للأمانة العلمية منقول
الجزائر بلادي الهانية
ماتستاهليش اللي ضحاو عليك الرجال
نسوان وصغار سقاوك بالدم الحلال
لو كان الجبال تنطق عندها واش تقول
واش دار بيجار ومارسيل وديغول
وبالرغم هدا كل
نحلم ببلادي كي نشوفها هانية
في قلبي بلادي قيمتها غالية
الرجال جابولك الاستقلال
باش تكوني زينة البلدان
كنت حزينة وحبو يحكمو عليك بالاعدام
حبو يخربو فيك العديان
ويبيعوك بالرخيس في سوق الدلال
وبالرغم هدا كل
نحلم ببلادي كي نشوفها هانية
في قلبي بلادي قيمتها غالية
وخذنا الاستقلال وقلنا خلاص تهنينا
خرجت فرنسا اللي كانت بكري تقتل فينا
ما عجبهمش الحال كي الجزائر رح تتهنى
ما عجبهمش الحال كي خرجنا من الهدنة
وانا قبل ما نموت
نحلم ببلادي كي نشوفها هانية
في قلبي بلادي قيمتها غالية
كلمات . نسرين
تحياتي
( تقرير عن مشاركة سيئة )، و الموجودة أسفل كل مشاركة .
2008-03-09, 16:13
الجزائر بلادي
العرض العادي
