تايبة ومانعرفش واش ندير

[مشكلتي]

انتمني تمدولي الحلول لازم تمدولي الحل لازم
انا طفلة كنت مخطوبة خطيبي من الحي ديالنا جميل المظهر وخدام ومن اسرة متوسطة الحال له اختان وام وهو المسؤول عن البيت هو انسان جيد جدااا رزين وعاقل والاهم كان يحبني بزاااف بزاف وانا وهو تخطبنا من بكري من لي كان عمري 16 مد فيا الكلمة بصراحة من وقتها و كبرت علي هذه الخطوبة ومبعد لقيته هو تقليدي صحيح شخص جيد لكنه تقليدي عنده عيب انه لا يسمع لي يعني يحاسبني بصح ما يسمعش لجوابي يقولي واش يحب كي يزعف ومبعد يرحل بلا مايسمع الجواب وايضا متسرع ويغار ويحب التحكم ولكنه كان سريع الندم يندم ويطلب سماح ويعاود يغلط مرة اخري وانا تعبت منه ولهذا حبيت اخر كان مختلف عنه غني ووسيم بصح انا ماحبيتوش لانه غني انما لانه كان مختلف بالعقلية كان يسمعني واي حاجة تثير شكه يسقسيني ويسمع مش كيما الاول ولكن للاسف كان عنده حبيبة سابقة وكانت كل الوقت تديرلي المشاكل ووتدخلت بحياتنا وسرقته مني وتزوجها رغم انه يحبني انا مش هي وحتي كي تزوج بعثلي رسالة انه حزين علي فراقي ورجعلي بعد زواجه يحلل فيا بصح طيرته
ومبعد سييت نرجع للاول وقبل ورجعنا للمسيرة الاولي واكثر وزادادا شكا ومن بعد ظهر رجل اخر كان اكبر سنا بصح كان غني وكان عنده كواغط نتاع فرنسا وخطبني ولكن اخته رفضتني ودرت كلشي علجال باش تفسخ الخطوبة وبالفعل فسخت الخطوبة
ومبعد رجعت لخطيبي الاول وطبيعة ماقبلش حتي حاولت معاه وجريت موراه وقبل وسامحني ورجعنا لبعض فخطبني ومبعد ظهر اخر وكان متكبر وكل البنات يحبوه ولكنه لم ينظر لي اساسا بالاول ومبعد وافق عليا وكي سمع خطيبي ولاو يتعاركه وطلب مني الجديد نخلي خطيبي قلتله لالا هذاك خطيبي وهو قالي تخليه ولا نروح ونخليك انا صح صح ماحبيتش نخلي خطيبي ولكن اصر عليا فتخليت عن خطيبي وانا مجروحة الفؤاد وبقيت عامين مع الجديد وكان يكلخلي كل مرة يقولي نجي نخطبك ووانا نصدقه ومبعد طردني من حياته كي دخلت واحدة جديدة وانا وليت لخطيبي الاول وهو رافضني واش راح ندير سييت كل الوسائل يرجعلي ولكنه رفضني واش ندير باش الاول يرجع عندي خفت يتزوج ويخليني