هام ....الطلبة الجامعيين والاحرار لباك 2019 موجه لكم

[Soo Cat]

كيف الحال؟
اتمنى ان يكون الكل بخير بإذن الله
حسنا هذا الموضوع في الحقيقة لكل شخص درس ولو عام واحد بالجامعة
انا اطلب منكم ان تحكو لنا كيف تسير الامور هناك وكيف كانت ايام الاولى وبعض مغامراتكم الدراسية
اعتقد انكم هذه الفترة يجب ان تكونوا رواد المواضيع بهذا المنتدى
من فضلكم انصحونا و وجهونا وافيدونا بخبراتكم
لا يجب ان نصمت عن موضوع الجامعة فهو الاهم الان ....الحياة مستمرة ....الباك انتهى وكان مجرد بداية

[الإسكندر الأكبر]

فكرة رائعة ، انا في الترقب ..

[Soo Cat]

انا ايضا
بالتوفيق اخي

[مُـ‘ـُنُـ‘ـُـعُـ‘ـُمُـ‘ـُ]

أنا هذي هي سنتي الأولى في الجامعة، والذي استنتجته انه لا يوجد تعليم في الجزائر، نقطة على السطر
لا منهجية تدريس، لا تعليم عالي، دروس من الأرشيف وعدم مماشات الحاضر .. ولو كانت في يدي مستعد أن أتخلي على دراستي الجامعية كليا
كلام محبط لكنه الواقع
ولي حاب يقرا صح، ملازموش يقعد في الجزائر

هذي هي نظرتي للجامعة الجزائرية

[toulay]

السلام عليكم
راح نحكي شويا على الجامعة بحكم اني درست خمس سنوات فيها
مثل كل تلميذة كان حلمي ننجح فالباك كان عندي فضول باش نروح للجامعة مع انو كانوا يقولولي تروح للجامعة وتكره وتتوحش ايام الليسي وهذاك هو الصح ايام الليسي لا تعوض بصح هاذي هي سنة الحياة
الحمد الله كنت تلميذة مجتهدة ونجيبة ومكنتش نحوس على الباك قد ماكان يهمني المعدل والحمد الله تحصلت على معدل جيد ولكن الفاصلة كانت السبب في عدم قبولي في المدرسة العليا للاساتذة وكم بكيت بحرقة يومها ومبعد قلت فيها خير ان شاء الله خلي نقرا فالجامعة
نهار داروا التصحيحات النموذجية قلت c'est bon الباك راح منيش راح ننجح خصوصا مين شفت التصحيح تاع العربية
نهار خرجت النتيجة تاع الباك في بالي هذاك العام كانت اول مرة يحطوها فالانترنت كنت هنا في منتدى الجلفة ومبعد شفت عضو قال بلي راهو خرج الباك وراني نجحت والمعدل 11 ونسيت شحال الفاصلة
انا تماك حسيت باحساس غريب وقلبي رجع يخبط للحظة حسيت بلي منيش راح ننجح خفت بزااااااااف وكل الافكار طاحت عليا حكمت الاستدعاء وبقيت نكتب في رقم التسجيل والحمد الله وفقني ربي ومين لقيت روحي نجحت طرت بالفرحة كانت فرحة لاتوصف مكانش احلى من النجاح خصوصا مين تكون تعبتي وقريتي قلبا وقالبا
هذاك النهار فوتوا فرحانة طايرة فالعلالي حسيت روحي حرة تحسب كنت مقيدة وعاجزة
