اعاني بصمت

[مشكلتي]

[COLOR="Olive"][SIZE="5"] سلام عليكم ورحمة الله وبركاته
انا البنت لوحيدة لامي فامي تزوجت المرة الاولى وانجبتني انا ثم طلقها زوجها وتزوجت اخر وانجبت اولاد بعد زواج امي زوجها الجديد رفض ان ياخدني ويربني وامي تركتني لابي وابي هاجر الى فرنسا وعشت مع جدتي كانت حنونة عليا كثيرا ولكنها ماتت عندما صار عمري 12 سنة انا احب جدتي اكثر من امي لان امي لااعرفها كثيرا وليس عندي معها دكريات ثم عشت مع عمي الاكبر وزجته لديها كثير من الاولاد فعشت مظلومة معاهم يحتقرونني ويضربونني باستمرار وزجة عمي تلقبني بالقردة سوداء لانني سمراء عانيت كثيرا وبعدما صار عمري 14 سنة صار كل اعمال المنزل عليا اتي من مدرسة واعمل اعمال منزلية رغم انها عندها 4 بنات وولدين والبنات كلهم اكبر مني ووقتها بنتين الكبرتين خرجا من المدرسة ومكثتا البيت رغم دلك لا يشتغلون ابدا ف البيت انا اتي من المدرسة مسرعة للاعمال البيت وليس هدا فقط بل حتى عندما ينتهي شغل البيت ادهب لاستريح يزعجونني بطلباتهم هاتي الماء جيبلي صابطي جيابلي هكدا وانا نظل رايحة جاية كي روبو وفي ليل نحس كل جسمي بسطور الم فظيع وتصيبني حمى كل ليل ونهار نفيق نعاود نفس روتين وكي وكي ولا عمري 16 سنة اجبرتي انني نخرج من المدرسة لان بنتها الكبرى تزوجت وحملت وانا مرت عمي خرجتني باش انا لنوقم بها في الحمل والولادة لان حملها كان صعيب وطبيب منع عليها شغل باش البيبي مايطيحش وانا خرجوني بسيف برغم ان عندها اختها لتحت منها ماتقراش بصح خرجوني انا وانا نحب قراية لانني كنشوف قريتي هي سلاحي الوحيد وكنت نحلم اصبح قاضية لتحقيق العدالة لانني اعرف معنى ظلم ولكن حتى هدا منعوه مني وخدمت بنتها كي كانت بالحمل وكي ولدت وكل مرة تحمل انا لنخدم عليها وبناتها الاخرين ثاني وجاوني خطابة كي وليت بالعشرينات واول خاطب جالي كي وليت عشرين سنة وهو من احس خطابي كان كبير عليا بصح كان مهندس وعايش بامريكا رفضته مرت عمي بحجة انه لايناسبني وانا مرانيش قارية وكانت تستهزء بي وتقولي انتي وجه مريكان وبناتها يضحكوا عليا ودارت المستحيل باش ترجعو لبنتها بصح هو مقبلش وكل هدا امامي يعيطولوا قدامي با حشمة ولوكان ننطق يضربوني لانهم موالفين على ضرب شحال من خطرة هربت لخوالي بصح ردوني وقالولي احنا والى بيكي ناس واش تقول علينا عندنا اكلة شاربة مايخصك واول وخوالي مش حابين يتدخلوا قالولي هدوك هما اهلك بصراحة خوالي ايضا سيئين ولا يهتمون بي وامي لا تسال عني الا نادرا واصلا لاتعاملني كام ولا تتصل بي الا ادا انا اتصلت بها بالمناسبات علاقتنا جد سطحية حتى عندما ادهب لعند خوالي تلقاني ثم تهدر معايا كشخص غريب هي لاتعفرني وانا لا اعرفها تكرتني كي كنت 3 اشهر صافي مانلومهاش ومبعد جا خاطب ثاني كي وليت 24 سنة وهو تكنسيا عنده ابرطمو وعنده طونبيل وسيم بعض شيئ عجبني نتاع صح بصح هو كي خطبني رفضوا وطبعا هو قالولوا سبب اخر كدبوه له ولكنهم استطعوا ان يغيرو واجهة الخاطب وزوجته لبنتها ثانية لي كانت تكبرني ب3 سنين
