الكوارث...الفروض..المورال...الباك

[* آناء الليل *]

السلام عليكم

مورالي راه 0 ياخوتي هادو الفروض قاع مخدمتش نتائج جامي ديتهم في حياتي بعدما كنت من 17 مننزلش

قولولي واش خدمتو ولاكي حالتي

[Qu_een]

متيأسيش ختي كامل هكذاك سيرتو فالفصل اللول هذا مي متتقلقي ماوالو الصح هو الباك والله هذو الفصول والو

[الاسكندر الاكبر]

مشكيتش اسوء مني

شحال علاماتك اختاه ، علني اخفف عنك

[* آناء الليل *]

رياضيات 11.5 ف2 مازال

العلوم ف1 13.5 ف2 14

الفيزياء ف1 13.5 ف 2 15.5

الفلسفة 11

الفرنسية 10

[raouf07boy]

الفصل الاول مانحكموش عليه خاطرش ماهوش معيار باش التلميد يقيم روحو لانه البرنامج مزالو طويل وزيد الموضوع تاع الباك ليس مثل الفرض,,,,, لكن من الاحسن تدارك هده الاخطاء والغلطات الان ومعالجتها احسن من الوقوع فيها في الباك ,,,,ومن الجيد ان يخطيء الانسان حتى يتعلم ,,,,,,لا تستسلمو الوقت مزال واستغلو العطل جيدا وماتنساوش حل الباكلوريات ,,,, بالتوفيق ( العام الماضي كانو عندي تلاميد ممتازين بصح في الفرض والاختبار الاول انصدمو بالعلامات تاعهم ولكن لم ييأسو وبقاو صامدين للاخير والحمد لله تحصلو على علامات ممتازة في شهادة الباكلوريا)

[الاسكندر الاكبر]

اولا اختي ، مع اني احترق داخلا و العلامات تخنقنا الى اني ساقول لك هذا الكلام الذي حقا يواسي وطئتنا و الذي لم نستوعبه بعد !


اختي هذ العام نعلم جميعا انه عام مصيري ، و مليئ بالزلازل النفسية و التسوناميات

تيقني انك لن تربحي الحرب الا بخسارة المعارك ، راح نطيحو نفشلو نخسرو نتخنقو و نوضو و نزيدو نطيحو اكثر من قبل ندو البهادل من عند الاهل و الاساتذة قبلهم ، و نزيدو نديروا القلب باه نهار الباك نكونو طحنا الطيحات الممكنة و المحتملة كلها ، هاداك النهار نكونو ذوي خبرة في الموضوع

هاداك النهار هو يوم الحرب و اليوم الموعود و يوم الذي نتوج فيه ملوكا و اباطرة


ديت 6 في الرياضيات و 12.5 فالفيزياء 14 فرنسية 14 علوم


و علابالي الرياضيات مهيش علامة و تبهديلة تاع الصح و جبتها اسبوع كامل و هي غايضتني و لكني راني نحضر للفرض الثاني و اذا خسرت المعركة في الفرض الثاني نحاول في الاختبار و هي رايحة حتى الباك الابيض و الباك الحقيقي

صح تحرقنا و تفسد علينا يومنا اسبوعنا ممكن عدة اايام ، لكنها تبقى معركة نستفاد بيها من خطئي و نعرف بلي مدرتش مجهود اللي تستحقوا العلامة اللي راهي في بالي او اللي راني حاب نوصل اليها

هكذا احفز نفسي على العمل اكثر و بلوغ علامة اريدها


و الله المستعان على ما تصفون


السلام عليكم

[imi souki]

يبدو أننا جميعا نعاني من نفس الخيبات و نفس العوامل السلبية ... في الحقيقة بدأت اتفهم الموضوع قليلا رغم أني كنت في شبه انهيار الأيام الماضية بسبب 7 في الرياضيات و 9.5 في الفيزياء هاتان المادتان لا تزالان الغراب اسود بالنسبة لي أما اللغة الانجليزية فصدمت من علامتها كنت لا أتخطى عتبة 17فيها و لكن دشنت البداية ب13 العلوم و الحمد لله منقذي جبت 18 ... لست الوحيدة التي تتخبط في هذا التفكير .. احيانا انساق وراء كلمات " مازال الحال رانا فبداية العام ..." و لكن في الحقيقة الشعور بالندم و التقصير لا بد منه ليس لدرجة التوتر و لكن لنشعر بالمسؤولية كوننا " الكسل شخصيا "
على كل يجب رفع التحدي يجب علينا الضغط على انفسنا .. العقل الباطني في الحقيقة يبحث لك عن اسباب الراحة و يزينها لك " هذا رقاد .. هاذي ماكلة .. لدرجة انه تشغل نفسك بأي شيء للهرب لا اراديا"
كل شخص يستطيع الضغط على عقله . تحده.. قاومه .. انك مصدر النقص في النهاية ..
كل شخص منا يستطيع التفوق ببعض المثابرة .. بعض العثرات التي يجب التعلم منها .. يجب احيانا ان " نترعدو كيما الفلون تاع تشيكولا " لا تأخذي على خاطرك كثيرا و لا تفكري في اهذه النقاط بل فكري في كيفية مضاعفتها بالتــــوفيق *** للجميع

[〆 بٰٰاولو 乄]

المشاركة الأصلية كتبت بواسطة * آناء الليل *

رياضيات 11.5 ف2 مازال

العلوم ف1 13.5 ف2 14

الفيزياء ف1 13.5 ف 2 15.5

الفلسفة 11

الفرنسية 10

يااحصراه راكي في النعمة

كاين لي هلكها في الفصول ودا باك ب 15

المهم الصح هو البااك