تعبت ومليييت - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات التعليم الثانوي > منتدى تحضير شهادة البكالوريا 2025 > منتدى تحضير شهادة البكالوريا 2025 للشعب العلمية، الرياضية و التقنية > قسم العلوم التجريبية

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

تعبت ومليييت

إضافة رد
 
أدوات الموضوع انواع عرض الموضوع
قديم 2019-11-03, 18:53   رقم المشاركة : 1
معلومات العضو
اللهم ارزقني عفةمريم
مشرفة منتديات عامة للترفيه و التسلية
 
الصورة الرمزية اللهم ارزقني عفةمريم
 

 

 
إحصائية العضو










افتراضي تعبت ومليييت

تعبت والله تعبت من اول لعام هاك ظروف كامل ضدي من ناحية كلشي تخلطت عليا لمشاكل مع لباك مع لقراية كلشي تجمعوو في هذا لعام لمصير لي لازم يكون احسن عام بالنسة حبيت نفرغ برك حتى جو درسة في هاذا لعام متوفرليش كلشي تخلط لمورال هابط تحت 0 والله تعبت مرة شهرين صرالي هاك والله اعلم وش رايحة نشوف بعدها ربي يعيني برك هذا لفصل كارهة الاساتذة لحد الان مدرناش ولا فرض تراكم دروس عليا مفهمنا ولو لاختبارات في 2 ديسمبر بقا شهر ويكمل لفصل 1 وانا مانيش نتحسن طووووول لوقت يمشي ربي يفرج عليا وعليكم









 


رد مع اقتباس
قديم 2019-11-03, 21:33   رقم المشاركة : 2
معلومات العضو
اكرام براءة
مشرف الخيمة
 
الصورة الرمزية اكرام براءة
 

 

 
إحصائية العضو










افتراضي

نظمي وقتك و رتبي أمورك
هونيها تهون أختي روميساء

ابداي بلعقل ماتتقلقيش و ماتخليش الافكار السلبية تسيطر عليك
و مزال الوقت و مزال الخير
ابداي الان حلي على الأقل تمرينين في المات و تمرينين في الفيزيك كل يوم
و بعدها مع الوقت تزيد الوتيرة تاعك وحدها
ديري توقيت مثلا كل يوم تحفظي 3 مصطلحات تاريخ و جغرافيا و شخصيتان
و لا شوفي اللي يخرج عليك
المكان اللي تقراي فيه نظميه ثاني راه عندو دخل في المزاج النفسي
حاولي تكون الكتب و الكراريس حولك منظمة ماشي خالوطة كراس مفتوح منا و كراس منا
و كتاب خارجي في جهة و سلسلة تمارين في جهة و الحالة كامل مخربطة
نظميها و ماتضغطيش على روحك رانا عاد في الفصل الاول
و ماتكثريش المراجع ، شوية تمارين فيها بزاف افكار خيرمن بزاف تمارين تتكرر فيهم الافكار

ماتنسايش الحفاظ على الصلاة في وقتها و قراءة القرآن
و ادعي ربي يسهلهالك و يوفقك لكل خير










رد مع اقتباس
قديم 2019-11-03, 21:47   رقم المشاركة : 3
معلومات العضو
اللهم ارزقني عفةمريم
مشرفة منتديات عامة للترفيه و التسلية
 
الصورة الرمزية اللهم ارزقني عفةمريم
 

 

 
إحصائية العضو










افتراضي

شكرا اكرام ربي يفرحك ان شاءالله نقرا في كلامك ونبكي مانيش عارفة علاه خايفة بزاف صدقني بصح ان شاء الله رايحا نتحسن و يسهلها ربي ربي يوفقك اكرام لغالية










رد مع اقتباس
قديم 2019-11-03, 22:11   رقم المشاركة : 4
معلومات العضو
اكرام براءة
مشرف الخيمة
 
الصورة الرمزية اكرام براءة
 

 

