عاااااااااجل عندي سؤال واحد برك

[الصفحة البيضاء]

كيف لغاز ثاني اكسيد الكربون ان يؤثر على انطلاق الاكسجين في المرحلة الكيموضوئية ؟؟؟


انا على حساب مافهمت انو ياثر عليه بطريقة غير مباشرة اي بنواتج المرحلة الكيموحيوية


يلا راني غالطة ارجو التصحيح من فضلكم

[الصفحة البيضاء]

جواب مختصر ..

[walid47@sniper]

السلام عليكم
في الحقيقة هو ما عندو حتى دخل الا في حالة ما اذا كانت كمية المستقبل للالكتروناتnadp محدودة ولم يكن هناك co2 هنا تتوقف عملية انطلاق الاكسجين لان ذلك المستقبل للالكترونات لم يتاكسد وبالتالي فهو مرجع اي ان الاكترونات الصادرة من الماء لاتجد مستقبل وبالتالي في هذه االحالة تتوقف عملية انطلاق الo2 هذا واللله اعلم

[الصفحة البيضاء]

شكرا اخي

معليش تسال استادكم ؟؟؟

انا انتظر اجابة تكون متاكد منها

لانو تجي اسئلة بزاف على غار ثاني اكسيد الكربون و علاقتو بالمركبات و السؤال هدا لي ماعرفتش نجاوب عليه

[walid47@sniper]

هههههههههه انا متاكد ولله الحمد هادا هو تاثير غاز ثاني اكسيد الكربون على المرحلة الكيموحيوية

[الصفحة البيضاء]

شكراااااااااااااا

عندي سؤال وحداخر

علاقة الماء بامتصاص الضوء ؟ جاوبت كيماهكدا :

عندما يفقد النضام الضوئي 2 الكترونات يتطلب ارجاعها اكسدة الماء و بالتالي يتطلب هدا الاخير امتصاص الضوء اجابة صحيحة ولا قاع مانشقاش نهدر التركيب الضوئي و التنفس غادي يهبلوني

[hanioussama]

وي راكي صحيحة وانا نزيد نجاوب تاني الماء لا يتاكسد الا بعد ان يتم امتصاص الفوتونات الضويئية من طرف ps2 ويفقد النضام الضوئي 2 الكترونات لهنا يخد انزيم الاكسدة فيتاكسد الماء يحرر زوج الكترون ويروحو كيما قلتي لاعادة النضام لضوئي الى الحالة الطبيعية

[الصفحة البيضاء]

شكرا شكرا صحيت رب يحفظك

[الصفحة البيضاء]

عندي مشكلة في الوحدة الاولى تاع الكمياء

مين يعطونا الثنائيات و يقولولنا اكتبو المعادلتين النصفيتين و الاجمالية نعرف نكتبها *المؤكسد مع المرجع* بصح شي خطرات في شي تمارين مين نكتبها و ندير الجدول يطيحو المتفاعلات في بلاصت النواتج ولا العكس

يعني مارانيش نعرف شكون هما المتفاعلات و شكون النواتج


عاونوني في سبيل الله

سلام

[hanioussama]

شوفي الاخت الكريمة الكيمياء تاع الوحدة الاولى هي اسهل الدروس ولازم الواحد يدي فيها العلامة الكاملة وقالهاش الاستاذ تاعنا النقاط لازم تلقطوهم المهم بالنسبة للسؤال تاعك كاين حاجة لازم تعرفيها هو انو كاين مركسدات قوية جدا ومرجعات قوية جدا لها الاولوية في التفاعل هاذي حاجة الاولى الاحاجة التانية لازم تشوفي التمرين وهو يقولك واش فاعلنا تما ديري المعادلات وتنطلقي من تم بون
المرجعات القوية جدا شوارد اليود تتحول الى ثنائي اليود يصرالها اكسدة تتحول الى تنائي اليود الالكترونات المفقود تكتب على اليسار
كل المعادن تتاكشد وتحرر زوج الكترونات كاين فقط الالمنيوم يحرر تلاتة الفضة يحرر واحد والكاليسيوم والبوتاسيوم
وعندنا وثيوكبريتات النحاس
وعندنا الماء الاكسيجيني عندو زوج وجوه لا طاح مع مؤكسد يخدم مرجع ويولي تاني الاكسجين ولاطاح مع مرجع يخدم مؤكسد ويتحول الى ماء
الان المؤكسدات القوية هي البرمنغنات وشوارد الكرومات والبيروكسوديكبريتات
هاذو لازم تبحثي عليهم وتعرفيهم مليح منها تكتبي معادلات وانتي مغمضة عينيك
ندي متال فقط باش نوضحلك الرؤية متلا تفاعل شوارد اليود مع البيروكسوديكبريتات يخرجلنا ثنائي اليود وحاجة تاع ناتج البركسو.. So4-2 المهم كي يخرج اليود لهنا نوليو نديريلو معايرة بمرجع قوي جدا مثال ثيوكبريتات الان كي تكتبي تاع اليود رايحا المعادلة تكون العكس ننطلقو من اليود ويخرجلنا شوارد اليود
نتمنى نكون وصلتلك الفكرة

