مساعدة من فضلكم

[نسيم الحياة]

لقد سبق لي و ان قمت بتدريس لمدة عام كامل من شهر سبتمبر 2008 الى غاية شهر ديسمبر 2009 و الحمد لله تحصلت على جميع مستحقاتي المالية كاملة و بعدها مباشرة نجحت في مسابقة التوظيف كاستاد متربص و الحمد لله و العام هذا ان شاء الله نترسم
السؤال : هل لدي الحق في مخلفات عام 2008 ( استاد مستخلف ) ام لا

[أبو عبد المالك2007]

مبروك عليك خويا وربي يهنيك أما فيما يخص مخلفات 2008 تأكد أن كل أستاذ تحصل على المردودية لهذا العام2008 له الحق في هذه الزيادة ....فقط ليس لدينا الحق في الراتب لأن الذي أضيف للراتب هو منحة التأهيل ولا يملكها إلا المرسمون أو المتربصون وكذلك نفس الشيئ بالنسبة لمنحة الـتوثيق...ربي يسهل عليك وعلينا

[نسيم الحياة]

المشاركة الأصلية كتبت بواسطة toufikart

مبروك عليك خويا وربي يهنيك أما فيما يخص مخلفات 2008 تأكد أن كل أستاذ تحصل على المردودية لهذا العام2008 له الحق في هذه الزيادة ....فقط ليس لدينا الحق في الراتب لأن الذي أضيف للراتب هو منحة التأهيل ولا يملكها إلا المرسمون أو المتربصون وكذلك نفس الشيئ بالنسبة لمنحة الـتوثيق...ربي يسهل عليك وعلينا

شكرا اخي الكريم و بارك الله فيك و ان شاء الله تكون من الناجحين اصبر برك انا عندي تقريب 3 سنوات استخلاف و فرجها عليا ربي في عام 2009 بديت التدريس في عام 2005 حتى 2008 و انا مستخلف و من بعد فرجت من عند ربي اكثر الدعاء في شهر رمضان و ستكون من الناجحين بادن الله سبحانه و تعالى و فيما يخص مهنة التعليم و الله انا استمتع بتدريس التلاميذ و مهنة شريفة انصحكم بدحول اليها على عكس الكثير من الناس ليقولو التعليم مش مليح

[أبو عبد المالك2007]

يا خويا ربي يحفظك ولكن ربما طلقت التعليم لأني حاليا مساعد تربوي وهذا كون شهادتي لا تسمح لي بممارسة التعليم(ليسانس في المالية) أما فيما يخص مهنة التعليم فهي صعبة كثيرا وهذا إجماع كل الأساتذة القدامى لأن أثرها سيظهر على المدى البعيد خاصة مع جيل كيما الجيل الحالي راهي صعيبة بزاف أنا عن نفسي كنت أتمناها كثير ولوكان يرسموني نقبل بها ولكن من أجل المعيشة فقط(الخبزة) فأنا كذلك درست من 2005 إلى غاية 15 جوان 2010 .وقد درست رياضيات وقد بدأت أفهم يوما بعد يوم أن الأمر صعيب شوية والدليل على كلامي أنه في بعض الدول الأوربية التقاعد في التعليم يكون بعد 10سنوات وهناك دولة لاأتذكرها جيدا التقاعد فيها أقول التقاعد وليس التعاقد إذن يكون بعد 7 سنوات ولن تقبل شهادته في المحاكم......ربي يجيب الخير للعباد المومنين

[sousouhalima]

هذي قوانين في بلاد النصارة كيما قالتلك ماما . في بلادنا في لمنام وما تلاقاهاش . راهم شويا و يقولولنا برا .

[نسيم الحياة]

المشاركة الأصلية كتبت بواسطة sousouhalima

هذي قوانين في بلاد النصارة كيما قالتلك ماما . في بلادنا في لمنام وما تلاقاهاش . راهم شويا و يقولولنا برا .

ان شاء الله تنجحي في المستقبل القريب و لكن يلزم عليك برك الصبر لا اكثر حسب مراني نشوف راكم في وضعية مزرية جدا و الله العظيم غير انا فوت نفس الوضعية لراكم تحكو عليها ولكن مع الصبر فقط و الدعاء نجحت في المسابقة بفضل الله و بفضل الظروف لفورهنا على خطراش هداك العام طلبو بزاف مناصب في المتوسط وكانت الفرصة مواتية لنجاح و انا ننصحكم تفوفتو المسابقة في الجنوب في ولاية ورقلة خصوصا رها فيها المناصب الشاغرة بزاف في الرياضيات و الفرنسية و العام لنجحت فيه انا طلبو 96 منصب رياضيات لدخلو يجوزو المسابقة 35 نجحو كل و رجع لمناصب لخرين هكاك انش شاء الله تنجحو و تفرحونا معاكم راني حاس بالوضعية لراكم فيا اما فيما يخص المستحقات المالية نتعكم راني حسب منشوف راكم ملاح بزاف هنا في ولاية ورقلة كاين لمزال مخلصش في اعوام ماضية و نصيحة ليكم برك متفسدوش الدراهم لتحكموها لمعيشة عادت غالية خبوها لزمان متعرفوش و اش يصرا من بعد

[أبو عبد المالك2007]

إيه سوسو مسكينة واش يديها للجنوب وزيد الحرارة والعقرب ....لا لا يا خويا والله ما نحب عليها ...تزيد تصبر وربي ينجحها العام القادم ...يارب

[sousouhalima]

حرم عليك " تو " كي نويت نروح لواد سوف نعقب تقولي السخانة والعقارب ؟؟؟؟ وما نعرف واش كاين لوخر ؟؟ اني بطلت نقعد في دارنا خير تقرصني وشواشة نحصلها لماما تقتلها . هكا ماشي خير .؟

[أبو عبد المالك2007]

لا لا يا سوسو الشيئ ألي يخرج عليك أعمليه أنا فقط نويتلك غير الخير....إن شاء الله ما تنغبنيش كامل

[sousouhalima]

راني غير نضحك معاك تو . وين هو الزهر الي نعقب في ولاية من ولايات الجنوب و ننجح . الزهر كي يكون ما كانش كون حتى نعقب في المريخ .ما رانيش ننجح . بصح ربي كاين ونحمدو على كل حال راني فيه . الي مكتبا مرحبا بيها . ونقلك تروح وترجع بالسلامة .

[أبو عبد المالك2007]

عندك الزهر إن شاء الله وزهرك ما تتقلقيش عليه راه يطيب تحت الظل وهكذاك تديه كامل ونقي إن شاالله سوسو

[sousouhalima]

وانا نقول زهري واش بيه ؟؟؟؟ ظاهر حلاتلو القعدة تحت الظل راح رقد .

[أبو عبد المالك2007]

هههههه...مليحة هاذي...إن شاء الله مايطولش وتخرج فيه شمس حنينة على حساب مولاتها

[sousouhalima]

ان شاء الله تطلع الشمس علينا كامل و نفرحو يا رب .

[أبو عبد المالك2007]

إن شاء الله .......ياربي فرج على عبادك الضعفاء