مساعدة^^رسالتي اليكم

[nr.houda]

السلام عليكم
راني نواجه مشكلة في رسم المماسات في الاحماض والاسس هل من طريقة و ثاني الصفة الغالبة
و ثاني الاحماض والاسس القوية والضعيفة نحتاج امثلة
و ثاني في التربية الاسلامية حنا استاذنا قالنا مكانش مسائل و راني خايفة اذا مكانش منها واللي عنده مواضيع مقترحة بالحل مليحة يعطيني بلييز
في العلوم مراحش نراجع التنفس والتركيب الضوئي psk مدرناهش في الكلاصة ومفهمتهمش مليح في لي كور وراني خايفة يكون الموضوع الثاني صعيب
في الفلسفة رايحة ندخل بثلاث مقالات العنف والتسامح، اهمية الفلسفة، الشعور بالانا والغير ماذا عنكم؟؟
هذو هما اخر طلباتي في المنتدى علبالي كثرت عليكم جاوبوني بلييز
نتمنى من قلبي النجاح ليكم كامل و الكل واحد تعب والله ههذ الايام الاخيرة راني نضحي بحوايج بزااف حابة نذوق فرحة النجاح و نفرح والديا و يكون تخصص صيدلة من نصيبي ان شاء الله
مكانش حاجة توصف شعال عزيز عليا هذ المنتدى قدر ما نبعد عليه منقدرش فيه ناس ماشاء الله و الكل في المنتدى عزاز عليا ناس تحب الخير لغيرها وتساعد باللي عندها مالغري كاين بزااف ميعرفونيش بصح انا نعرفهم تقريباااا كاممممل و شفت مشاركتكم كامل، ان شاء الله نحققوا اهدافنا ويبقى في الاخير مجرد امتحان الدنيا ورانا خايفين منه، وامتحان الاخرة غالبيتها مدينهاش و بالاحرى ممحضرينش روحنا ليه الله يهدينا كامل، نوصيكم ديرو الذي اللي عليكم حطوا كلشي اللي عندكم و متندموا على والو لانوا اي حاجة ربي يعطيهالك او ينزعها منك إلا ولحكمة منه ، هذي هيا الدنيا لازم تتعب باش تريح وتفرح في الاخير .
مبقالي غير نقولكم استودعكم الله الذي لا تضيع ودائعه راجية من الله ان نلتقي مجددا في ظروف أحسن ^^بعد البكالوريا^^
بالتوفيق ^^ناجحون بإذن الله^^