Ls

[Rafife09]

سلام عليكم
حبيت نعلمكم أنا اليوم تحصلت على الرولفي تاعي شفت راكم تصقصيو ياسر على موعد استلامو
أنا بعد ما استلمتو فعلا تصدمت تصورو العلوم كي رحت نفوت نقرا السؤال و الجواب يجيني تلقائيا و كل الأسئلة اللي جاتني حليناها في القسم
الأستاد اللي كان يقري فينا كان مش غير يفهمنا يحفظنا في الدرس قبل ما نخرجو و أنا نكتب في ورقة الاجابة نسمع في صوت الأستاد في ودني كي كان يقري فينا الدرس بالنسبة للتمرين الأول 10 نقاط كانت مضمونة وبالنسبة للتمرين الثاني عملت بعض الأخطاء ولكن بعد ما شفت الاجابة النمودجية قلت علامتي كانت في حدود 15 ولكن أنا تحصلت على 8 غريب جدا

و الأغرب علامة الفرنسية لما جاوبت وشفت الاجابة النمودجية قلت سبحان الله و كأنهم كتبو الاجابة النمودجية على ورقتي و الجزء الاول عليه 14 نقطة كامل صحيح 100 بالميا و التعبير راني قريت نص على la violence قبل ما نروح هدا بعد ما قتلي والدتي اللي تكون أستادة فرنسية انها تتوقع فعلا الموضوع يكون فيه le sport وتكون فيه la violenceوكتبت فقرة ممتازة تضمنت المقدمة والعرض و الخاتمة
تضمنت les arguments و معاهم les exemples و عملت في البداية la définition de la violence
اوكانت فعلا فقرة متناسقة حتى l'introduction و la conclusion كانت جيدة ودلك لأني قريت مليح نص على هاد الموضوع في كتاب و أنا عادة ما نعملش اخطاء املائية و الفقرة اللي نكتبها هاديك هي اللي يكتبها الأستاد في عرض الحال و بعد هدا كامل تحصلت على 13 غريب جدا يعني حتى الاجابات كانت واضحة جدا لأنها أغلبها خيارات وجمل نهزوها من النص يعني حتى المصحح كي يتعب و تجيه ورقتي في الاخير و هو مضبب مش ممكن نتحصل على هاد العلامة
في الفلسفة تحصلت على 9 و ما نستغربش ما خدمتش صراحة
في العلوم شرعية خدمت كلش صحيح حطيت ندي 19 ولا 20 و لكن تحصلت على 16.5
جاب ربي علامة الفيزياء والرياضيات اللي معاملاتهم 7 و 6 ملاح ولا راني رحت فيها

بالنسبة ليكم كيفاه كانت العلامات معقولة و لا غريبة كيف حالتي؟
]