من منكم سجل , أو يريد أن يسجل في باكالوريا 2011

[المهندس الجزائري]

أريد أن أعرف من منكم سجل , أو يريد أن يسجل في باكالوريا 2011 التسجيلات تنتهي في نوفمبر , أنا لحد الآن لا أعرف إن كنت قادرا على تحسين معدلي العام القادم لذا أنا متردد قليلا , أرجو منكم مساعدتي أيها الإخوة .

[نظام الفوضى]

ربي يوفقك خويا ...............كاش جديد يلحقك ان شاء الله

[samihaa303]

أنا تاني رايحة نسجل في الباك خويا ماتتردد ماوالوا صلي صلاة الا ستخارة واللي فيه الخير يجيبو ربي.

ربي يعونك ويكون معاك.

[أمنية الجزائر]

حتى أنا رايحة نعود باه ندخل بحول الله للصيدلة ، التسجيلات راهي تبدا 15 اكتوبر و تخلص 15 نوفمبر . تاخد رايي غير عاود هكدا باه مانتدمش ممبعد .

[وسام910]

أخي الكريم

التسجيلات تبدأ يوم 15/10/2010 و تنتهي يوم 15/11/2010 على الموقع [https://insbac.onec.dz/][/b]

أتمنى لك كـــــل التـــوفــيق

[hafid47200]

Méme Ana nsajallllllllllllllllllllllllllllllllll
n3awéd l BAC ghir kima Hak
naf7étli n3awééééddddd

[سلمى سلمى]

سلام عليكم
بما انك متررد احسن شيئ انك تسجل باش ما تندمش كي يفوت الوقت واذا حاب ربي ان شاء الله نحسنوا معدلاتنا لكن لازم تدير في راسك بلي الهندسة المعمارية شوية صعبية ويلزم تركزلها بزاف لكن اذا حاب تدير تخصص اخر بقدرة ربي وبالارادة تنجح في قرايتك وتحسن معدلك وربي يوفقنا ان شاء الله

[المهندس الجزائري]

المشاركة الأصلية كتبت بواسطة سلمى سلمى

سلام عليكم
بما انك متررد احسن شيئ انك تسجل باش ما تندمش كي يفوت الوقت واذا حاب ربي ان شاء الله نحسنوا معدلاتنا لكن لازم تدير في راسك بلي الهندسة المعمارية شوية صعبية ويلزم تركزلها بزاف لكن اذا حاب تدير تخصص اخر بقدرة ربي وبالارادة تنجح في قرايتك وتحسن معدلك وربي يوفقنا ان شاء الله

ربي يوفقك
يا أخت سلمى , مازلت تقراي هندسة معمارية في شلف ؟

[بسازوكي]

انا ثاني حابة نسجل ومتترددة لانو الدراسة صعبة وخايفة يكونو اختبارات الجامعة مع البكالوريا

[LionelHocine]

سجل سجل سجل ما تقولش لالا
راك تندم من بعد
ياك ماك خاسر والو ... سجل و اقرالو شوي و صلي صلاتك في وقتها
و صدقني ما تندم

[amouna 07]

انا كانت عندي نفس الفكرة سابقا بصح نحيتها من راسي .على خاطر الدراسة في الهندسة المعمارية ماهيش سهلة والدروس الاخيرة ماقريناهاش الور لازم تقراهم مليح ومن الاحسن دير ليكور .بصح الوقت ماكانش .وانا حتى لو عاودت مانجيبش فوق 12 كحد اقصى (التصحيح بالنسبة للاحرار اصعب من تصحيح النظاميين) ...........هذا مجرد راي خاص .....سلام

[المهندس الجزائري]

........................................... .....

[riro1992]

عندبالكم غيؤ أرواح و عاود باطل الأحرار راهم يخلصوا 5000دج يا جماعة .رانا عارفين بلي كي نكونوا نقراوا في الخامعة القراية تاع العام اللي فات تبان ساهلة مي نلهى مع الهندسة المعمارية ولا نلهى مع غوبلو ومع كوفيه ولا مع التاريخ

[mahmoud85]

السلام عليكم
اخي فارسي توكل على الله وسجل
والله ولي التوفيق
شكرااا

[المهندس الجزائري]

أشكركم جزيل الشكر أيها الإخوة الأكارم على هذا التفاعل معي , صحيح الهندسة المعمارية ليست سهلة و البرنامج طويل و اخشي أن لا أتمكن من التوفيق بين الدراسة في الجامعة و التحضير للباكالوريا , قالولي اللي يدخل راتراباج ماعندوش الحق باش يروح ماستر