 
إحصائية العضو










افتراضي

الخوف علاه ؟
ياك مزال عندك متسع من الوقت
كي تكوني محضرة نفسك معنويا و ماديا و نفسيا و قاع واش كاين
ماتخافي والو و كيما جات تجي مرحبا بيها
اذا عرفتيلها عادي و اذا ماعرفتيلهاش تتعلمي حاجة جديدة ماهيش عيب
و ماتحكميش على الامور من البداية دركا
ممكن مزال ماوالفتيش الريتم هذا و الروتين
و ممكن مزال مادخلتيش في القراية سيريو
ممكن مزالك مخربطة في راسك و حايرة كيفاش رح تقراي هذا الكل
عادي كامل رانا هكذاك بصح لازم نتجاهلوا هذو الامور كااامل
عندنا هدف لازم نوصلوا ليه و حلم لازم يتحقق
مانخلوش عراقيل هكذا تحبسنا و تخلينا نفشلوا و نكرهوا
صح نتعبوا صح نعياوا صح نطيحوا و نعاودوا نوضوا
بصح مانحبسوش ، نكملوا لقداااام حتى نوصلوا وين حابين
ماكاش كيما الفرحة هذيك في النهاية
ديري بين عينيك البسمة تاع أهلك و الفرحة اللي تكون في المنزل
حطي في بالك اللحظة هذيك اللي تشوفي فيها النتيجة و تلقاي مكتوب " ناجح "
تخيلي هذاك النهار تاع النتائج كيفاش رح يفوت و العطلة الصيفية و انت فرحانة أنك وصلتي وين كنتي باغية
و ماضاعش تعبك و ماراحش في مهب الريح
الان عادي كي تشوفي روحك ماشي قادرة تقراي ارتاحي ، تشوفي روحك تعبتي ماتحمليش نفسك فوق طاقتها
في كل مرة خمي في اللي جاي و خليك من الامور اللي فاتوا ماراحش يرجعوا
ممكن راكي تشوفي الفروض صعاب كذا منايا
بصح في نهاية المطاف تلقايهم ساهلين و تفيقي لروحك و تستدركي كاامل واش فات

ماتفقديش الامل برك و ماتفشليش من الان
خليك ديما قوية و اقراي مليح و ماتخليش حاجة تفوت و انت مش فاهمتها و لا عندك بروبلام فيها

ربي يوفقك روميساء










آخر تعديل اكرام براءة 2019-11-03 في 22:11.
رد مع اقتباس
قديم 2019-11-04, 13:24   رقم المشاركة : 5
معلومات العضو
اللهم ارزقني عفةمريم
مشرفة منتديات عامة للترفيه و التسلية
 
الصورة الرمزية اللهم ارزقني عفةمريم
 

 

 
إحصائية العضو










افتراضي

ان شاء الله يارب ربي يوفقنا كاملين ونفرحوو ونشوف دموع ماما من لفرحة والله كلامك* يرفع لمورال ربي ينجحك ان شاءالله قد مانشكرك منوفيش بلاك تشوفيه مجرد كلام ونصائح بصح انا نشوف حاجة كبيرة تأثر عليا بإيجاب رفعتلي لمعنوياتي شكرا ربي يحفظك ان شاءالله نفرحوو قاع*










رد مع اقتباس
قديم 2019-11-04, 16:57   رقم المشاركة : 6
معلومات العضو
اكرام براءة
مشرف الخيمة
 
الصورة الرمزية اكرام براءة
 

 

 
إحصائية العضو










افتراضي

إن شاء الله

ربي معانا ^^










آخر تعديل اكرام براءة 2019-11-04 في 16:57.
رد مع اقتباس
قديم 2019-11-04, 17:20   رقم المشاركة : 7
معلومات العضو
عاشقة الكواكب
عضو مميّز
 
الصورة الرمزية عاشقة الكواكب
 

 

