نسهر.كثر.الليل.حيران نخمم

[بوضياف عبد الحق]

هادي.الابيات..للشاعر.المرحوم..الحاج.تناح....من.منط قة.حشاد...دائرة.عين.الملح....ولاية.المسيلة..




نصهر كثر الليل حيران نخمم.......فيميزي مهوش عاجبني ذالحال
كنخرج من دارنا نرجع نادم.......ماتحلا قصرا مع الناس الجهال
تلعب بحديث مهوش امسقم........مانسمع سوى القتبة والمحال
اشفينا في ناس هل غيراواحرم.....في عرض الميعاد يعطولك مثال
اتخالطهم يفجوا عليك اروح الهم.......بالمحبة الصادقا كانوا رجال
عز لي محقور ولي يقصدهم.........ياحزني من عرشنا قابوا لبطال
راهم معروفين اعلاش انسميهم........اهل الجود والشنا ناس الكمال
سكنوا دار الحق رب يرحمهم..........وتمساوا انجومهم وظلام الحال
من حقي حتى اوقابو نشكرهم.........خلاو التاريخ تفخربيه اجيال
اصماطو ليام وين نكملهم...............نطلب رب خالقي يوساع البال
هاذا الجيل اشتيت نشكر ولا انذم.........الي تحكيلوا مافسرلك مقال
اتوالم هو ازيدعليك الهم.........يحفرلك حفرا ينصبلك خيال
يضحكلك ضحكا قلبو فيه السم........يدك سرك للعدو يقدا حمال
صاحب الوجهين في نار المجحم..........لابد جاي نهار تتقابل لفعال
رب يقض بين مظلوم اظلم.........ماينفع لجاه لخوا لمال
الي يفعل الخير يلقاه مزمم......ولي فعل الشر خاسر في لعمال
ياقلبي خوذ النصايح ونسى الهم......اعرف رب خير من صحبة لرذال
اتكلم بالحق ظاهر ولا تحشم......اهل الصح اليوم قعدوا ناس اقلال
لاتحضر في زور لاتغبن مسلم.......واغلب نفسك لاتيه مع الهمال
قلبي راه اقولي لاش تلوم..........كثر الناس اليوم دخلت فالمحال
حتى نايا ننصحك كان اتنجم.........خلف وطنك روح سيح امع الجيال
ماتعرف لاخو لابن عم ..........ماتدخلش حزبهم تبرا لعلال
اغفر يارباذنوب ينظم...........بفضلك اشفيه يبرا من لعلال
اسمي ثلث حروف يامنك تفهم.........حرف التاء والنون والحا ياسوال