مباراة فريقنا مع افريقيا الوسطى فكرتني بحكاية المنشطة تاع التلفزيون الجزائري .

[سمير الشاوي]

واحد النهار......
حلّيت عيني من الرقاد، لقيت التلفزة الجزائرية اللي نسوموها "اليتيمة" ظاهرة فيها امرأة تقدم في حصة "صباحيات"، مدايرة الاحمر والازرق في عينيها
وقُدَّامها واحد يقدّم اخبار الرياضة
كانوا فرحانين وهوما يحكوا على المنتخب الوطني،...واش نقولكم.
.................
بعد أن نقل مجموعة من الأخبار عن الفريق...
تكلّمت المنشطة، وهي تمضغ في الشوينكوم، قالتلوا:
تعرف، عندنا أفضل منتخب في افريقيا !!، وأفضل منتخب عند العرب !!!!
.............
قالها: كيفاش عرفتي ؟؟
............
قالتلوا:
منتخبنا أفضل منتخب عربي !!، لا خاطر أحنا المنتخب الوحيد العربي في المونديال
وأفضل منتخب في افريقيا !!!، كي عاد احنا ربحنا مصر !!، ومصر دات لا كوب دا افريك
........................
الشيء اللي نتمناه، أنوا هاذي المنشطة - الله لا يصبح مومن عليها- تكون ما تفرجتش مباراة افريقيا الوسطى باه تبقى في منامها...