"◦˚ لحظة الـبـاك فـي سطـور 👌 ˚◦"

〆 بٰٰاولو 乄 · 2019-06-13, 21:01

لحظة الـبـاك فـي سطـور 👌؟

ليلة قبل البكلوريا
قلبك يدق 😨صباعيك يترجفو😕
النعاس داير فيك ظل
تشوف الساعة تصيبها 00 00 تاع اليل
-
-
تقول هيا نرقد شويا ووممبعد نوظ
تجي رقد تبدا تريفيزي وانت في الفراش تقول هاديك هكدا هاديك هكدا
*
تعود 1 يسموك رقدت
يطلع الصباح تنوضك يماك تنوض واقف
واقيلا رااااح الحال
تقلك لعزيزة لا يا ولدي غي في غرضك راها4
من داك نتا تصلي وتروح تبدا تريفيزي تصيب روحك ناسي صوالح
وتبدا تتخلطلك ايا ممبعد
-
-
-
-
لحق الوقت لي تخرج في علا 8 🤔
تصيب الحالة كاع ساكتة الحوانيت مغلوقين والناس راقدين
غي الشيوخا من هيكا عند الحيوط تقوللهم السلام يردولك روح راك ناجح نشالله
ايا تكمل الطريق وتوصل لليسي وتشوف الغاشي كاع مخلوعين
-
-
-
ينحولك التلفون تماركي اسمك وتحس روحك داخل للحبس
المورال تاعك يهبط بزااف
-
-
-
ايا شويا توصل التسعة يجو الوراقي ونتا تدعي يا ربي يجي ساهل يا ربي وفقني يتحطلك السوجي يبانلك فلو
-
-
-
تردو بيديك وتقلبو منا ومنهيه🤔
ونتا تترجف
ايا تبدا تقرا في التمارين
-
-
-
تخير السوجي لي نويت فيه وتحط الورقة نتاع الاسئلة وتكتب اسمك غي بالشويا لا تغلط وتبقا تتاكد لا راهو صحيح هو ورقم التسجيل😟😟😥
-
-
ممبعد تكتب الاجابة عن التمرين الاول وتسطر تحتها وتتكل علا ربي
-
--
-
السؤال الول الثاني الثال ------الخ
التمرين لي بعدو ولي بعدو
تفرح بزاف لانك جاوبت علا كل شي يفضلك الوقت وتراجع اجابتك
وتقول الحمد لله وعلا خلعونا هكدا
وهو سهل من الفرض لي فوتناه
وعلاش كانو معقدينها هكدا ايا تقول خلاص والله ما نزيد ننخلع تروح ليماك تقوللها النهار لول جاز الحمد لله تقلك راني عطيتك دعوة الخير يا ولدي وتكمل الباك
وتشوف النتيجة ناااااجح وتبدا الزغاريد في داركم وعند الجوارين مالين صحابك
يارب لا تحرم احد من فرحة الباك