كان تخصصي لغة انجليزية كانوا الاساتذة يحكوا معانا غير anglais وكنت نقول هل ياترى راح يجي يوم ونولي كيفهم نحكي بطلاقة فالبداية مين سمعناهم حسينا بغرابة ومكناش نميزوا واش يقولوا ومبعد مع الوقت الاذن تاعنا والفت على اللغة و accent وبفضل الله وليت كيما الاساتذة لكانوا يقروني بعدما كنت خايفة اني مراحش نولي نهدر هكذا بالرغم من اني كنت ممتازة فاللغات فرنسية انجليزية والمانية بحكمي كانت الشعبة تاعي لغات اجنبية
كانت استاذة linguistics كل احد مين نقراو معاها ديرنا test تحكم la liste تاع الطلبة وتعيط ولا تقول لكاش طالبة choose a number مبعد هذاك يكون رقم شخص فالقائمة وهو لراح تسقسيه
كان عندنا deux modules الاغلبية الساحقة يكرهوهم لهوما civilization and literature لانهم صعاب ولازم يكون عندك background كبير باش تقدر تفهم خصوصا التاريخ تاع the United Kingdom معقد بزاف حتى اكون صريحة منشفاش خلاص على روحي تحصلت على المعدل في civilization
فالجامعة راح تولي طالبة يعيطولك غير طالبة تحس روحك بلي خلاص راك في وقت الصح ولازم تكون طالبة عن حق
الاستاذ الجامعي تقدر تراسلوا فالايمايل تاعو تبعثلوا الاستفسارات لعندك وهو يجاوبك راح يخلي رقم الهاتف تاعو عند مسؤول القسم باش هكذا مين يغيب يعيط ويقولوا مكانش حصة
مين تكون حصة تعويضية يديروا affichage ورقة يعلقوها ويكتبوا فيها واش كاين
تحس روحك في عالم اخر تولي تحس روحك مشي هاذيك الطفلة الصغيرة لكانت تقرا فالليسي ولازم مثلا كراس الرياضيات غلاف ازرق والاسلامية غلاف اخضر
ايضا متعمتدوش غير على الاستاذ
فالجامعة الاستاذ راهو juste un guide يعني يوجهك وانت دبر راسك حاول دير بحوث وحدك ملخصات وحدك
الاستاذ ميكتبش في tableau تلقى كاين اساتذة يا يمليلك يا يبقى يحكي وانت تكتب رؤوس اقلام يا يقولك فالمنظمة الطلابية تلقى الدروس دير عليهم صورة طبقة الاصل ولا يمد نسخة الدروس لمسؤول القسم وانتم تمدولوا الدراهم باش يديرلكم صورة طبق الاصل
مثلا مين تكون كاينة une présentation تشوف صحبتك ولا زميل دير معاه ديروها ب data show ولازم تشرحوها مليح ومين تكملوا تسقسوا الزملاء اذا عندهم اسئلة
كاين la note td هاذي داخلة فيها الحضور والمشاركة والسلوك
مثلا ليقرا انجليزية ويكون الاول في الدفعة يبعثوه يقرا فالاردن هاذي يروحلها بدون مسابقة ولكن كل عام كاين امتحان وطني مين تكون ماستر 2 وليكونوا زوج ولا ثلاثة الاولين يشاركوا فالمسابقة باش يكملوا الدكتوراه في لندن
وليقراو رياضيات واعلام الي حسب معلوماتي يبعثوهم للصين
مالا اقراو مليح باش تكونوا انتم لولين فالدفعة تاعكم
هذا واش جاء في بالي لحد الان اذا كاين استفسارات اخرى راح نحاول نجاوب عليها ان شاء الله بالشيء لنعرف
بالتوفيق

