ابو العريف

[بوشادى]

ابو العريف


شخصية مشهورة تكاد ان تكون محبوبة رغم انها تسبب الضرر فى كثير من الاوقات
ابو العريف
شخصية ليست من الخيال بل انها شخصية حقيقية موجوده بالفعل

فها هو عم جلال الذى يتدخل فى حياتنا بشكل قوى
فلا انسى

الوقت الذى افلس شقيقه كل شئ عندما اقنعة بتأجيل بيع الاسهم وخسر الرجل ما يقرب من 35 الف حنية هم كل ثروتة
وليس عم جلال فقط هو ابو العريف ولكنه نموذح
-------------

ففى المدرسة قابلته ايضا
كان مدرس اللغة العربية
وبما انه كان المدرس فليس من اللائق ان يعارضه احد
وكان امتحان التعبير ) موضوع عن السلام )
وبعد الامتحان كانت ملاحظاته

يا ابنى انت موضوعك غلط فى غلط
نعم يا استاذ
انت كتبت ان السلام كان بين مصر واسرائيل بينما السلام كان بين مصر والعالم كله انت غبى روح وعدل الموضوع
حاضر يا استاذ

ولما فعلت ما قال هاجمنى مرة اخرى

ايه الزفت ده يا أبنى
خير يا استاذ
انت مش سايب سطر ليه مفروض تكتب على سطر وتسيب سطر
حاضر يا استاذ
وايه الكلام الفارغ ده
فى ايه تانى يا استاذ
انت كاتب بسم الله الرحمن الرحيم فين بقى السلام عليكم ورحمة الله وبركاته
معلش يا استاذ اصل السنة اللى فاتت الاستاذ شعبان ما قلناش اكتبه السلام عليكم فى بداية الموضوع
يا بنى الاستاذ شعبان كان بيدرس فى فرنسا ما يعرفش التقاليد بتاعتنا
اعمل اللى بقولك انا عليه انا اعرف الصح

نعم هو يعرف الصح ولما لا و هو ابو العريف
ربما يكون ابو جهل ولكنه فى النهاية ابو العريف

-------------------------

-------------------------
فى العمل ايضا كان هناك ابو العريف

المدير النشيط جدا فى جمع الاموال الذى يعارض كثيرا وكان الموظفون يستجبون له فى كل مرة خوفا من عقابة
وقد شاهد الموظف الغلبان الذى يريد ان يكون شريفا مخالفة فكتب تقريره وارسله الى مديره
و لكن المدير يرفض ان يؤشر علية ويستدعى الموطف

يا يا بشمهندس ايه اللى انت كتبة ده
تقرير عن مخالفة
وهل شاهدت هذه المخالفة
طبعا
طيب طيب كويس خد بقى التقرير
ليه
لان صيغة التقرير بدائية
يعنى دلوقتى اعمل ايه
يجب ان تكتب تقرير بصيغة مبتكرة انا حعلمك بعدين مع السلامة يا باشمهندس

وقطع الموظف التقرير
ومرة اخرى ذهب للمدير دون تقريرفائلا له

يوجد مخالفة جسيمة سمك حديد التسليح اقل من المواصفات
مش مهم السمك المهم الذمة فى حجم الحديد
ولكنى اطبق الواصفات
وانا المدير العام يا بنى ثم انك مش كاتب تقرير اين تقريرك
ما بعرفش اكنب تقارير حضرتك ياريت تعفينى من العمل فى العمليه دى

وقد كان وتم أعفائه من مباشرة عمله فى هذه العملية والحمد لله
وبعدها بعدة اشهر سقط المبنى !
ليس بسبب المدير المتقاعس ولكن بسبب هذا الموظف الذى لا يعرف كتابة التقارير !



فالمدير كان على حق الموظف لا يعرف يكتب تقارير
ولما لا يكون على حق وهو ابو العريف
ربما يكون جشع ولكنه فى النهاية ابو العريف


نماذج كثيرة من شخصية ابو العريف
بعضها كوميدى والاخر ضار
فهل صادفتم ابو العريف هذا فى حياتكم !؟؟؟