وانا حزنت شوي ومبعد عرفت بلي اصلا مايحبنيش طالما بدلني بسرعة علاه نزعف عليه واي واحد يجيلي يرفضوه وتزوجوا كل بناتها وكي تزوجو كلهم انا دخلت بثلاثين ومحبتش تمدلي لزواج ثاني قاتلي مزال الاولاد لازم تخدمي عليهم وانا فمي ساكت نخدم ونسكت ونخدم على بناتها كي يحملوا ويولدوا وبنتها الاخيرة الوحيدة التي درست بالجامعة وصرت استادة وكل اولادها انا لنحكمهم ونربيهم بدار ومجانا وزيد شغل دار واهتمام بطلبات اولادها ماعنديش الوقت لحتى باش نمشط راسي عشت عداب لا يوصف بالكلمات وهكدا كملت حياتي لحتى دخلت الاربعين وتزوج ولد لها وبقي اخر وقاتلي يحتى يكمل هدا باه تزوجي وانا وليت نربي حتى ابناء ولدها لانه ساكن معنا صرت ام اربي بدون ماولدهم ماتعس هدا شعور وكنت نحث ولدها الاصغر باش يتزوج لانه الوحيد الدي يدسار معايا بصح اكتشفته انه اناني يمدلي طرفة لسان حلو وقلبه عكس لانه هو اكثر شخص تاخر زواجه في العائلة لحتى صار اربعين سنة وهو اصغر مني بخمس سنوات ولا يدافع عني امام عيلته كي نكونو مع بعض يشفق عليا ويقولي راكي مظلومة بزاف بصح امام اهله يدير روحه ماشفش وصرت لااهتم به المهم كي تزوج صار عمري 45 سنة طروطار بصح قلت معليش المهم نتزوج وهدا مكتوب ربي نتزوج نولد كاش وليد بصح كي تزوج رفضت امه قالتلي شحال راكي انانية شكون ليربي ولاد ابني وزوجته عاملة وشكون ليربي اولاد ولدي لتزوج غير كيما هو ثاني داها عاملة ثاتلي ماتحشميش الخير لدرناه ليكي كامل ماشفتيهش وردكا تهدرلي على زواج كي يكربوا ولادهم شوية ويديرو كلهم تاويل تزوجي وديما تناديني بالانانية وناكرة الخير وانا كي نشوف نلقى ضيعت حياتي علجالهم وهي تقولي انانية وكي نشوف نلقى غير شر منهم وهي تقولي ناكرة الخير لازم تقولي ناكرة شر ماشي الخير وكي شفتها هكداك درت اول رد مني في حياتي بعدما اقنعتني كنة جارتي قلتها ديركت مانبريش ولاد اولادك ولا نعش اولاد بناتك ولا نربيهم نخدم شغل دار وي بصح نربيلهم ولادهم لالا زعفت بزاف ولات تعيط وحكت كامل للجيران وبدات تخترع في القصص وجاو بناتها حابين يضربوني كيما زمن وانا هددتهم قلتلهم لتمد يدها نشكي بها لبوليس وهي اول مرة نهدر بهدي طريقة وكلهم اندهشوا كيفاش تبدلت
ومرت عمي طردتني من دار ديركت بصح عمي رفض وحشم على هدرة ناس ورغم ان مرت عمي تحشم بزاف من هدرة ناس بصح قبل طردها لي الفت كل القصص التي تجعلني انا المدنبة وهما ضحايا ولكن عمي رفض المهم قالولهم خلاص ماتبريلكمش تدير شغل دار لتقدر عليه وصايي ووليت قاطعت الجميل مانهدر ماعهم ماولوا نخدم شغل دار نخدم لغرفتي ونسكت بصح مرت عمي كانت تزعجني بكل الوسائل وندمت علاش مدرتش هاد القرار من بكري المهم كنة جارتي جابتلي عريس يسكن بالعاصمة عمره 50 سنة عندو ولدين صغار ققلت معليش نربيهم نكسب فيهم ثواب على الاقل هدوك اولاد راجلي بصح رفضته مرت عمي وكدبت لعمي قاتلوا بلي هو مطلق وماشي مليح نخرب داره لانه في امكانية يرجع مرته لدار وعمي رفض على هدا الاساس بصح هي رفضته لانه لاباس بيه وعندما