كيف درستم الفلسفة

mira.ph · 2010-09-17, 08:17

كل ولحد يقول كيف درس مادة الفلسفة هل حفظا اعمى ام فهما و كم تحصلتم في الباكالوريا

mira.ph · 2010-09-17, 08:24

سابدا بنفسي
بالنسبة لي مادة الفلسفة هي السبب في عدم دخولي الشعبة التي اريد
لذا قررت ان اعيد الباكالوريا حرة اكنني لا اعلم كيف سادرسها فالعام الماضي الاستاذ لم يكن يشرح لنا ولا يعطينا مقالات ماذا افعل ساعدوني
لقد تحصلت على معدل 6 في الفلسفة في الباكالوريا مع ان معدلي العام في الباكالوريا هو 14

mira.ph · 2010-09-17, 08:25

هل تتطلب الحفظ ام الفهم

mima242 · 2010-09-17, 09:30

بصراحة انا حفظت بعض المقالات المهمة بالطريقةالجدلية و فهمت بقية الطرق يعني الاستقصاء بلوضع و الرفع
والحمد لله وفقت في المتحان وتحصلت على14

mostefa82 · 2010-09-17, 14:17

انا درست الفلسفة من الكتاب المدرسي و من هذا الموقع المفيد جدا ولم اعتمد على الاستاذ والكراس الا قليلا جدا
https://www.fourar.tk/

والحمد لله تحصلت على 14

الجوهرة الدهبية · 2010-09-17, 14:27

عمري ولا درتلها أي أهتمام حتى في البكالوريا جامي قريتها نسمع عباد يحفظو مقالات بصح راسي ميهزش
الله غالب
__فب الباك ديت 6 مع العلم انني علمية

سامي-الشاوي · 2010-09-17, 14:34

انا علمي و الفلسفة جامي دخلت راسي مي في اخر العام حفضت 2 مقالات في ليلة الرعد ورحت لدار الشيخ فهمني في الطريقة من الطرائق نسيت اسمها درك والغريب ان الباك جا مقالة حفضتها وديت 10.5

جزائري2 · 2010-09-17, 14:53

اييييه على الفلسفة حنا مرض الأستاذ تاعنا مالا ماقريناش شحال حتى حبسنا القراية و قلنا جيبونا أستاذ بسيف و ماحبيناش ندخلوا مالا حاوزونا و قالونا جيبو والديكم مبعد جابونا وحد السيد مسكين جون قرانا شوي وكره و قعدنا هكذا حتى مع التالي تبرعتنا أستاذة حفظها الله و جزاها كل خير خلال الشهر و نصف التوالا بكثافة وكانت تعطينا توقعات مالا حفظت زوج هما المشكلة و الإشكالية و البيولوجيا حفطتهم قبل البكالوريا التجريبي وكنت نتلاقا بالأستاذة خلال أيام الباك خاطش عست في المؤسسة لي كنت فيها وكانت تقولي على هادو زوج مالا زدت شفتهم و شفت وحدخرين كانت شاكة فيهم يومين قبل الباك وزدت الليلة و زدت ديت نصائح من عند أستاذة أخرى بالهاتف جزاها الله خير أيضا ونهار الباك طاحت مقالة البيولوجيا لي توقعتها الأستاذة و أغلب الأساتذة وشحال ديت ؟ ديت 13.5 وراضي بهذه النقطة و نشكرا الأستاذتين حفظهما الله أما الأستاذ الذي مرض فأطلب من الله أن يرحمه و يسكنه فسيح جناته و يجعل قبره روضة من رياض الجنة فقد توفي منذ مدة قصيرة ( ادعوا له بالرحمة أنتم أيضا ) .
و هذه هي حكايتي مع الفلسفة .

mostefa82 · 2010-09-17, 15:12

اقتباس:

المشاركة الأصلية كتبت بواسطة جزائري2

اييييه على الفلسفة حنا مرض الأستاذ تاعنا مالا ماقريناش شحال حتى حبسنا القراية و قلنا جيبونا أستاذ بسيف و ماحبيناش ندخلوا مالا حاوزونا و قالونا جيبو والديكم مبعد جابونا وحد السيد مسكين جون قرانا شوي وكره و قعدنا هكذا حتى مع التالي تبرعتنا أستاذة حفظها الله و جزاها كل خير خلال الشهر و نصف التوالا بكثافة وكانت تعطينا توقعات مالا حفظت زوج هما المشكلة و الإشكالية و البيولوجيا حفطتهم قبل البكالوريا التجريبي وكنت نتلاقا بالأستاذة خلال أيام الباك خاطش عست في المؤسسة لي كنت فيها وكانت تقولي على هادو زوج مالا زدت شفتهم و شفت وحدخرين كانت شاكة فيهم يومين قبل الباك وزدت الليلة و زدت ديت نصائح من عند أستاذة أخرى بالهاتف جزاها الله خير أيضا ونهار الباك طاحت مقالة البيولوجيا لي توقعتها الأستاذة و أغلب الأساتذة وشحال ديت ؟ ديت 13.5 وراضي بهذه النقطة و نشكرا الأستاذتين حفظهما الله أما الأستاذ الذي مرض فأطلب من الله أن يرحمه و يسكنه فسيح جناته و يجعل قبره روضة من رياض الجنة فقد توفي منذ مدة قصيرة ( ادعوا له بالرحمة أنتم أيضا ) .
و هذه هي حكايتي مع الفلسفة .

رحم الله استاذك أسأل الله العظيم ان يدخله الجنة ويعفوا عن سيئاته ويضاعف حسناته

soufi18 · 2010-09-17, 17:29

انا لم أدرسها عاما كاملا وفي عشية الإمتحان للباكالوريا قرأت مقالة وحفظت بعضالأفكار فتحصلت على 15.5 لذا انصحكم بأن تكتبوا ما في رؤوسكم ولا تنقلو أبدا فهذا مهم للحصول على علامة كبيرة

نوووور · 2010-09-17, 19:33

السلام عليكم
شوفي أختي العزيزة انا ما كنتش كيما راهم يقولو
عمرك ولا تتجاهلي مادة من المواد
لانك في رايحة تندمي ادا ما جبتيش فيها مليح
الفلسفة و الله العظيم مليحة
و صدقيني كي توصلو للبيولوجيا و دروس الفصل 2
تجيك ممتعة
حاولي تحبيها وقرايها وما تعتمديش على الحفظ بزاف
درك يفوت شويا وقت وتلقاي روحك فهمتي المنهجية
انا كنت نشو ف زملائي يحفظو المقالات
مي انا نحفظ مثلا واش ندير في المقدمة و واش ندير في العرض و الخاتمة
و نصوغها باسلوبي الخاص
هكا جبت في الباك 16
بالتوفيق و ربي بينحجك

safioo · 2010-09-17, 19:59

في الحق اختي احنا كان عندنا واحد الأستاذ غالط في كل المنهجية وما علمنا لا كفاه نديروا الطرائق الجدلية سواء بالرفع أو الاستقساء
فكنا نتمشاو كي الأطرش في الزفة وكيشما درنا ما حبوش يبدلوهنا فكان لازم عليا نستحملوا
انا شخصيا ما كنت مطلعا والوا دبرت من الانترنت مقالات فهمتهم برك ومشيت نفوت الباك على الزهر والحمد لله جبت 11 فيها

ننصحك من البدوا نتاع العام دوري على المقالات وفهميهم مليح لأنوا وكان حتى تحفظي وتنساي تبقالك الفهامة تسلك

بالتوفيق حنونة

hunter1715 · 2010-09-17, 22:03

السلام عليكم
انا كنت شعبة رياضيات والفلسفة لم تكن تعني لي الشيء الكثير
لكن عندما اقترب وقت الامتحان . انحصرت الشكوك حول 4 أو 5 مقالات محتملة
فهمتهم و حفضت الطرق التي من الممكن أن تطرح فيهم
وبعون الله كان موضوع العوائق الابستيمولوجية من بينهم.
وتحصلت على علامة 14.5
بالتوفيق لكل المترشحين

❀ بَسْمَةْ أَمَلْ ❀ · 2010-09-17, 22:20

جبت 11 بالزهر وراضية بيها لانى منصورش روحي نقراها نكرها كره اعمي لمزية للي طاحت في الباك ركزت عليها كانو متوقعينهااااااااا قريتها لعشية برك والحمد لله

ghostdz30 · 2010-09-17, 23:34

ديري عليا ماتندميش انا إعتمدت على التخمين و الزهر انا حفظت مقالتين (و ماحفظتهمش بمعنى الكلمة حفظت العناصر اللي فيهم باه تعود عندي فكرة في التعبير) ماجاوش في البكالوريات اللي فاتو 2008 2009 و حفظت الطرق الثلاثة لكتابة المقال بمعرفة الطريقة ووجود كم من المعلومات تقدري تكدبي و تكتبي مقال أنا حفظت بيولوجيا و المشكلة و الإشكالية و طاحت البيولوجيا . إذا نقترح عليك المشكلة و الإشكالية و الشعور بالأنا و الغير و العلوم الإجتماعية أحفظي عناصر و الطرق و العام الجاي رديلي لخبر