ما بقات الرجلة

[elmoudjahid]

السلام عليكم

أنقل لكم أغنية جميلة للفنان الراحل كمال مسعودي أرجو أن تروق لكم كلماتها

ما بقات الرجلة في هاد الزمان ما بقات الكلمة
غير كثرة الهدرة باللسان و الفعايل معدومة
خارج من دارو لما تشوفو تنخلع
يظهر في نيابو يزهر كي السبع
يقول من عندي و بعدي تنقطع
ما قنع في حياتو عمرو لا شبع
ياتي لعندك يحضر لما تكون في الوسع
و نهار تضياق عليك كما لو ما سمع
قال كلمة و اليوم عليها رجع
طاح قدرو فالحومة
واحد باقي ساكت تقول شي مخاصم
يقول انا نتكلم غير لما توالم
ما نفع لا روحو لا غيرو بشي كلايم
الباطل صاير قدامو بالعرارم
اذا نطق و هدر يتكلم كيف الحاكم
داخل في سوق الجملة بلا دراهم
ناس بكري شطحت و رمات المحارم
وين تبانو نتومة
يربع فالمشية رجلاوي حضر
يقول انا نشمي إلا بالقدر
عايش بالحيلة عام و 12 شهر
ما يفرق بين اليابس و الاخضر
بين الامة يرفع صوتو بالجهر
اذا تحطو وسط الشهدة يعود مر
عينو تلعب من فوق لتحت كي النسا
ما يقادر الحرمة
يبرم فالشلاغم و مهيل الرواح
اذا تصبح عليه ما تشوف الرباح
في الوجه يضحكلك منو تستراح
لما تغيب في ظهرك يشيل السلاح
يا الله استرنا من القوم الجياح
خذ بالحق في الامة