[الصفحة البيضاء]

المشاركة الأصلية كتبت بواسطة hanioussama

شوفي الاخت الكريمة الكيمياء تاع الوحدة الاولى هي اسهل الدروس ولازم الواحد يدي فيها العلامة الكاملة وقالهاش الاستاذ تاعنا النقاط لازم تلقطوهم المهم بالنسبة للسؤال تاعك كاين حاجة لازم تعرفيها هو انو كاين مركسدات قوية جدا ومرجعات قوية جدا لها الاولوية في التفاعل هاذي حاجة الاولى الاحاجة التانية لازم تشوفي التمرين وهو يقولك واش فاعلنا تما ديري المعادلات وتنطلقي من تم بون
المرجعات القوية جدا شوارد اليود تتحول الى ثنائي اليود يصرالها اكسدة تتحول الى تنائي اليود الالكترونات المفقود تكتب على اليسار
كل المعادن تتاكشد وتحرر زوج الكترونات كاين فقط الالمنيوم يحرر تلاتة الفضة يحرر واحد والكاليسيوم والبوتاسيوم
وعندنا وثيوكبريتات النحاس
وعندنا الماء الاكسيجيني عندو زوج وجوه لا طاح مع مؤكسد يخدم مرجع ويولي تاني الاكسجين ولاطاح مع مرجع يخدم مؤكسد ويتحول الى ماء
الان المؤكسدات القوية هي البرمنغنات وشوارد الكرومات والبيروكسوديكبريتات
هاذو لازم تبحثي عليهم وتعرفيهم مليح منها تكتبي معادلات وانتي مغمضة عينيك
ندي متال فقط باش نوضحلك الرؤية متلا تفاعل شوارد اليود مع البيروكسوديكبريتات يخرجلنا ثنائي اليود وحاجة تاع ناتج البركسو.. So4-2 المهم كي يخرج اليود لهنا نوليو نديريلو معايرة بمرجع قوي جدا مثال ثيوكبريتات الان كي تكتبي تاع اليود رايحا المعادلة تكون العكس ننطلقو من اليود ويخرجلنا شوارد اليود
نتمنى نكون وصلتلك الفكرة

شكرا رب يحفظك خويا

الفكرة ماوصلتش 100 بالمية بصح فهمت خير من لي كنت

تسما لازم نحفظهم؟

شكرا

سلام

[أنين القمر]

سأحاول إجابتك على أسئلة العلوم الطبيعية :

1- لا تأثير لغاز ثاني أوكسيد الكاربون على انطلاق الأوكسجين ، لان مصدر إنطلاق الأوكسجين هو التحليل الضوئي للماء عن طريق الإنزيم الموجود في النظام الضوئي الثاني.

لثاني اوكسيد الكربون تأثير على المرحلة الكيموحيوية فقط.

2- علاقة الماء بامتصاص الضوء ؟
عند سقوط الفوتونات الضوئية على النظام الضوئي 2 ، يحرر إلكترونا محملا بالطاقة ، و يصبح إثرها في حالة أكسدة ، و يستوجب إعادته إلى حالة الإستقرار (الإرجاع) التحليل الضوئي للماء.

هذا باختصار علاقة التحلل الضوئي للماء بالفتونات الضوئية.

و الله أعلم

[hanioussama]

لا ميش لازم تحفضيهم لانو يعطيلك الثنائيات في اخر التمرين لو تحفضيهم يكون احسن يعني في راسك ما تضيعيش الوقت وهاذا لي يخليك تتفوقي على الاخرين سيرتو الوقت هو كلش في الباك يعنيكاين لي يعرف كلشي مي تلقاه جاب 12 ولا 13 يعني افار تاع وقت وربي يوفقنا كامل ان شاء الله باش نجيبو الباك

[asmamaam]

المشاركة الأصلية كتبت بواسطة الصفحة البيضاء

كيف لغاز ثاني اكسيد الكربون ان يؤثر على انطلاق الاكسجين في المرحلة الكيموضوئية ؟؟؟


انا على حساب مافهمت انو ياثر عليه بطريقة غير مباشرة اي بنواتج المرحلة الكيموحيوية


يلا راني غالطة ارجو التصحيح من فضلكم

لغاز الاكسجين تأثير على انطلاق الاكسجين :

من نواتج تثبيت ثاني اكسيد الكربون في المرحلة الكيموحيوية nadp+ و adp


وهما مركبان اساسيان في المرحلة الكيموضوئية

يعني ان تثبيت ثاني كسيد الكربون يعمل على تجديد متطلبات المرحلة الكيموضوئية ....والله أعلم

هذا الجواب بإختصار أن شاء الله تكون الفكرة وصلاتك أختي

بالتوفيق للجميع

[أسامة ابن حنبل]

تجديد ال adp و nadph+ الضروريان لاتمام تفاعلات المرحلة كيموضوئية