×.. إستراتيجية تنفيذ الباكالوريا ^^ ، !!

[Histidine~]

السلام عليكم
نتمنى تكونوا بخير و ما كمش تستغلو غير بالمظاهرات بزاف عليكم
جيت نحكيلك حكايتي يا {USERNAME} .. انا فتاة لست بالممتازة و لست بالضعيفة ، معدلاتي في السنوات السالفة كانت 15 .. كنت اطمح منذ دخولي للثانوية للحصول على الامتياز ، ثم جاءت طروف و للأسف بدأت لعنة 14 و 15 تلاحقني ، كنت انام كثيرا و لا ادرس الا القليل ، المنتديات و الانمي و الفيس بوك انهكوني ، بقيت على هذا الحال حتى بعد نهاية الفصل الاول في الثانية ثانوي ، اينما ابتعدت عن اصدقائي و صرت لا ارى الا (الدراسة) في حياتي ، صرت بلا اصدقاء ، و استغليت هذه الفرصة حتى تحسنت علاماتي ، كنت انافس الجميع و لا انظر للأسفل ، حتى فجأة جاءت الظروف كالعادة .. غيرت المخطط تماما و اصبت بالاحباط ، الفصل الاول لم يكن في المستوى البتة ، الاساتذة غضبوا مني ، امي ، ابي ، حتى انا غضبت من نفسي .. لكنني -بلوكيت- كل الملهيات و قررت الاهتمام ببالدراسة مهما ساء الحال ،، لكنني لم اصل لمبتغاي ، فمهما كانت المواضيع صعبة لا يجب ان نستسلم بتلك السهولة لان هناك من اخذ علامة ممتازة رغم صعوبة الموضوع ، لذلك انا قد اطلقت الضوء الاحمر كما اسميه ، و سأتغلب على الاوائل النخبة ..
و هذا مخططي لعطلة الربيع :
-حفظ كل المصطلحات و الشخصيات ....الخ ت ج
-حل 6 مواضيع ادب عربي (2 لكل وحدة)
-حفظ مصطلحات الانجليزية للوحدات السابقة و الافعال الشاذة و انجاز 5 فقرات متنوعة لكل وحدة
-حفظ مصطلحات النص التاريخي و حل مواضيع في الفرنسية
-حفظ كل مقالات الفلسفة حتى غير المقترحة مع التركيز على المقترحة و التسلح بمنهجية تحليل النص
-حفظ كل دروس العلوم الاسلامية و كل الادلة من الكتاب المدرسي مع فهم الميراث (الدرس نمسحوا )
-حل عدة تمارين للريياضيات و تكون صعبة و طويلة و مراجعة دروس 2 ثانوي خاصة الجداء السلمي
-حل عدة تمارين فيزياء تكون صعبة و تجريبية خاصة الميكانيك و التاريخ
-العلوم الطبيعية انشطة الكتاب المدرسي و حل عد تمارين و انجاز الرسومات

الممنوعات
الرسم و الاغاني و الشرود الذهني و النوم الثقيل و تتبع الوضع السياسي و ما يحدث حاليا
التلفاز و قلة الثقة بالنفس يسموها يتنحاو قاع منا حتى للباك


ماهي خططكم لاحتلال المركز الاول

[صمود خديجة]

ههههه عجبني الموضوع
تع استراتيجية تنفيذ الباكالوريا
المهم ختي ربي يوفقك
انا وليييت نرقد بزاااااف راني في عطلة
والله غير كرهت القراية
راحلي هذاك الحماس و كلش
كل يوم نقول ننوض بكري مي الله غالب والله مانقدر
يسما ندير خطط ولا نقعد
مانطبقهم ماوالو
😖😖😖😭😭😭😭

[bis kou]

السلام عليكم*
عمل رائع ......أما أنا تقريبا لدي 60% من برنامجك هذا تقريبا إضافة الى ضيفتي العزيزة (الجيولوجيا -_-) سأعمل على سحقها جيدا .....والفيزياء سأراجع بإذن الله النووي ونزيد نحل تمارين في الميكانيك والرياضيات نشوف تمارين على الاحتمالات الشرطية ......ربي يوفقنا*

[انفال19]

مام انا نفس مخططك في حوايج وزيدي جيولوجياا لي راني 0 فيهاا وزيدي وحدات تاع المات وفيزيك وسيونس من فصل الاول ونحل مواشيع في كامل المواد وفلسفة رانا كيف مام انا نحفظ مقالات

[بشرى.22]

السلام عليكم

مخططاتي ان شاء الله

تمارين تمارين مكثفة في الاعداد المركبة + الميكانيك والجيولوجيا السامطة

[بشرى.22]

حل مواضيع في اللغات + الفلسفة

معليش البنات نسقسيكم شحال معدلاتكم في فصل 1

[Histidine~]

ربي يوفقنا كامل <3 انطلاقة الضوء الاحمر : تم الابتعاد عن الاغاني و الرسم (بعدما درت رايي فيهم خخخ ))
تم اغلاق الانستغرام ، تم اغلاق الملهيات ، الشرود الذهني نحاول ينتخلص منو بأسرع وقت ، النوم الثقيل النوم ل6 ساعات كافية و وافية*
..
إلى صمود خديجة : يا بنتي ضاعفي جهودك مازال الحال و لا تضيعي الوقت من الان فصاعدا لانك انت من سيندم ، ايا نوضي تقراي يا بنتي ..*
..
إلى الاخت بشرى 22
معدلي كان 12 فالفصل الاول -_- الثاني لم اعلم بعد ..*

[اشعة الشمس]

السلام عليكم
اهلا صديقتي
أحسنت التسلح فعلا
والله انا لم اضع اي مخطط
راني حاساتو جبل على راسي ومنيش مستعدة نديرو بعد
تبانلي نطلع للحديقة ان شاء الله في الهدوء وندي معايا اوراق واقلام ونخمم براحتي
اصلا راني خايفة تعقب العطلة ومندير والو والله
بيسك كل يوم ليكور صباح كامل، وديفوا صباح وعشوة
يعني، الحرب الحقيقية ستكون هذه العطلة ان شاء الله
بالتوفيق جميعا

[~زهرة اللوتس~]

لديك نفس مخططك تقريبا زيدي عليه فقط الجيولوجيا السامطة
لذا ما رايك لو نضع موضوعا للتحدي ونقسم هذا المخطط الى اهداف يومية نتنافس في حلها حت ىنتحمس؟؟!

[الإسكندر الأكبر]

حسنا لابد من طرح الدوال العددية ارضا ، و سيرتو هذيك المناقشة الدورانية و معادلات المماس مرة الاستاذ نور الدين قال انو خصصولها في مرة من المرات 10 نقاط في السوجي تاع البكالوريا ! ، ، و الاعداد المركبة الاعدااااااااااااد المركبة ، بلاما ننساو المشابك و المناعة هاذو اللي قلبوا الطاولة راسا على عقب


حسنا ، لقد وضعتي تحديات صعبة ، و استراتيجية مكثفة ، في صدد محربة الهوايات الروتينية التي اعتدنا عليها و نحب ممارستها كالرسم و ما شابه ذلك قبل دخول هذه الحرب !


و منه نستنتج ان : اذا كان المعدل الذي نطمح اليه بين النجوم ، علينا توفير الوقود الازم لصواريخنا !