وريدااااات البـــطاطا....من مطبخي

[fatima-zohra-ing]

السلام عليكم ورحمة الله وبركاته








واش أحوالكم يالبنااات مع رمضاااان؟؟
اليوم جبت ليكم طريقة جديدة لتقديم البطاطا
يعني خطونا من الروتين نوعو شوية
المهم الطريقة سااااهلة بزاااف ولذيذة
وهي من تجربتي الخااااصة
نبدأعلى بركة الله

المقادير
4-5 حبات بطاطا متوسطين
ملعة كبيرة زبدة
1بيضة
قرصة ملح
قرصة فلفل أسود
قرصة كمون
1-2 حبات فرماج ماشي ضروري(يعني ممكن تستغني عليه)
شوية نتاع قصبر
1-2 فص ثوم مهروس

التحضير



نقوم بتقشير البطاطا ونضعها في القدر تغلي


من جهة اخرى ناخذ صحن نضع فيه الزبدة والبيض و الملح والفلفل الأسود والكمون والقصبر والثوم والفرماج ونخلط الجميع

ننزع البطاطا كي تنضج ونخليوها تبرد شوية ومن بعد نقوم بفرمها في ألة الفرم.
نضيف لها الخليط الاول ونخلط الكل نتحصل على عجينة متماسكة ماهي جااارية ماهي قاصحة بزاااف.
ثم بعد ذلك نجيب الطابع نتاع القاطو لي يصنعو بيه قاطو الطورنوو يشبه القمع (المحقن) ونضع فيه شوية نتاع الخليط ونشكل وريدات...
نضع الوريدات في صينية الفرن تكون مدهونة وندخلها للفرن حتى تاخذ اللون الذهبي ونخرجها..
نتركها تبرد ونقوم بتزينها في صحن التقديم...