اسئلتي لكمممم👈

[صمود خديجة]

سلااااام
اتمنى ان تكونوا بخير جمييييعا
راني نشوف منافسات 👊وتحدياااااات قويةةة الله يبارك
حبيت نسقسيكم
كيفاش راكم منظمين وقتكم ؟
راكم ديرو فالليكور في هذي العطلة ام لا؟ (على خاطر بالنسبة ليا وقتي كامل فالدروس الخوصية😩
وين راكم واصلين فالمراجعة؟📕📓
علا قداه ⏰راكم ترقدو وتنوضو؟؟
ههههه كثرت من الاسئلة

[اسراء المعراج]

اهلاااااا

انا صراحة مزال مانيش منظمة وقتي قد قد يعني نوض صباح نحط فراسي حوايج نقراهم فكامل النهار وخلاص حبيت ندير بروع¨رام مي ماعرفتش كيفاش

ليكور انا ما نقراوش فهادي العطلة مي نقرا فليسي لي بروف دايرينا دعم مي ماشي كل يوم
وي صح والله ليكور يديو الوقت حالة

امممم في المراجعة بالنسبة ليا لباس في المواد العلمية اما في الاجتماعيات غير نشوفها نفشل الدروس حافظتهم مي المصطلحات والشخصيات مازال والفلسفة كيف كيف مانيش نراجع فيها طول بالنسبة للادب ولونجلي ولفرونسي الحمد لله

انا فهاد العطلة نوض على 8 ونبدا نقرى على 9 وفليل نرقد على 12 مي لقرايا 11 نحبس

[Histidine~]

الرقاد على 1 نتع الليل المنواض عل 11 نتع الصباح الله يهديني

[☜ ندى ☆]

المشاركة الأصلية كتبت بواسطة histidine~

الرقاد على 1 نتع الليل المنواض عل 11 نتع الصباح الله يهديني

والفجر يا طفلة

[امـــة اللـــه]

المشاركة الأصلية كتبت بواسطة صمود خديجة

سلااااام

وعليك السلام ورحمة الله
اتمنى ان تكونوا بخير جمييييعا

الحمد لله
راني نشوف منافسات 👊وتحدياااااات قويةةة الله يبارك

يبارك فيك

حبيت نسقسيكم
كيفاش راكم منظمين وقتكم ؟

نقرا حسب المورال

راكم ديرو فالليكور في هذي العطلة ام لا؟ (على خاطر بالنسبة ليا وقتي كامل فالدروس الخوصية😩

الاسبوع هذا لا ممكن الاسبوع 2
وين راكم واصلين فالمراجعة؟📕📓

راني فالطريق

علا قداه ⏰راكم ترقدو وتنوضو؟؟

نرقد على 1 ولا 2 وانوض على 10

ههههه كثرت من الاسئلة

هههههه بصحتك :d

وأنتي وين راكي
واش درتي فيها

[صمود خديجة]

بالنسة ليا نرقد على 11 وونووض الثمنية ندير ليكور
تقريبا يومي كامل نعڨبو ثم
والمراجعة راني نراجع في دروس الفصل الاول

[☜ ندى ☆]

المشاركة الأصلية كتبت بواسطة صمود خديجة

سلااااام
اتمنى ان تكونوا بخير جمييييعا
راني نشوف منافسات 👊وتحدياااااات قويةةة الله يبارك
حبيت نسقسيكم
كيفاش راكم منظمين وقتكم ؟
راكم ديرو فالليكور في هذي العطلة ام لا؟ (على خاطر بالنسبة ليا وقتي كامل فالدروس الخوصية😩
وين راكم واصلين فالمراجعة؟📕📓
علا قداه ⏰راكم ترقدو وتنوضو؟؟
ههههه كثرت من الاسئلة

وعليكم السلاام ورحمة الله تعالى وبركااته صراحة مانيش منظمة وقتي نقرى برك لي كور مزال حتى الاسبوع القدم بإذن الله يوم بيوم تقريبا ولكن هذا الاسبوع قريت 3 ايام من 8 حتى 12 كي نروح نبدى في وقت متأخر نسبيا ( مانقولكش على قداه تبهديلة ) وفي المراجعة راني مع النووي والميكانيك في الفيزياء مع الاعداد المركبة رياضيات لكن رح نرجع للدوال والمتتاليات و في العلوم تقدري تقولي مزال خلاص ونرقد على 10 او 11 في اغلب الاوقات ونوض على 5 او 5:30

[nr.houda]

والله ماني منظمة روحي بيان
مي اليوم نضت ال 5 حفظت 4 دروس اسلامية راني معا الاعداد المركبة وراح نراجع ميكانيك ونووي و نكتب مقالة
ربي يكون معانا مبقاش والوا وهذه العطلة هي فرصتنا الاخيرة

[Hou Da Lar]

انا راني لا تنظيم لا مراجعة
نواض و رقاد مشقاش نقولك قيساش خليها لسكات و سايي
وين راني واصلة !! مات راني نحل تمارين تاع لي كور فقط ( عندي قريب سيمانتين و انا منروحش كان عندي فواياج ) فيزياء ني في شهر ملي حليت تمارين وحدة 1 من داك نهار مزدتش قربتها تخصص مبديتش فيه و مواد لخرين تاني
بلاك ان شاء الله سيمانة دي نبدا نريفيزي في نهار و حشيا نروح نقرا لي كور و كي نجي نراجع شا دارلنا استاذ و سايي