وين راحت البنة؟؟؟

سلاف26 · 2010-04-23, 10:17

العجايز عندنا دايما نلقاوهم يشتكو من بنة الطياب تع بنات ضرك يقولو بلي طياب تع بكري بنين خير و فيه البركة
هل بنات تع اليوم ما يعرفوش يطيبو ولا السبب الماعن تع الطياب "الأاوني الطبخ" بكري كانو يطيبو بالماعن تع الفخار و يخلو الطياب يطيب في غرضو و ضرك الطياب في كوكوطا "قدر الضغط" نص ساعة و يوجد العشاء
ولا السبب في نوع النار بكري كانو يطيبو على الحطب "النافخ" و ضرك في الكوشة

1- سبب إختفاء البنة من الطبخات هو نوع الأواني "فخارية" قديما "إينوكس" الآن

2- نوع النار من نار طبيعية "حطب" إلى نار طبيعية لكن من الغاز

3- أو السبب مواد الطبخ تع بكري يطيبو بالشحم و الحار الطبيعي و طوماطيش من الجنان طازجة و كلش كان من الأرض قبالة للقدرة و اليوم أغلب مواد الطبخ مصبرة و مصنعة

4- السبب الأخير في بنات اليوم خاطيهم الطياب

في رأيكم أنتم ما هو السبب الحقيقي في إختفاء البنة "المذاق" تع بكري من طبخاتنا؟؟