[Soo Cat]

المشاركة الأصلية كتبت بواسطة مُـ‘ـُنُـ‘ـُـعُـ‘ـُمُـ‘ـُ

أنا هذي هي سنتي الأولى في الجامعة، والذي استنتجته انه لا يوجد تعليم في الجزائر، نقطة على السطر
لا منهجية تدريس، لا تعليم عالي، دروس من الأرشيف وعدم مماشات الحاضر .. ولو كانت في يدي مستعد أن أتخلي على دراستي الجامعية كليا
كلام محبط لكنه الواقع
ولي حاب يقرا صح، ملازموش يقعد في الجزائر

هذي هي نظرتي للجامعة الجزائرية

بالعقل اختي هذي حاجة ني منتفاهمة معاك فيها
مي تفائلي خير وحطي اهدافك قدامك وابذلي جهدك واذا تميزتي وكنتي اللولة كيما قالت الاخت تولاي كملي البرة
ومتعتمديش على الجامعة لازم تدربي نفسك اكثر على اجتهادك الشخصي
ربي ينجحك ويوفقك حبيبتي

المشاركة الأصلية كتبت بواسطة toulay

السلام عليكم
راح نحكي شويا على الجامعة بحكم اني درست خمس سنوات فيها
مثل كل تلميذة كان حلمي ننجح فالباك كان عندي فضول باش نروح للجامعة مع انو كانوا يقولولي تروح للجامعة وتكره وتتوحش ايام الليسي وهذاك هو الصح ايام الليسي لا تعوض بصح هاذي هي سنة الحياة
الحمد الله كنت تلميذة مجتهدة ونجيبة ومكنتش نحوس على الباك قد ماكان يهمني المعدل والحمد الله تحصلت على معدل جيد ولكن الفاصلة كانت السبب في عدم قبولي في المدرسة العليا للاساتذة وكم بكيت بحرقة يومها ومبعد قلت فيها خير ان شاء الله خلي نقرا فالجامعة
نهار داروا التصحيحات النموذجية قلت c'est bon الباك راح منيش راح ننجح خصوصا مين شفت التصحيح تاع العربية
نهار خرجت النتيجة تاع الباك في بالي هذاك العام كانت اول مرة يحطوها فالانترنت كنت هنا في منتدى الجلفة ومبعد شفت عضو قال بلي راهو خرج الباك وراني نجحت والمعدل 11 ونسيت شحال الفاصلة
انا تماك حسيت باحساس غريب وقلبي رجع يخبط للحظة حسيت بلي منيش راح ننجح خفت بزااااااااف وكل الافكار طاحت عليا حكمت الاستدعاء وبقيت نكتب في رقم التسجيل والحمد الله وفقني ربي ومين لقيت روحي نجحت طرت بالفرحة كانت فرحة لاتوصف مكانش احلى من النجاح خصوصا مين تكون تعبتي وقريتي قلبا وقالبا
هذاك النهار فوتوا فرحانة طايرة فالعلالي حسيت روحي حرة تحسب كنت مقيدة وعاجزة
كان تخصصي لغة انجليزية كانوا الاساتذة يحكوا معانا غير anglais وكنت نقول هل ياترى راح يجي يوم ونولي كيفهم نحكي بطلاقة فالبداية مين سمعناهم حسينا بغرابة ومكناش نميزوا واش يقولوا ومبعد مع الوقت الاذن تاعنا والفت على اللغة و accent وبفضل الله وليت كيما الاساتذة لكانوا يقروني بعدما كنت خايفة اني مراحش نولي نهدر هكذا بالرغم من اني كنت ممتازة فاللغات فرنسية انجليزية والمانية بحكمي كانت الشعبة تاعي لغات اجنبية
كانت استاذة linguistics كل احد مين نقراو معاها ديرنا test تحكم la liste تاع الطلبة وتعيط ولا تقول لكاش طالبة choose a number مبعد هذاك يكون رقم شخص فالقائمة وهو لراح تسقسيه
كان عندنا deux modules الاغلبية الساحقة يكرهوهم لهوما civilization and literature لانهم صعاب ولازم يكون عندك background كبير باش تقدر تفهم خصوصا التاريخ تاع the united kingdom معقد بزاف حتى اكون صريحة منشفاش خلاص على روحي تحصلت على المعدل في civilization
فالجامعة راح تولي طالبة يعيطولك غير طالبة تحس روحك بلي خلاص راك في وقت الصح ولازم تكون طالبة عن حق
الاستاذ الجامعي تقدر تراسلوا فالايمايل تاعو تبعثلوا الاستفسارات لعندك وهو يجاوبك راح يخلي رقم الهاتف تاعو عند مسؤول القسم باش هكذا مين يغيب يعيط ويقولوا مكانش حصة
مين تكون حصة تعويضية يديروا affichage ورقة يعلقوها ويكتبوا فيها واش كاين
تحس روحك في عالم اخر تولي تحس روحك مشي هاذيك الطفلة الصغيرة لكانت تقرا فالليسي ولازم مثلا كراس الرياضيات غلاف ازرق والاسلامية غلاف اخضر
ايضا متعمتدوش غير على الاستاذ
فالجامعة الاستاذ راهو juste un guide يعني يوجهك وانت دبر راسك حاول دير بحوث وحدك ملخصات وحدك
الاستاذ ميكتبش في tableau تلقى كاين اساتذة يا يمليلك يا يبقى يحكي وانت تكتب رؤوس اقلام يا يقولك فالمنظمة الطلابية تلقى الدروس دير عليهم صورة طبقة الاصل ولا يمد نسخة الدروس لمسؤول القسم وانتم تمدولوا الدراهم باش يديرلكم صورة طبق الاصل
مثلا مين تكون كاينة une présentation تشوف صحبتك ولا زميل دير معاه ديروها ب data show ولازم تشرحوها مليح ومين تكملوا تسقسوا الزملاء اذا عندهم اسئلة
كاين la note td هاذي داخلة فيها الحضور والمشاركة والسلوك
مثلا ليقرا انجليزية ويكون الاول في الدفعة يبعثوه يقرا فالاردن هاذي يروحلها بدون مسابقة ولكن كل عام كاين امتحان وطني مين تكون ماستر 2 وليكونوا زوج ولا ثلاثة الاولين يشاركوا فالمسابقة باش يكملوا الدكتوراه في لندن
وليقراو رياضيات واعلام الي حسب معلوماتي يبعثوهم للصين
مالا اقراو مليح باش تكونوا انتم لولين فالدفعة تاعكم
هذا واش جاء في بالي لحد الان اذا كاين استفسارات اخرى راح نحاول نجاوب عليها ان شاء الله بالشيء لنعرف
بالتوفيق

