكروسة فرح الراجل بصح بقى خلعان أمبعد نقصت الطونوبيل الفيتاس زرب فتح الباب و هرب وراح على لقهوة قريبة و بدا يحكي للغاشي واش سرا و بعد ما تأكدوا بلي راه مش سكران ولا مختل عقلياً بداو يسمعولوا و فجأة دخلوا زوج رجال للقهوة قال الأول للثاني

ماهوش هاذا هو الحمار اللي ركب في الطونوبيل وحنا ندزو فيها!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟

هههههههههههههههههههههههههههههههههههههههههههههههههه ههه
إنتظروا المزيد

المدنى التلمسانى · 2007-06-08, 23:04

ليتك تكتب بالعربى الفصيح صعب علينا فهم الهجة الجزائرية

Khaled 2 · 2007-06-08, 23:39

أسف أخي التلمساني سأحاول تلبية طلبك عن قريب إنشاء الله
و متشرفين بمعرفتك و نرحب بإسم المتدى كله بإخواننا من ليبيا ... وشكراً

hassan2008 · 2007-06-09, 11:16

حكاية مريقله تشكر

Khaled 2 · 2007-06-09, 11:45

مشكور على المرور أخي حسان و إنتظر المزيد عن قريب إنشاء الله و متشرفين يا جديد

الأميرة بلقيس · 2007-06-09, 12:13

حكاية روعة هههههههههههههه مشكوووووور (ماهوش هاذا هو الحمار اللي ركب في الطونوبيل وحنا ندزو فيها!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟)ههه ههههههههههههه