اووووووف من الزواج *ربي يرزقنا مالحلال *

[الجزائري_dz]

السلام عليكم

هذه قصيدة فكاهية ولكن معبرة

كلماتها باللهجة الجزائرية

جملة جدا

ان شاء الله تعجبكم انتم أيضا

****

كلمات القصيدة

************************

نصحوني مرة صحابي بالزواج ... و قالولي بركاك من التعواج

راهي رايحة تديك المواج ... إذا بقيت في العزوبية

بقيت نطلع في الحساب ... و لقيت كلامهم صواب

و في الغد بعثتهم نواب ... يطرحوا لأهلي القضية

بابا وافق في الحال ... و قال نجيبوا بنت الخال

و يما جاها في البال… وخطبتلي بنت الجار

قلت واش هي الشروط ... راني صرت ليكم مربوط

ومالي عندكم محطوط ... ونزيدلكم الشهرية

قالي يا وليدي سجل ... 20 صباط باش تبدل

و 50 سروال مفصل ... و يكونو ضيقين شوية

وزيد كيلو ذهب صافي ... تجيبو وانت زاهي

والشنتوف ما هو كافي ... راني درت فيكم مزية

بنتي راهي غاية وشريفة ... ما تتركش يدها خفيفة

20 خاتم في القفيفة ... تحطهم في يدها هي

وسلسله غاليه ما تنساش ... والمليون لازم يكون معاك

والحايك مرمة لازم تلقاه ... وتقدمو لبنتي هدية

قالي يا السي موووح ... بلاك تنسى خيط الروح

باش يزيد لبنتي الروح ... تبقالك ديما حية

تشريلها عشر كباش ... والجاج مشوي ما تنساش

وزيدلها مترا قماش ... هادي حاجة رمزية

بنتي ما تضربش النشاف ... ومن الحمام تخرج بالتلحاف

وشعرها جيبلو حفاف ... وتزور sa mère كل عشية

الطفلة نطقت ملهيك ... يا بابا لازم تنهيه

يتركني نحكم فيه ... ويمشي معايا بالنية

قالي الشرط ما خلاص ... نقراو الفاتحة قدام ال

رافدة معاها عشر قطوط ... تلعب لعبة هزلية
ديرت الغلطةوديتها ...وكي بديت نتعرف بيها

لقيتها مركبة قطع غيار ... شعرها وحواجبها ولشفار

و كي ضحكت كل شيء طار ... هادي ماركة عصرية

قالت لازم نبقى حرة ... ويماك لازم ترميها برة

وما تكثرش الهدرة ... أنا طفلة متحضرة

قلت يا امرة لازم تفهمي ... ترفدي حوايجك اخطيني
انا من كترة الهدرة ... راسي وجعني
راني نتنارفا نضربك ...و نعشيو في ليله ماهي
ليلة غير البكي و التنواح ...و البكاء على الاطلال
كي العادة الجاهلية ...رفدي قشك وبرا عليا