اليكم قصتي الحقيقية..ظلم و تعسف

[امل حياتي22]

السلام عليكم اخواني
اليوم فضلت نحكيلكم قصتي/تجرتي/او بالاحرة معاناتي
ليس بقصد ان احطم امالكم او نقول انو خلاص بلادنا مافيها ما يصلح
لكن لا يختلف اثنان على البيروقراطية و التعسف
...يا ليت تقراوها
انا طالبة الحمد لله اخدت الليساني مند شهر
الحمد لله ليس لاني جبتو و انما لاني خرجت من الجامعة
اللي شفت فيها كل شي باشع
بيروقراطية
تعسف
معارف
و احيانا اساتذة ربي يهديهم
يحبو تسيتيت لبنات

قصتي حدثت العام الماضي الا انني لا يمكن ان انساها
حيث و في امتحان السداسي الثاني لمادة النماذج الاحصائية
دخلت نفوت الامتحان عادي و انا متاكدة من علامة تفوق 18 لانو الحمد لله عندي 17 ف الاول و 18 ف الاعمال الموجهة و دروس الس
داسي الثاني اسهل
دخلت الامتحان و حبيت نحط بطاقة الطالب لانو اجبارية بالامتحان
فتشت مالقيتهاش لاني حطيتها و خرجت لامر ضروري
قلت للاستاذة اللي تحرسنا نروح للدارة نجيب ورقة نفوت بيها قاتلي لالا ماكان لاه لانو هي درسني لغة انجليزية و تعرفني
و كدذلك استاذ المادة كان ف الحراسة و يعرفني
قبل ما يخلص الامتحان ب ربع ساعة كان بقالي غير سؤال و الحمد لله كلش جاوبت عليه
و فجاة
دخل نائب رئيس الجامعة في جامعة ام البواقي
لعمارة و بوعزيز
جا عندي قالي البطاقة قتلو استاذ تسرقت
بكل وقاحة هز الورقة ديالي و قطعها و قالي اخرجي من الامتحان
حاولو الاساتذة يدافعو عليا قالولهم راهي تقرا هنا و هي الاولى
نشفان دماغ
مصرين
طلعت و انا منهارة
ف الادارة قالولي جيبي شهادة طبية انو مريضة و راح تدخلي امتحان شامل و عادي
رحت و عملت و جيت يوم الشامل و طلعوني ايضا
واش قالك
عمل غير قانوني
عجبا
و كاني امنح رشوة
و كاني اطلب غشا
و كاني ازور او اغش
المهم خاوتي
طلعوني بزيرو
000000000
تخيلو في مادة اساسية بزيرو
و الحمد لله نجحت
لكن
بصراحة الموضوع لن انساه ابدا بسبب الجحيم اللي عشته
اتمنى انو مانكونش طولت عليكم
نشالله ولا حد فيكم يعيش اللي عشتو
مازالت قصة المرة الجاية نحكيهالكم
سلام