من يفكر في التحضير لـ Bac2011 في الصيف ؟

imane1 · 2010-05-25, 14:10

السلام عليكم ورحمة الله وبركاته

الآن وبعد أن انتهى أغلب الطلبة من اختباراتهم ..

تباينت الآراء بين مبتغِ للدراسة في العطلة الصيفية

وبين مؤثر للراحة والإستجمام ..

وبين أصحاب المشاريع والأفكار التي لا تمت إلى الدراسة الحكومية بصلة

كحـفظ القرآن الكريـم ..

أردتُ أن أعرف من أي الأصناف أنتم .. ؟

هل تؤيدون الدراسة في الصيف تحضيرا لـ Bac 2011 ؟ مع ذكر الأسباب ..

وماهي مشاريعكم العامة ، وأفكاركم التي تبتغون تنفيذها في هذا الصيف إن شاء الله

أتمنى للجميع كل التوفيق والسداد

والسلام عليكم ورحمة الله وبركاته

asmar&zizo · 2010-05-25, 14:28

في هاذ الصيف راهم جايين عائلتي من فرنسا و راني متوحشتهم بزاااااااااااااااف و على هاذا الاساس غادي نفوت الصيف غير مع العائلة و التحواس و الباك حتى la fin d'été نبدى نوجدلو ان شاء الله

العلم حياتي · 2010-05-25, 14:31

شكرااااااااا على الموضوع
انا ديجا راني نقرا في القرآن الكريم ملي كنت نقرا في الليكول وانا نقرا في الجامع
وما نضنش بلي نقدر نقرى في الصيف باسكو هذا الشهر ما نهدروش عليه لانو راحة وبابا وماما قالولي اذا بديت من ضرك نتعب
والشهر الجاي بيانسور نروحو نتبحرو نبدلو الجو باش نريحو وما نرجعوش للدار حتان يعود قريب رمضان ومع صيام ما نضنش نقدر نقرا ما عناتها نبدا في سبتمبر
وماعلاباليش وش ندير ربي يفرج

bilel b93 · 2010-05-25, 14:34

يا اختي انا هادي نعاود العام بكل اسف نستاااااااااااااهل و الصيف هادي يفوت علي مر الحمد لله اكتشفت هذا المنتدي عن طريق الصدفة
و انتوما راكم ملاهييني فشكرا يا احلي اعضاء مع تمنياتي لكم قاع تجيبو الباك ان شاء الله
مشكورة الاخت ايمان

العلم حياتي · 2010-05-25, 14:36

آآآآآآآآآآآآآآآآمين
ان شاء كامل نجيبو الباك

asmar&zizo · 2010-05-25, 14:39

اقتباس:

المشاركة الأصلية كتبت بواسطة bilel b93

يا اختي انا هادي نعاود العام بكل اسف نستاااااااااااااهل و الصيف هادي يفوت علي مر الحمد لله اكتشفت هذا المنتدي عن طريق الصدفة
و انتوما راكم ملاهييني فشكرا يا احلي اعضاء مع تمنياتي لكم قاع تجيبو الباك ان شاء الله
مشكورة الاخت ايمان

معليش يا بلال ما زالت الطريق طويلة قدامك و خليك دائما مبتسم و ما تسمعش لانتقادات الاخريييين .المهم نتا رتاح نفسيا و مازالت فرصة قدامك العام الجاي و ان شاء الله بالتوفيق و اي حاجة تحتاجها رانا هنا

yakumo · 2010-05-25, 14:40

wèè b1sure....we'll prepare our selves 4 Bac2011...without forgeting some activities!!
It's not enough to run, one must set out in time!!
Thanks sis!!

العلم حياتي · 2010-05-25, 14:44

خويا بلال كيما قالت اختي اسماء ما زالت الطرق قدامك وما تخممش ان شاء تتوفق العام الجاي وتطلع للباك وتجيبو باعلى معدل
ان شاء الله

bilel b93 · 2010-05-25, 14:51

و الله جبتولي الدمعة نوعدكم نطلع العام الجاي و الباك هادي ديرله الف حساب شكرا

العلم حياتي · 2010-05-25, 14:54

هاذي الهدرة من واجبنا خويا وربي يعاونك خويا

اميرة الابتسامة · 2010-05-25, 14:59

كلش في وقتو حلو.....و انا نشوف بلي الوقت ما زال شوي................نرتحو شوي ومن بعد يرحمها ربي
و ماعندي واش نقرى للباك.............نقلق غير روحي..........و مشاريعي...مازال راهي في طور الانجازمشكور ايمان..........................موفقين يا اعضاء المنتدى.........

kader7989 · 2010-05-25, 15:15

انا نفوت العطلة نتاعي نورمال ...عادي في بلدي ..............غيل الراحة و الاستجمام ........و الباك حتى للعام الجاي نشاله .........كل حاجة في وقتها

اسلامي سر حياتي · 2010-05-25, 15:31

مشكورة اختي على الموضوع
انا راني حابة من درك نوجدله علاخاطرش العام الجاي ماغاديش يكفيني الوقت والراحة والاستجمام نديرهم غي في الدار هاد العام مانيش حابة نسافر خلاص نخليها للعام الجاي انشاءالله
موفقين خاوتي وانشاء الله كلنا ناخذوا الباك

مروة الايمان · 2010-05-25, 16:06

هيا كامل نروحو لقسم السنة الثالثة ثانوي ...خلاص رانا دوك تلاميذ انتاع باك ....وش رأيكم؟

مروة الايمان · 2010-05-25, 16:09

**°°والله موضوع يستاهل المناقشة **°°........