الزواج من شاب لا يعمل؟؟؟؟؟

[kaother]

اختي اذا تقدم لخطبتك شاب لا يعمل فهل تقبلين الزواج منه
نعم او لا

[منى]

منطقيا صعب أنك تزوجي بواحد ما يخدمش... و ثاني أهلك مستحيل يقبلو.... و لكن أنا شخصيا ما عنديش مشكل لأني مؤمنة بالله سبحانه تعالى و الرسول قال من ترضون دينه و خلقه يعني إذا كان صاحب دين و خلق نقبل بيه و أكيد رايح يفتح علينا ربي و يصيب خدمة .. و الله أعلم

[/زهرة عصفور الجنة/]

اكييد لن اقبل يلقى خدمة من بعد يتزوج

[touati_dz]

مسكين الشباب البطال....
ليس له الحق في الزواج والارتباط بمن يحب؟؟؟
أنا في نظري الشاب البطال الذي يحق للفتاة رفض الارتباط به هو ذلك الشاب القابع في المقهى او في منزله صباح مساء والغارق في الكسل والنوم، ولا يجتهد في ايجاد قوت يومه. هذا النوع يحق للفتاة رفضه.
أما ذلك الذي يستيقظ مع الفجر ويخرج يترازق ويجتهد عله يظفر بعمل شريف، يحبذ للفتاة ان توافق عليه لأن موافقتها له تعد تحفيزا له على الاجتهاد أكثر والسعي أكثر....
الحمد لله اللي رانا خداميـــن...

[وحيد الحيراني]

كاين شباب الله يبارك عليهم بالخدمة وما قبلوش بيهم...
فما بالك باللي ما يخدمش
ضروك ولات الخدمة وزيدها السكن الخاص والسيارة
وما تكون سمين
وما تكونش نحيف
وما تكونش أصلع
وما ........ الخ

[صُبح الأندلس]

المشاركة الأصلية كتبت بواسطة منى

منطقيا صعب أنك تزوجي بواحد ما يخدمش... و ثاني أهلك مستحيل يقبلو.... و لكن أنا شخصيا ما عنديش مشكل لأني مؤمنة بالله سبحانه تعالى و الرسول قال من ترضون دينه و خلقه يعني إذا كان صاحب دين و خلق نقبل بيه و أكيد رايح يفتح علينا ربي و يصيب خدمة .. و الله أعلم

نصيحة لوجه الله إياك أن تقدمي على الزواج بمن لا يعمل حتى و لو كنت تحبينه لأن الحب لا يطعم خبزا و لا يداوي مرضا ، صديقيني والله ستندمين أشد الندم الحياة صعبة و شهرية لا تكفي فما بالك إذا لم يكن هناك أي دخل ؟

[kaother]

المشاركة الأصلية كتبت بواسطة منى

منطقيا صعب أنك تزوجي بواحد ما يخدمش... و ثاني أهلك مستحيل يقبلو.... و لكن أنا شخصيا ما عنديش مشكل لأني مؤمنة بالله سبحانه تعالى و الرسول قال من ترضون دينه و خلقه يعني إذا كان صاحب دين و خلق نقبل بيه و أكيد رايح يفتح علينا ربي و يصيب خدمة .. و الله أعلم

و الله في هذا الوقت صعب ان يلقى واحد خدمة بسهولة
المهم ان يكون هذا الشاب قادر على تحمل المسؤولية
لكن الزواج من شاب لا يعمل صعب خاصة اذا وضعنا في الاعتبار ان ممكن ينتج عن هذا الزواج اولاد
الاجابة بنعم لا تريح و لا تتطمئن
و الاجابة ب لا لا تحل المشكل و ترفع نسبة العازفين عن الزواج و نسبة العنوسة
ربي يوفق الجميع

[حنان35]

لا لا هدي لمصلحتي ومصلحتوا

[صُبح الأندلس]

