أجرينا اليوم مقابلة قسنطينة فهل هناك من كان حاضرا

[أبو وجدان]

اجتزت اليوم مقابلة ببلدية قسنطينة و الحضور كانوا كثر خاصة في اختصاص الكترونيك
أجريت المقالة و انصرفت مباشرة فلا أدري هل استمرت المقابلات لوقت متأخر أم أجلت لغد
المهم هل هناك من كان حاضرا
أنا اختصاص مهندس دولة في الإحصاء

[m!sS Rose]

أي كنت حاضرة و التخصص إحصاء

فوتت مع اللولين والله أعلم على شحال كملو

ربي يوفقنا كامل ان شاء الله

[أبو وجدان]

خلاص عرفتك كنتي جالسة علة الجهة اليسرى مع زميلتك
و إن لم تكوني كذلك فأنت من كنت جالسة على الجهة اليمنى وحدك
المهم أعضاء لجنة التحكيم ركزوا كثيرا على الخبرة لا أدري إن كانت لديك خبرة عمل أم لا
لكن بالنسبة إلي أشرفت على مصلحة الإحصائيات بأحد المحاكم لمدة عام كامل و الآن أشتغل أستاذ متعاقد بأحد الثانويات
على فكرة تستطيعين العمل كأستاذة رياضيات بالثانوي
ربي يفوقك أختي الفاضلة
و آسف جدا على ردودي التي لم تكن في محلها بأحد أركان المنتدى
ربي يكون الخير

[m!sS Rose]

المشاركة الأصلية كتبت بواسطة تاجر الأحلام

خلاص عرفتك كنتي جالسة علة الجهة اليسرى مع زميلتك
و إن لم تكوني كذلك فأنت من كنت جالسة على الجهة اليمنى وحدك
المهم أعضاء لجنة التحكيم ركزوا كثيرا على الخبرة لا أدري إن كانت لديك خبرة عمل أم لا
لكن بالنسبة إلي أشرفت على مصلحة الإحصائيات بأحد المحاكم لمدة عام كامل و الآن أشتغل أستاذ متعاقد بأحد الثانويات
على فكرة تستطيعين العمل كأستاذة رياضيات بالثانوي
ربي يفوقك أختي الفاضلة
و آسف جدا على ردودي التي لم تكن في محلها بأحد أركان المنتدى
ربي يكون الخير

أها .. صوح عرفتني هئ هئ

كونت جالسة مع زميلتي على الجهة اليسرى

أي ركزوا ع الخبرة مي والله عجبني الحال بالبزاف معاهوم.. عبرت ع شعوري للخر .. أسئلة لاعلاقة بالتخصص الا سؤال واحد ووحيد .. ايماجيني حكيت حكيت ومع اللخر كي قالولي خلاص دورت للشخص تع اللجنة اللي كان ع الجنب .. باسك مهدرش خلاص .. قوتلو حابة نسمع صوتك وععععع.. نطق الراجل اللي بحدايا قالي هذا هو المدير تع الموارد البشرية وخليتهوم ميتين ضحك و خرجت

يس قريت ف سيامات وليسيات ودوك راني فاكاتار ف جامعة.. ومن جهة الخبرة اللي يحوسو عليها .. معنديش بزاف من وقت تخرجت يعني عام السنة وين جبت ماستر2 ودوك أولى دكتورا.. خدمت ف روسونسومو اللخرة ف ons وبرك.. ربي ينجحنا كامل ان شاء الله

ومن جهة ردودك اللي تحكي عليها .. هذاك أمر يعنيك بالطبيعة واحنا ف عالم افتراضي يعني كل حر فيمَ ذهب إليه



سلامـــــــي

[tarekmoc]

ممكن نوع الأسئلة؟؟؟؟؟؟؟؟؟؟؟؟؟؟

[m!sS Rose]

المشاركة الأصلية كتبت بواسطة tarekmoc

ممكن نوع الأسئلة؟؟؟؟؟؟؟؟؟؟؟؟؟؟

يمكن لك أن تسمي تلك الجلسة باسم فلسفة .. ثقافة حياتية .. ثقافة كلام وكفى

أولا .. هل عيدتي مليح
ثانيا .. وش خدمتي ف حياتك.. واحكيلنا شوية على مقوّماتك /لغات برمجة/
ثالتا .. وش رايك ف خدمة الادارات وهل خدمتي من قبل
...رابعا .. وعلاه انتي صغيرة ووصلتي هاكا بزربة للدكتورا .. دببة
خامسا .. زوج تسابقو وواحد فيهوم ما سبق الثالتة .. شكون الرابح آو لول
سادسا ..نطقت انا وجاوبت وبفلسفة طويلة .. وعريضة وربي يستر



بالتوفيق.. المهم قوة الشخصية والثقة ف النفس

[tarekmoc]

ربي يهدي الادارة الجزائرية

لامنهجية لا والووووو

التزوير المقنن و المحسوبية المزوقة

ربي يسهل للجميع و يوفقهم

-----------------------------------------

شكرا أختي m!sS Rose

[m!sS Rose]

آمين خويا

هوما ماشيين واحنا وراهوم جاريين

تزوير رشوة .. كيما يحبو.. المهم حنا نجربو بش منندموش وكلشي بمكتوب ربي



سلامي

[tarekmoc]

نفرح كي نتفكر بلي كاينة الجنة

حياتنا راحت خسارة ان شاء الله ماتروحش برك الآخرة

تحياتي

[bankes]

أنا درت ملف تاع أعوان مكتب و لكن لحد الآن لم يصلني إستدعاء و لا شيئ
هل من جديد
؟؟؟؟؟؟؟؟؟؟؟؟؟؟

[saber86]

هل فاتو تاع التهيئة العمرانية

[tarekmoc]

اليوم فوتنا الاعلام الآلي

[m!sS Rose]

المشاركة الأصلية كتبت بواسطة bankes

أنا درت ملف تاع أعوان مكتب و لكن لحد الآن لم يصلني إستدعاء و لا شيئ
هل من جديد
؟؟؟؟؟؟؟؟؟؟؟؟؟؟

تصدق .. اليوم وين وصلني الاستدعاء تع الامتحان اللي جوزناه نهار خميس

وستر ربي اللي عيطونا بار تلفون

دونك راهم يعيطولكم بالتلفون.. ومكان لاه تعول ع الكونفوكاسيو


ربي يوفقك

[ibn sahara]

crbo ouarizane
أو واريزان crbo
عند دق دواجي تاكلو القاطو وين باه ... وراهي في الجهوي الاول ولا الثاني كيف كيف