صار عمري 47 سنة واخيرا تزوجت وواحدة مرا من قرايب امي هي لساعدتني بعدما وصاتها امي عليا جابلهولي هو عمره 60 سنة متقاعد كان يخدم عساس زوالي على روحه عنده 3 بنات وواحدة برك لتزوجت وزوج مزال وعنده ولد واحد ويعيشوا في قرية ريفية بسكن ريفي نتاع المعاونة ومرت عمي رفضت ايضا ولكني شتكيت لعمي وقبل لانها لم يكن عندها سبب لرفض هده المرة وكي تزوجت قلت نرتاح ولكن انتظرتني مشاكل راجلي مكنش كيفوا بصح يخاف من بنته بناته افاعي كي نقلكم افاعي افاعي بالاول كنت نخدم شغل وهما والوا مايخدموا ماولوا ويشترطوا عليا واش ندير وومنوع نبدل ديكور دار ممنوع نمس حاجة هما ليقرروا انا معنديش راي لازم نشوراهم باي حاجة نديرها بشهر الاول كنت كيما يحبوا ومبعد وليت نشكي لراجلي قالي واش نديرلك بناتي صعاب بزاف ومرته ثانية هربت علجالهم لانه تزوج قبلي وطلقت زوجته بسبب بناته قالي صبري يتزوجوا ونتهناو وصبرت هادي عامين وانا نصبر والوا يزيدون سوءا وماغاديش يتزوجوا حتى واحد ماخطبهم وهما عمرهم واحدة 40 وثانية 38 سنة وانا ماعنديش اولاد مجبتش حتى نصف ولد يعني ماربحت والوا راجلي مليح بصح مستحيل يدافع عليا بناته اولا وانا المرتبة الاخيرة يشتموني قدامه هو يسكت يديروا واش يديرو يسكت وحتى بنته المتزوجة افعى سامة ديما كاينة فدار كي شغل ماشي متزوجة وهي اكثر سوءا لانها هي لتحرشهم عليا انا وليت نطبخ ونكل انا بالاول كنت نمد لراجلي ايكل وقالي ماشي مليح هاك لازم تمدي للبناتي ثاني ومبعد وليت حتى هو منمدلوش ناكل انا وهما ادا حابوا ياكلوا بيروحو سجيوا يياكلوا وحدهم لانني نطبخ ونخليه طبخ فوق طابلة ليحب يجيب يجيب وحده وليت مانهتم بحتى واحد . واي حاجة يبجها هما الاولين يجب فاكهة يجرو باش ياكلو الولين اصلا يعسوا باباهم يدخل يروحو يحكموا واش جاب وانا حبيت نولي انانية ناكل ومنسقيش عليهم درتها خطرة شكالي راجلي وهددني بطلاق قالي انا منخليش ناتي على جال مرا وهما د
يما يايروني يقلولي طلاقك بيدينا انا اعيش في جحيم لا يطاق وعليا سكوت كيما دار عمي وين نروح لازم نسكت على سكوت مفروض عليا حلمي ان اهجر الجميع اصلا لااحد يحبني ولكن الى اين الى اين لو عندي شخص يحبني لما تحملت هدا العداب لهربت بليل قبل نهار ولكن للاسف لا يوجد وعليا تحمل وتحمل وفقط
لو تقولون من سبب مشاكلي اقول نساء كل لظلموني هم نساء ول تقولن عمي ماشي مليح نقولكم كل رجال نساهم ليمشيوهم كيما تقوله مرا اخدم يخدم ولو تقولن ابي نقولكم ابي بالاول كي كنت صغيرة قبل عسرين وبعده لغاية 22 سنة كان يجبلي بزاف ملابس من فرنسا ويجبلي كلشي بصح كلهم ياخدهم بنات عمي انا يرمولي حاجة ولا حاجتين وبابا عندما كبر اولاده لانه تزوج نساني وامي لا تسل عني ولاتهتم لقيت بها بعرس مؤخرا وحكيتلها جزء من معاناة حسيت بلي غضتها شوية بصح مثل اي شخص براني احسنت الي بيومها واتصلت بي بعد يومين ونساتني بعد دلك هي لا تحمل اي عاطفة اتجاهي ولا انا هده هي حياتي بشرح الممل ارجوكم قولوا لي ماهو الحل رغم انه لايوجد حل

