العشرة عندها ناسها

[*سندوسة*]

واش تعرفو على العشرة في وقتنا لحالي يقولك

خالط وماتوالفش

العشرة مادوم

ماتربيش الكبدة

الرجال ميستاهلوش تضحي على خاطرهم قصدي ازواج طبعاااا



لكن بكري كانت ليها معاني كبار العشرة هي انك تخمم في طرف الاخر قبل ماتخمم في روحك

هي انه بالرغم من الاختلاف يكون انجذاب

هي تضحية

هي الاحتواء

هي كل معاني راقية لي تحكيها لينا تجاعيد والدينا

هي تفاصيل الدقيقة لي تخلي الاسرة مرتبطة بالرغم من الكثير الكثير من فترات العصيبة

واش تعرفو العشرة ؟؟؟



موضوع كتبته بمناسبة عيد زواج الوالدين الكريمين ربي يحفظهم ويطول فعشرتهم

[نجاة^^]

ربي يحفظهم ويطول في عمرهم...
عندك حق العشرة عندها ناسها.
ذكرتيني ب خال ابي كبير في السن كي يجيو ياكلو ولا يشربو يقولهم لازم زوجتي تشرب او تاكل قبلي ،يقلهم كون تموت هي نلحقها ،نتعجب والله من أجيال هذا الزمان تلقاي هذا وين تزوجو المرأة تدعي على زوجها يموت و الزوج نادم على النهار اللي تزوج فيه والأولاد يروحو ضحايا-_-،راحت النية راحت البركة وبالتالي راحت السعادة ،ربي يلطف ...

[*سندوسة*]

المشاركة الأصلية كتبت بواسطة نجاة^^

ربي يحفظهم ويطول في عمرهم...
عندك حق العشرة عندها ناسها.
ذكرتيني ب خال ابي كبير في السن كي يجيو ياكلو ولا يشربو يقولهم لازم زوجتي تشرب او تاكل قبلي ،يقلهم كون تموت هي نلحقها ،نتعجب والله من أجيال هذا الزمان تلقاي هذا وين تزوجو المرأة تدعي على زوجها يموت و الزوج نادم على النهار اللي تزوج فيه والأولاد يروحو ضحايا-_-،راحت النية راحت البركة وبالتالي راحت السعادة ،ربي يلطف ...

امين اختي بارك الله فيك ولك بالمتل

ااايه صح مايفوتوش بعضاهم انا ديما نقولها للوالدين يعني مهما صرا بيناتهم تعاود ترجع المياه لمجاريها الله يبارك لكن هاد الحاجة رانا نفتاقدوها بزاف في جيلنا ياترى ماسبب

نورتي اختي شكراااا

[محارب الحمق]

تاغ بكري يزوجوا بالحلال ويديرو النية وتاع درك يزوجوا بالحرام ويقدموا سوء النية اضافة الى امور اخرى

[*سندوسة*]

المشاركة الأصلية كتبت بواسطة محارب الحمق

تاغ بكري يزوجوا بالحلال ويديرو النية وتاع درك يزوجوا بالحرام ويقدموا سوء النية اضافة الى امور اخرى

الله يجيب لخير
وربي يصلح احوالنا