 
إحصائية العضو










افتراضي

^^ معليه مريومة
شدة و تفوت










رد مع اقتباس
قديم 2019-11-04, 20:31   رقم المشاركة : 8
معلومات العضو
اللهم ارزقني عفةمريم
مشرفة منتديات عامة للترفيه و التسلية
 
الصورة الرمزية اللهم ارزقني عفةمريم
 

 

 
إحصائية العضو










افتراضي

اقتباس:
المشاركة الأصلية كتبت بواسطة عاشقة الكواكب مشاهدة المشاركة
^^ معليه مريومة
شدة و تفوت
ان شاءالله ربي يفرحنا









رد مع اقتباس
قديم 2019-11-04, 21:52   رقم المشاركة : 9
معلومات العضو
ريتال2
مشرفة منتديات الطبخ
 
الصورة الرمزية ريتال2
 

 

 
إحصائية العضو










افتراضي

سلام مريومة
واش هدا زعاف لحبيبة كامل فوتنا على هده مرة صح مشاكل من كل جهات لكن لازم تصبري وتنوضي وجامي طيحي اوكي
شوفي نظمي روحك ديري ورقةى وستيلو قسمي وقتك وابداي ومزال وقت متقلقيش اختي تقدري تبداي كامل من جديد
واتفرجي تحفيزات اوكي وتفكري لحظة نتيجة تزغرتلك ميمتك يا عينيااوكي وهديك فرحة
دوك راني مقلقة لكن رايحة ساعدك قد ما نقدر
من بعد نراسلك في خاص ونعاونك اوكي
باللتوفيق










رد مع اقتباس
قديم 2019-11-04, 22:08   رقم المشاركة : 10
معلومات العضو
اللهم ارزقني عفةمريم
مشرفة منتديات عامة للترفيه و التسلية
 
الصورة الرمزية اللهم ارزقني عفةمريم
 

 

 
إحصائية العضو










افتراضي

اقتباس:
المشاركة الأصلية كتبت بواسطة ريتال2 مشاهدة المشاركة
سلام مريومة
واش هدا زعاف لحبيبة كامل فوتنا على هده مرة صح مشاكل من كل جهات لكن لازم تصبري وتنوضي وجامي طيحي اوكي
شوفي نظمي روحك ديري ورقةى وستيلو قسمي وقتك وابداي ومزال وقت متقلقيش اختي تقدري تبداي كامل من جديد
واتفرجي تحفيزات اوكي وتفكري لحظة نتيجة تزغرتلك ميمتك يا عينيااوكي وهديك فرحة
دوك راني مقلقة لكن رايحة ساعدك قد ما نقدر
من بعد نراسلك في خاص ونعاونك اوكي
باللتوفيق
اهلا بيك ختي نتي نريمان ياك ؟
شكرا ربي يحفظك ختي ربي يفرحك ان شاءالله
اييه مذابيك تعاوني ختيتو ابعثلي في اي لحظة نحتاج نصائح ربي يخليك وخاصتنا في هذا لوقت ربي يفرحك وينجحك انا في انتظارك









رد مع اقتباس
قديم 2019-11-13, 13:32   رقم المشاركة : 11
معلومات العضو
هديل السلام
عضو مميّز
 
الصورة الرمزية هديل السلام
 

 

 
إحصائية العضو










افتراضي

ربي يوفقك حبوبة متخافيش ازمة وتفوت










رد مع اقتباس
قديم 2019-11-13, 22:11   رقم المشاركة : 12
معلومات العضو
اللهم ارزقني عفةمريم
مشرفة منتديات عامة للترفيه و التسلية
 
الصورة الرمزية اللهم ارزقني عفةمريم
 

 

 
إحصائية العضو










افتراضي

اقتباس:
المشاركة الأصلية كتبت بواسطة هديل السلام مشاهدة المشاركة
ربي يوفقك حبوبة متخافيش ازمة وتفوت
شكرا حبوبتي لغزيزة ربي يخليك ليا









رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 22:05

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc