طالبة مشحاحة ههههههههههههههه..؟؟؟

ناريمان 09 · 2009-11-30, 16:16

اذي النكتة واقعية جرتلي مع جاراتنا كنت في طريقي للجامعة او كانت ماشيا معايا كنا نحكيو كاش ما جديد واش دردي واش ماديرتيش المهم .......حتي لقيتها تسب او تلعن في ستيلوا لزرق ( سيالة زرقاء) قالت كول يوم يلزم نشري ستيلوا(ماشي كوليوم اي تزود ) او مرة يطيح علي راسوا او مرة ما يكتبش مليح او قداه من مرة نشريه ما يكتبش قلتلها انا كاينين ستلواة ملاح بصح شوية غاليين يعني يديروا 30دج ولا 40 دج الطفلة سمعت كلمت غاليين ولات تغلي قالت لالا ماكانش منها كايينين تاع 10 دج او يكتبوا علكيف او زيد وعلاه التبذير نخسر 40 دج عجال ستيلو قالت انا 10دج تاعي عزيزة غاليا او نشري بها الماركة لنحب......؟؟؟؟؟ او انا قعدت حايرة عالتمشحيح لعندها لجامي شفتوا عند بيبي تاع عام ...المهم كيشفتها هكاكا قتلها وشبيك مشحاحة عدورو تموتي روحك او مارحمتيهاش اذي 40دج خسرتاها في روحك انا قتلها زي هكا او طفلة فاضت بصح ماحكت معايا والوا الخاطر علبلها بلي عندي الحق المهم... امبعد قالتلي ارواحي نشرو ستيلوا كان الحال فايتني بصح كيشفتها غضبانة رحت معاها كي وصلنا للمكتبة خدمت سكاتش قدام مولي لمحل واش قالتلو عندك ستيلوات تاع الف.....؟؟؟ قالها عندي.....قالتلوا لقي نشوف جبدت ورقة او تجرب في ستيلوات الاول معجبهاش زات عطاها الثاني معجبهاش زاد اعطاها النوع الثالث كيفكيف معجبهاش واش قال للها ؟؟؟؟ قاللها ام كايننن ستيلوات كالتي ملاح ب30دج قالتلوا تخليهولي ب10دج الراجل حار مالقي واش يحكي او نقللكم حاجة( الطفلة اذيا لاباس بها من ناحية المادة بصح طبيعتها هكا مشحاحة بزاف) قالها مولي المحل لالا ني نخليه ب 10دج ني بزوز دورو كون جتي ماعندكش و لا فقيرة نخليهولك الطفلة سمعت كلمت كون ماجيتش ما عندكش و لا فقيرة نخليهولك فدت طالعوا واش خدمت .............................. ....................................... ............................. .................................................. .................................................. .................................................. ........................... .جبدت البرتفوي ( حقيبة النقود) زعمة زعمة او لعبت روحها تفركت علي الصرف او بعد قالت ماعنديش الصرف عني غير من 100الف او طلع....؟؟؟؟؟ هاك اعطيني ستيلوا تاع 10دج ...؟؟؟؟ الراجل حار او صرف لها 100الف عجال 10دج او انا متفلقا بالضحك اعطاها الراجل ستيلو او بعد خرجت او انا من الضحك ما نجمتش نحبس او هي غير تسب فيا مشينا او مشينا حتي وصلنا لباب الجامعة طالعوا واش قاتلي ياه ندب نسيت البورتفوي تاعي عند مولي لمحل فيه 400الف او خليتني او راحت تجري كي المهبولة او خايفة لمولي لمحل يزلاها و انا من الضحك ما قدرتش نسكت دخلت للونفي او انا متفلق بالضحك تفكرت منين قالتلي 10انتاعي عزيزة غالية مالا 400الف تاعها كيفماه ...؟؟؟ المهم ما حبستش ضحك باقيا تنتفكر غير في الحكاية الاستاذ يشرح في الدرس او يدور في لونفي حتي زلق من دروج تاع لونفي او وصل بحذيا يلقاني متفلق ضحك حسبني نضحك عليه سحتني والله خرجت بصح الضحك محبستوش ليشوفني يقول مجنونة