والله أنا يؤلمني ان أرى الشباب غير متزوج بسبب البطالة و لكن دائما يجب أن نختار أحلى المرين فأن يبقى عازبا بطالا خير من أن يتزوج و ينجب أولادا و يعجز عن إطعامهم و ساعتها سيقولون له لم أنجبتنا و أنت لا تقدر على معيشتنا ؟ الان في وقتنا هذا أصبح الرجل يبحث عن امرأة عاملة لتساعده فكيف يعقل أن تتزوج المرأة رجلا لا يعمل ؟ لا تقولوا المهم الخلق و الدين فهذا غير كاف لأن من شروط الزواج أن يكون الرجل قادرا على توفير القوت لعياله و الله يعين الجميع

[منى]

المشاركة الأصلية كتبت بواسطة وحيد الحيراني

كاين شباب الله يبارك عليهم بالخدمة وما قبلوش بيهم...
فما بالك باللي ما يخدمش
ضروك ولات الخدمة وزيدها السكن الخاص والسيارة
وما تكون سمين
وما تكونش نحيف
وما تكونش أصلع
وما ........ الخ

هههههههههههههههههههههههههههه و زيدلها ما تكونش كرشو خارجة

[منى]

المشاركة الأصلية كتبت بواسطة اعتماد13

نصيحة لوجه الله إياك أن تقدمي على الزواج بمن لا يعمل حتى و لو كنت تحبينه لأن الحب لا يطعم خبزا و لا يداوي مرضا ، صديقيني والله ستندمين أشد الندم الحياة صعبة و شهرية لا تكفي فما بالك إذا لم يكن هناك أي دخل ؟

بين النظري و التطبيقي فرق.. لكن قصدي الجوهري هو قوة الإيمان بالله و الاتكال المطلق عليه.... و هاني شفت ألوف من الشباب يكون مسكين حاصل في روحو و بمجرد أنو يدير كوراج و يخطب يفتح عليه ربي و تجيه خدمة من باب واسع... و ربي يفرج على الجميع...

[kaother]

المشاركة الأصلية كتبت بواسطة وحيد الحيراني

كاين شباب الله يبارك عليهم بالخدمة وما قبلوش بيهم...
فما بالك باللي ما يخدمش
ضروك ولات الخدمة وزيدها السكن الخاص والسيارة
وما تكون سمين
وما تكونش نحيف
وما تكونش أصلع
وما ........ الخ

و الله ما همش كل البنات بنفس العقلية و انا نقول كل انسان حر في حياتو يعشها بالطريقة الي تريحو ما دام في الحلال
في الوقت الي رانا فيه اصبحت الفتاة تحوس على الخدمة اكثر من الشاب
هذا لاحظناه في مسابقات التوظيف نجد 20 شاب و حوالي 300 فتاة ياترى ماهو السبب
الي ما تقبلش الشاب العاطل عندها حق
تحضرني قصة شاب من مدينتي تزوج من فتاة و هو مايخدمش و بعد سنوات من الحياة الزوجية التي اثمرت عن ولدين اصبح غير قادر حتى يجيبلهم حتى الحليب و باباه هو ليصرف . و المشاكل طبعا لا تنتهي بين الزوجين و في كل مرة تغضب الزوجة و تذهب لبيت اهلها و لما تعب هذا الزوج فكر يطلقها فعلا انعقدت جماعة الصلح لتطليقها وحكمت عليه يعطيها 8 ملايين و فعلا و في الحال وفر هذا الزوج المبلغ المطلوب
انا ردت على زوجي الي كان يتفاخروهو يحكي في قصة ابن عمه هذا انو الي عاطلو 8 ملايين باش يطلقها مكانش قادر يعطيلو المال لعمل مشروع صغير يعيل به عائلته لكن ليخرب دارو في الحال توفر المال
هدفي من هذه القصة هو انو حتى العائلة و الاقارب ماساعدوش و كل واحد يقول ات تخطي راسي.

[NEWFEL..]

مفارقة عجيبة لايعمل ويتزوج ؟؟؟؟؟؟؟؟؟؟؟؟؟؟؟؟؟

[كمال الاسلام]

ما يخدمش


ممنوع عليه حتى ان يفكر بالزواج


اصبح السؤال الاجباري هو واش يخدم ماشي اذا يخدم


يعني حتى نوع الخدمة رجع شرط



ربي يسترنا ويصلح حولنا

[nichbarech]

لوكان ماجاش قادر على شقاه باه يعيشك ما يطلبش يدك و الله اعلم