ساعدوني من فضلكم

[رفيدة08]

من فضلكم ساعدوني طريقة ناجحة لوصفة المعقودة - البطاطا- عند القلي لكي لا تتفتت أي لا تنحل في الزيت لقد جربتها

كثيرا و لم أنجح . *

[aridj 23]

معقودة البطاطس( من مطبخي )

المقادير
نصف كيلو بطاطس
قليل من الثوم ب
قدونس
قليل من الفلفل الأحمر الحلو والحار حسب الرغبة قليل من الفلفل الأسود أو البهارات على الطريقة الشرقية والملح

المقادير النهائية للوصفة:

خبز مرحي أو فرينة( أنا أنصحك بالخبز المرحي أحسن لآنني مجربتها بيه)
بيضة
الزيت للقلي

الطريقة 1- نسلق البطاطس، بعد ذلك نبشرها جيداً ونضيف إليها المقدونس المقطع والتوم المهروس جيداً والتوابل كلها.
2- بعد ذلك نخلطها باليد جيداً وبعد ذلك نجعل منها كرات صغيرة بين كف اليد ونبسطها قليلاً. ثم أضعها في الثلاجة تقريبا نصف ساعة أو أقل كي لاتتفتت.
3- بعد ما نخرجها من الثلاجة نضع الخبز المرحي أو الفرينة في الصحن ونضع الكويرات في الدقيق من كل الجوانب حتى ننتهي من كل الكمية.
4- بعد ذلك نأخذ بيضة ونخلطها جيداً ونضع الواحدة تلو الأخرى في البيض.
5- تقلى في زيت ساخن وتقدم بصحة والعافية.

ملاحظة : أنا أحيانا أحشي البطاطا المهروسة بالفرماج دجي رووووعة مجربتها. جربيها ورديلي الخبر .

[رفيدة08]

شكرا لكي أختي على هذه النصائح لقد جربتها بطريقتك فخرجتلي هايلة بالفرماج شكرا ثم شكراااااااا جازاك الله خيرا

[aridj 23]

لا شكر على واجب أختي اذا احتجت أية مساعدة راني في الخدمة

[لقاء الجنة]

الحل يا اختي هو ان عجينة البطاطا ما تطلقيهاش بزاف لازم تكون حاكمة روحها...باش ما تنحلش في الزيت..و نوعية البطاطا البيضة و الحمراء .. الحمراء هي المناسبة للمعقودة..و الله اعلم...

[تغرينية]

مثل ما قالت likae والبطاطا من الفضل تكون قديمه باش ما تنتحلكش لما تقليها

[وئام الروح42]

اختي باش ماتتفتحش في الزيت
1- اسلقي البطاطا بالقشرة حتى تطيب باش تقشريها
2-لازم تحطيها في الثلاجة حتى تبرد هذا شرط اساسي باش ما تتفتتش
3-البيض كي تزيديهولها ماشي حتى تميهيها قيسما تتماسك برك
هكذا ما تتفتحلكش اكيد