سأغيب ولكن ....... ماتنساونييييييييييييش

[* أمل وطموح *]

بسم الله الرحمان الرحيم
السلام عليكم ورحمة الله وبركاته
أما بعد أخوتي الأعزاء فأظنني سأغيب لفترة لا أعرف ان كانت ستطول ام تقصر
أرجو منكم أن لا تنسوني من صالح دعائكم
ادعيولي ربي يوفقني في قرايتي وفي حياتي والعام الجاي عندي باك ادعيولي معاكم
وجزاكم الله عني كل خير
أستودعكم الله الذي لا تضيع ودائعه

[¨°o.سيدو~علالو.o°¨]

*والله بديت نفشل علاش وين راك رايحة انت تانيك*
*متقوليليش نفحتلي برك والله منسمحلك اسومة اذا كان على جال حاجة تستحق ولامجبرة هاديك حاجة وحدخرا*
*رانا ندعيولك ورايحين نشتاقوا ليك*
*سلام*

[*ألخيال*]

السلام عليكم ورحمة الله وبركاته

وين رايحة؟؟؟؟ اقعدي هنا خير ههههههههه
انت ما نقدروش ننساوك ولا مشاركاتك في موضوعي خير دليل
راكي خليتي اثر ثم
ان شاء الله ما يكون غير الخير
سلام

[عبدالباسط عبيد]

السلام عليكم ورحمة الله وبركاته
أختي أسووومة تروحي و ترجعي بألف سلامة
لازم ترجعي في أقرب الاجال
ربي يوفقك

[ل..ب..ن..ى]

السلام عليكم

انا دخلت باش نقولك بون تحويسايشن
لانني اعتقدت راح تغيبي لفترة تروحي تحوسي فيها ولا......

بصح عندك العام الجاي الباك
صح ندعيولك بصح ..... لازم ترجعي لينا قبل ماتكمل العطلة
لازم ترجعي في اقرب وقت

واش بيك اسومة ياك غير الخير؟؟؟؟؟؟

حتى انا مانسمحلكش ادا قررتي الرحيل بدون سبب
ادا كان السبب مقنع
تعرفينا نعزوك وجامي نبخل عليك بدعائنا
ونتمناولك ربي يوفقك حنونة

ياك ماتطوليش؟؟؟؟؟؟

مانرجعش الجدة غير اقعدي ههههه

ربي يخليك خممي مليح ادا كان القرار برك من عندك بدون سبب


نحبك

سلااااااااااااام

[thorpe]

ما نكذبش عليك اختي اسماء اكره لحظات عندي لحظات الفراق والوداع والله ما نحبهم
اختي ان شاء الله حاولي تكوني متواجدة معانا ديما اذا قدرتي واذا كانت الظروف اقسى الله غالب لكن نقولك حاجة وديريها مليح في بالك ماكانش منها ننساوك وكاش واحد ينسى خوه ؟
ان شاء الله ندعيلك من قلبي وندعيولك كامل سيرتو للباك العام الجاي لانو فيه الباروك الله الله وانا نموت على القاطو والباروك هههههه موحال ننسا الدعاء يااااااااااااااااااااو كرشي غالبتني ديما ههههههههههههههههههههه
ربي ينجحك ويوفقك اختي في حياتك ككل نحن هنا كاش ما تحتاجي كلنا اخوتك واخواتك وسنبذل قصار جهدنا من اجل الاخوة التي جمعتنا هنا
سلاااااااااااااااام وما تبعديش بزاف ههههه راني حاس بلي رايحة للبحر ننصحك اخطيك من الروشيات و ما تبعديش على الشط بزاف هههههههههههه
اه اسف والله ما تلومي انا راني كي نبدا نحكي ندخل منا نخرج منهيه ننسا على روحي ههههههه اسف اختي والسلام عليكم ورحمة الله تعالى وبركاته

[لؤلؤة البحار]

الى لقاء قريب
ننتظر رجوعك في اقرب وقت
موفقة باذن الله

[رامي23]

....... تعودي بالسلامة إن شاء الله.

[نَقَآءْ اَلْسَرِيْرَهـْـ]

اسومتي عمري في امان الله
ربي يوفقنا و ينجحنا
انتظرك ..احبك
.......

[تَــــــيْمَـــــآءْ ,]

تروحي وترجعي بالسلامة غاليتي
اتهلاي في روحك
سلاااام

[أميرة الغزلان]

السلام عليكم
نحن في انتظارك موفقة ان شاء الله

[دمعة على خد الزمن]

تروحي وترجعي بالسلامة أسوم وربي يسهلك في كل خطوة تخطيها

[* أمل وطموح *]

المشاركة الأصلية كتبت بواسطة علالـ sid ali ـو

*والله بديت نفشل علاش وين راك رايحة انت تانيك*
*متقوليليش نفحتلي برك والله منسمحلك اسومة اذا كان على جال حاجة تستحق ولامجبرة هاديك حاجة وحدخرا*
*رانا ندعيولك ورايحين نشتاقوا ليك*
*سلام*

ههههههه لالا ماتفشلش يا خويا وكي تفشل نتا شكون يهز المنتدى
ماتسمحلييييش ؟؟؟ خلاص ياو راني وليت غير ماتزعفش نتا والأعضاء الآخرين برك
وانا اشتقتلكم راني ماطولتش واشتقتلكم بزاف نتوما الأسرة تاعي وانت في بالك نروح ونتخلى على مشروعي لتهبيل المنتدى والعالم ؟؟؟ مستحيييييييييل
شكرا لكم وبارك الله فيكم
سلام

[* أمل وطموح *]

المشاركة الأصلية كتبت بواسطة جهاد البيريني

السلام عليكم ورحمة الله وبركاته

وين رايحة؟؟؟؟ اقعدي هنا خير ههههههههه
انت ما نقدروش ننساوك ولا مشاركاتك في موضوعي خير دليل
راكي خليتي اثر ثم
ان شاء الله ما يكون غير الخير
سلام

وعليكم السلام ورحمة الله وبركاته
هههههه قصدك الهبال هاذاك قول درتيلي مهزلة في موضوعي هههههه
ربي يعيشك خويا حتى انا مانقدرش نبعد عليكم بزاف
سلام

[* أمل وطموح *]

المشاركة الأصلية كتبت بواسطة عبدالباسط عبيد

السلام عليكم ورحمة الله وبركاته
أختي أسووومة تروحي و ترجعي بألف سلامة
لازم ترجعي في أقرب الاجال
ربي يوفقك

وعليكم السلام ورحمة الله وبركاته
بارك اله فيك أخي
رجعت رجعت
آمين يا رب