ييي علابالك بلي حمستيني بزااف
شكرا على الرد المتميز اولا
ثانيا عندي بزاف اسئلة.....قدش من ساعة تقراو في النهار؟ + مكاش كتب جامعية تع المواد ؟+وشي هوما المنظمات الطلابية؟

[لهيب الحلم]

الجامعة اسمها كبير و لكن للاسف مستواها منحط خاصة الإضرابات..لامبالاة...
اشتقت فيها لايام الثانوية

باختصار احسست اني ندمت لنجاحي في الباك 2018

وهذا لا ينفي وجود نقاط إيجابية عندما تتأقلم مع الاوضاع و تبدأ شيئا فشيئا بالتركيز على محتوى الدراسة فقط دون اعتماد على أستاذ أو أي شيء ستدرس بمفردك تماما الكتب و النت و policopes سيكونون رفاقك
...
رغم ذلك في جامعتي توجد تخصصات دراستها جدية ومافيش أي اضراب اما مستواهم فلا استطيع الحكم عليه

[لهيب الحلم]

هناك الكثير لأقوله لكم وانصحكم به ولكن تأخر الوقت
لي عودة أن شاء لله بالغد

[Soo Cat]

المشاركة الأصلية كتبت بواسطة لهيب الحلم

الجامعة اسمها كبير و لكن للاسف مستواها منحط خاصة الإضرابات..لامبالاة...
اشتقت فيها لايام الثانوية

باختصار احسست اني ندمت لنجاحي في الباك 2018

وهذا لا ينفي وجود نقاط إيجابية عندما تتأقلم مع الاوضاع و تبدأ شيئا فشيئا بالتركيز على محتوى الدراسة فقط دون اعتماد على أستاذ أو أي شيء ستدرس بمفردك تماما الكتب و النت و policopes سيكونون رفاقك
...
رغم ذلك في جامعتي توجد تخصصات دراستها جدية ومافيش أي اضراب اما مستواهم فلا استطيع الحكم عليه

السلام عليكم اختي
هذي تع نشتاقو لايام الثانوية اني سير منها ههههه....ديما نتفكر من كنا في السيزيام وطلعنا للمتوسط حبينا نرجو للابتدائي وكيما طلعنا لليسي حبينا نرجعو للسيام هههههه
هيه وكيف كان اول يوم ليك في الجامعة؟ احكيلي عليه من منظورك تع عبد كان في الليسي وطلع للجامعة
بالتوفيق وربي ينجحك اختي

[مُـ‘ـُنُـ‘ـُـعُـ‘ـُمُـ‘ـُ]

بالعقل اختي هذي حاجة ني منتفاهمة معاك فيها
مي تفائلي خير وحطي اهدافك قدامك وابذلي جهدك واذا تميزتي وكنتي اللولة كيما قالت الاخت تولاي كملي البرة
ومتعتمديش على الجامعة لازم تدربي نفسك اكثر على اجتهادك الشخصي
ربي ينجحك ويوفقك حبيبتي

خخخخخخ أنا لست بأنثى
هذيك هي نظرتي للجامعة، ولا أضن أني سأغريها حتى اشعار اخر ... لأنه هذا هو الواقع ولا أحب أن أتكلم بالعاطفة

[لهيب الحلم]

اول يوم للجامعة ههه يا حسرا دخلت لamphi نشوف في العباد ما نعرف منهم أحد و....،حسيت روحي لست في المكان المناسب (وكنت محقة)
واول يوم جامعة غاب الأساتذة
باختصار كانت بداية سيئة

[toulay]

المشاركة الأصلية كتبت بواسطة soo cat

بالعقل اختي هذي حاجة ني منتفاهمة معاك فيها
مي تفائلي خير وحطي اهدافك قدامك وابذلي جهدك واذا تميزتي وكنتي اللولة كيما قالت الاخت تولاي كملي البرة
ومتعتمديش على الجامعة لازم تدربي نفسك اكثر على اجتهادك الشخصي
ربي ينجحك ويوفقك حبيبتي

