كرهتي اهلي

[مشكلتي]

انا فتاة متزوجة حديثا . كرهت من اهلي ومشاكلهم وطمعهم في نقودي . كل منروح لعندهم نروح وانا اشعر بغصة في قلبي. بحكم اني اعمل. ديما طمعين في نقودي. رغم انهم داو. اكثر ماخذت انا من شهريتي سواء قبل زواج او بعده ولحد ان نمدلهم في نقود. وهم مشبعوش. زوجي قد ميصرفلهم. دائما مذموم وميقروش بخير تاعو وميحبوهش وداىما يقلولي. علاش. يدي ولا راكي تمديلو. كانو هو مش يخدم ولا يستنى قي شهريتي مثلهم كرهت انا والله مدرت حجى بشهريتي. ديما نمدلهم في دراهم. ولا احيانا. بعد زواج تجي مصاريف. زايدة نعاون زوجي لانهم ميقدرش وحدو و بلما يطلب مني. ميطلبش مني. و ميصرفش في شهريتي غير كان نقولو. ادي لكن اهلي كرهوني بكلامهم و صراحة يغضني زوجي. لانه مش كيما مدين عليه نظرة
مشكل ذرك انا جايتني مصاريف. وهم ضاقطين عليا يحبو يدو شهريتي وانا كرهت نتعب في خدمة ومتمرمدة. وهم مش محتاجين حابين يبنو يدرو ذهب. و انا نبقى نخدم ونمدلهم وخلاص. انا والله نمدلهم لكن تمداو فيها ياسر وهم حتى في زواجي نخصرو عليا ولو يا لوكان 1 د ج. بغكس دراهم باروك وداوهم وزادو. داو شهرية لي بعدها. مخلاولي والو والله تعبت وحسيت روحي بديت نكرهم خصوصا كل منروح لمنزل ابي. نكره ونروح نبكي. يقصوني بلكلام ياسر.

[نينو]

السلام عليكم
المشكلة هاذي عامة . ولكن الاهل يبقو الاهل بتصرفاتهم السيئة او الحسنة. واش راح تديري عليك بالصبر. لوكان جيتي متخدميش رام هوما لي عرسولك. جربي نقصي معادش تعطيهم ياسر . مثال تروحي اعطيهم ميات الف واخلاص.
المهم اعرفي كيفاش تعاملي. ولا اهدري مع لكبير في العايلة قوليلهم ماتشوفوليش الاشهر هاذي دراهمي نستحقهم.
اما باش تكرهي الاهل وللا تبكي بالسبب هذا. لااااا. ومش غير انتي عندك المشكل هذا . كامل رانا فيه والحمد لله.

[nadir_telecom]

والله غير راني صراحة نحير ياطفلة ياك دراهم دراهمك و نتيا لي عارقة عليهم ماتزيديش تمديلهم مافيها والو ماتمديش من عندك و إذا قالولوك حكي جيبيك قوليلهم ياك ماشي مشاركيني في دراهمي بضحكة بعداك قوليلهم الشهرية راهي حابسة المهم ماتمديلهمش و صايي شوفي كيفاش تحبسي الطمع نتاعهم و مام زوجك ماتعونيهش بزاف نصيحة راه يوالف و يعيييك و يكرهك أكثر من دااركم و ربي يصلح الأحوال و إدا تعرفي دراهمك رايحة في الريح برك حبسي الخدمة واش حاتمك تعبي روحك و ماكيش رابحة و السلام

[لؤلؤة تلمسان]

هل تقصدين بأهلك امك واببيك؟؟؟؟
إن كانوا هوما والله عيب عليييييك... أنا كون نصيب عينيا نمدهم لهم.... شحال تعبوا عليك نتي صغيرة؟؟؟ ماشفوكش هوما وشففك راجلك اللي عرفتيه برك عامين؟؟؟؟
ربما كلامي قاسي بصح معليش نفحشش امي نخليها تلبس الذهب إذا فخاطرها نبنيلها نخدملها كوزينتها و اي حاجة فخاطرها المهم ترضى عليا وتخليلي دعوة الخييير....... مادام زوجك كافيييك عادي عاوني امك وأبيك أو اختك في جهازها وربي يبارك لك كي تكوني راااضية

[قنون المربي والأستاذ]

السّلام عليكم ورحمة الله تعالى وبركاته
يقول المولى عزوجل:
بسم الله الرحمن الرحيم{يَسْأَلُونَكَ مَاذَا يُنفِقُونَ ۖ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالْأَقْرَبِينَ وَالْيَتَامَىٰ وَالْمَسَاكِينِ وَابْنِ السَّبِيلِ ۗ وَمَا تَفْعَلُوا مِنْ خَيْرٍ فَإِنَّ اللَّهَ بِهِ عَلِيمٌ}الآية 215 من سورة البقرة
{وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا}الآية 24 من سورة الإسراء
والآية التي سبقتها{ وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا }
إذن نفقة الأولاد الميسورين/ذكور وإناث/ على الأب المعسور والأم أيضا مطلب شرعي وقانوني