عــــــــــــــاااااجل

[darksayuki1]

اخواني اعضاء منتديات الجلفة اريد منكم ان تخبروني عن معاملات المواد للسنة الثالثة ثانوي شغبة علوم تجريبية و هل تؤثر العلامة المتحصل عليها في الفلسفة على المعدل الاجمالي في البكالوريا
لانه صراحة مادة الفلسفة تؤرقني كثيرا فالمنهاج يعج بالدروس و المقالات الفلسفية الطويلة التي اظن انني لو حفظتها ساودع المواد الاساسية
لا تبخلوا علي ارجوكم

[youcef_99]

هذي مازالك مقريتش الفلسفة قع وراك خايف منها
الفلسفة مادة ساهلة غير لي ما يحبش يقراها
ما تخافش منها ما دير والو ما تاثرش

[darksayuki1]

و الله راني خاف بالبزاف منها خايف نقراها و مبعد نتكلح في المواد الاساسية خاصة و انني عازم على التفوق

[darksayuki1]

لو تم حذفها من البرنامج لكان احسن

[❀ بَسْمَةْ أَمَلْ ❀]

والله احنا شعب العلوم غير ظالمينا بالفلسفة التلاميذ ديما يخافو منها وهي الصح الصح صامطة بصح مش صعيبة بزاف نعطيك نصيحة لوجه اهتم ثم اهتم ثم اهتم بشرح الاستاذ حاول تفهم علي قدر المستطاع لان الفسلسة ماشي غير حفيظة

المعاملات

الرياضيات 5
الفيزياء5
العلوم6
ادب3
فرنسية انجليزية+اجتماعيات+شريعة+فسلسفة 2
سبور 1

[darksayuki1]

مشكورة اختي زهرة الدنيا بارك الله فيك

[*imane*]

kho filo makan walo khla3ha 9bel matekhel3ek o zid lokan tehmelha rah thebtlek la moyen general fel bac kano m3ana jma3a ki yedkhol prof filo yekherjo dorka nedmo li ma9rawhach il fau te9ra kamel les matiers bah t'assuré la moyenne dialek fel bac

[mima_rose11]

الفلسفة مادة سهلة و لا تفكر تفكير سلبي تجاهها لان ذلك سيصعبها عليك
الفلسفة تعتمد على الفهم اكثر و الحفظ بدرجة اقل كأن تحفظ اقوال الفلاسفة مثلا
لا تحاول حفظ المقالات بل يجب ان تفهم الطريقة التي تكتب بها انواع المقالات حتى اذا تغير السؤال و كان بطريقة غير مباشرة استطعت ان تفهمه و انصحك بوضع امثلة من الواقع و مطابقة الواقع للفلسفة

[darksayuki1]

شكرا لكم اخواني على هذا الدعم المعنوي مي قالولي ماتعطيلهاش اكثر مما تستاهل

[manare]

نقولك الصح الفلسفة ساااااااااااااااااااااهلة بزاف بالنسبة للعلميين خاطر منتعمقوش كيما الادبيين انا نقولك عن تجربة رغم انو عندي استادة نتاع الفلسفة خاطيها قاع هي متعرفش واش تقول بصح حفضت مقالة ودخلت للباك عادي والله غير ديت 12 وكاين دروس كيما المنطق والله حتى هد النهار معلابالي كيفاش نبدالو متخممش على الفلسف صاحبتي دات 8.5 وعندها معدل 16 وانا راك تشوف 12 وديت برك 15.15

[jana46]

moi aussi chui mathelem mé la matiére plu aimable pr moi apré physik math c philo matkhaftch mada sahlaaaaaaaaaaaaa

[rose sanita]

الفلسفة ليست بمشكلة تعلم كيف تحبها فقط انا عن نفسي تحصلت على 12 و المعدل العام 16
الحمد لله

[antivirus]

شوف خويا الفلسفة ماشها مادة .. اخطيك منها و اضمن الفيزياء و العلوم و الرياضيات كانك راجل ...

[youcef_99]

خويا ما يكذب بيك حتى واحد الفلسفة جاتني مادة ساهلة جدا
انا عندي هذا العام ما كنتش ندخل لحصة الفلسفة اصلا
ومبعد كي لحقوا ليامات الباك تعلمت طريقة كتابة مقالة
ورحت جوزت عادي دون خوف
وفي الاخير ديت 12.5 نا حفظت مقالات ما حفظت مقولات ما والو
الفلسفة الصح كي تبع منهاجية كتابة مقال c'est tous

[abderrahmane_coucou]

الفلسفة أسهل مادة أخي ، أتفهم قلقك ، فأنا ايضا كنت أخاف منها ثم بعد دراستي لها تبين أن سهلة جدا فلا تدع أمرا تافها يؤثر عليك