ييي علابالك بلي حمستيني بزااف
شكرا على الرد المتميز اولا
ثانيا عندي بزاف اسئلة.....قدش من ساعة تقراو في النهار؟ + مكاش كتب جامعية تع المواد ؟+وشي هوما المنظمات الطلابية؟

السلام عليكم
هذا الشيء يفرحني مين نكون سبب في تحفيز شخص
عفوا بلا مزية
كنت نقرا من السبت حتى الاربعاء كان الويكاند الخميس والجمعة
كانوا عندنا غير td نقرا خطرات من 8 حتى ثلاثة ونص وعندي نهار كنت نقرا فيه من 12:30 حتى للخمسة
الحصة فيها ساعة ونص
لا لا مكانش بصح مين تحتاج كاش كتاب تقراه تروح للمكتبة اصلا درك كل شيء كاين فالانترنت
المنظمة الطلابية هي لزعمة دافع على الطالب وتاني كانوا يحطونا الدروس تماك باش نيدروا فوتوكوبي بحكم من انهم ميغلوش
بالتوفيق

[Soo Cat]

المشاركة الأصلية كتبت بواسطة مُـ‘ـُنُـ‘ـُـعُـ‘ـُمُـ‘ـُ

خخخخخخ أنا لست بأنثى
هذيك هي نظرتي للجامعة، ولا أضن أني سأغريها حتى اشعار اخر ... لأنه هذا هو الواقع ولا أحب أن أتكلم بالعاطفة

اولا اسفة لاني كنت نقرا فيه ديما منعمة
عاطفة ايه
محبيتش نقولها بطريقة قاسية برك
الجامعة من البدية مخلوقة باه تقرا فيها لروحك وتعتمد على تفكيرك بحثك ....الاغلبية متكونش متعودة على هذي الطريقة الجديدة تبانلهم الجامعة بعو ومش مليحة بالرغم من انو كون حتى يقراو في اكسفورد حيقولوا نفس الشي
والتعليم 0 مش من الجامعة في كل المراحل خاصة الليسي
انو التعليم فاشل سواء الجامعي او الثانوي او الاعدادي ولا الابتدائي في بلادنا هذي مفيهاش هدرة مي نقدروا نغيروه ...كجيل نقدرو نديروها الامر يحتاج الوعي ويحتاج "شباب" يخمو في البلاد صح ومجربين الواقع السيىء هذا

[Soo Cat]

المشاركة الأصلية كتبت بواسطة لهيب الحلم

اول يوم للجامعة ههه يا حسرا دخلت لamphi نشوف في العباد ما نعرف منهم أحد و....،حسيت روحي لست في المكان المناسب (وكنت محقة)
واول يوم جامعة غاب الأساتذة
باختصار كانت بداية سيئة

ربي يوفقك اختي
فكرتيني في اول يوم ليسي

[Hou Da Lar]

الجامعة مختلفة كل الاختلاف على الثانوية
الاستاذ يكون فيها juste un guide كيما قالت الاستاذة تلقا روحك نتا تبحث على المعلومة مشي هي لي تجيك
الجامعة لي كنت فيها كان فيها الرخف بزااف الكور تدخلي الوقت لي طلعلك و تخرجي الوقت لي طلعلك بصح الجامعات لخرين كان كاين فيهم الانضباط البق ميزغدش
لي كور خصك تحضرلهم خطرش تيدي يمدولك تمارين فقط و ادا مفهمتيش يفهمك شويا تمرين و سايي ميتعمقش معاك يعني كي تراطي الكور راحلك كلش و انا نص لي كور مكنتش نحضرهم باسكو كانو صباح
تلقا كور قد سخط يكتبهلك بروف في طابلو باسكو ممنوع يمدولك لي بوليكوب من لي تدخل و نتا غير تكتب
القراية كانت بفرونسي و الحق الاساتذة يشرحو شويا عربية و شويا فرونسي
منجمش نقولك متفهمش غايا في جامعة باسكو هادي تولي على بروف و الله غير طاحو فيا اساتذة يعاودلك المعلومة 100 مرة المهم تفهمها و طاحو فيا وحدين ميفهموش قاع
في الجامعة تحس صح بالمسؤولية
اليامات لوالا غادي متعجبكش لحيا بصح مبعدا توالف و تعجبك
الجامعة بالنسبة لي تجربة مليحة مهاش بداك السوء لي يوصفوهلك و مهاش رووعة يعني نورمال
ربي ينجحكم قاع و تدخلو لجامعة لي راكم باغيينها