ندمت على لخطبوني وخصوصا خطيبي الاول لانني نعرف مرته وكيفاش عايشة وندمت على اخرين ايضا كانو كلهم سوف غيرون حياتي تغيير واضح وندمت علاش مكنتش نشتكي لعمي وكنت نخاف منهم بزاف مرت عمي وبناتها واش نقولكم واش نخلي بصح مكتوب ربي وانا راضية بمكتوبي ادعولي برك على ان ااستطيع تحمل لانه لا يوجد حل سوى تحمل وانا لم اعد اتحمل نفدت طاقتي التي استرمت طويلا .[

[هـــدوء]

نص من معاناتك نتي السبب فيها
يعني نورمالمون من بلوغك العشرينات كنتي تتحكمي نتي في حياتك
المهم باعتبار أنك بدون شهادة أو حرفة
ما بقالك غير راجلك هذا تقعدي معاه
بصح ضروري أنك تتعلمي حرفة و لا صنعة
تنفعي بيها روحك ضك و منبعد..

[عسجدة]

انت تعانين بالصمت
ولكن ماخطته اناملك جعلني
اموت بالصمت
ليس لي الا ان اقزل لك :

لاتحزني ان الله معك


سلام من قلب يحب السلام

[نجاة^^]

السلام عليكم
مؤلم .قطعتيلي قلبي
ولكن نقولك حاجة الدنيا فانية فانية ،اخدمي لاخرتك و ثقي في الله فهو حسبك ربي يصبرك و يفرج عليك كثري الاستغفار .

[Fifioo]

لا حول و لا قوة الا بالله عجز لساني حقا
ربي يفرج عليك الدنيا فانية بايامها و الدار
هي دار الاخرة المهم دينك ثم دينك و لا تهتمي
باي شيئ لان الله يمهل و لا يهمل ^^

[sweet girl 07]

صديفيني انها تنتظرك ايام مشرقة لم ياذن بها الله لك فقط

عليك بالصبر وةالدعاء وربي راح يفرج عليك

ربي يسعدك ويعطيك ماتتمنااي ويعوضك خيرا ان شاء الله

[سجل أنا جزائري]

سبحان الله كاين اناس قاسيا و بدون قلب لهذ الدرجة الأب الأم العم الخال مرت العم و اخيرا الزوج

الظلم ظلمات يوم القيامة ما تخافيش مرت عمك هذي سوف تلقى جزاءها في دنيا قبل الأخيرة كما تدين تدان

و انتي ما عليك الا دعوة الله عز و جل ليفرج عليك و احتسبي امرك لله

[نبض قلبي]

و الله و الله و الله غير نقرا و قلبي ضرني.موش حياة و الله ماراها حياة
تحية ليك انك تحملتي العذاب هذا
كون انا و اتوذ بالله من كلمه انا راني مرت العم بانتلي قتلتها و لا شوهتها بزااف و الله بزاااف .
ربي يكافئك على قد نيتك و قد صبرك
ضرك فات كلش اصبري بلاك ربي يفرج عليك
صلي و ادعي ربي يخفف عليك و ان شاء الله تلقاي حل و تتهناي من كل المشاكل هذو و ترتاحي
ربي يهنيك ان شاء الله

[ام رضوان]

ربي يفرررررج علييييك
والله حكايتك ضرتني وقلبي وجعني
نقرا ونستعجب كااااااين ناس هكذاااا؟؟؟؟؟
ياااالطيف وااطف بينا
واش نقولك اختي كلامك وواش حكيتي يهدو لجبال
ادعي ربي سبحانو يكفيك شر من اراد بك سوءا
ويصبرك
صلي وادعي ربي سبحانو يفرج عليك
وكيلهم ربي زوجة عمك وبناتها وولادها
واتاكدي بانو راح يسلكو في الدنيا قبل الاخرة
دعوة المظلوم ليس بينها وبين الله حجاب
ونصيحتي نقولك اختي قضيتك مع ربيباتك ماتضرش قد قضيتك مع زوجة العم
ربيباتك الله غالب احسني لهم العون واحسبيها في راسك
ماتزوجوش وكبار غير قولي فاتهم الزواج وانت بالنسبة ليهم زوجة الاب اللي اخذت مكان امهم الله غالب هذا احساس كل وحدة بالنسبة لزوجة الاب
نصيحتي حطيهم في الثقيل واربحيهم بالسكات كي يعودو يقلقو فيك ادخلي لبيتك وخليهم ومع الوقت ومع الدعاء تاعك راح يستسلمو واعطيهم اللسان الحلو
نصيحتي ليك ردي بالك ترجعي عند العدوة وتخليها تستشفا فيك وزيد ترجعي لبيت عمك مطلقة راح يحرم عليك النفس تتنفسيه
ربي يكون معاك ويتولاك برحمتو اميييييين اميييييين اميييييين

[آسيا 25]

لا حول ولا قوة الا بالله العلي العظيم
أختي ربي يفرج عليك إن شاء الله قولي حسبي الله و نعم الوكيل و تأكدي بلي ربي سبحانو راح يجازيك في الدنيا و الآخرة و الأفعى تع مرت عمك أو يفرجك ربي فيها ما تخافيش.

[الفتاة السعيدة]

ربي يفرج عليك اختي

[dounia vet]

وكلي ربي اختي...فهو نعم الوكيل...لك الله يا اختي و ربي يفرج عليك ان شاء الله و يعوضك خير ان شاء الله

[أم عبد الكريم]

ربي يفرج عليه ايقني انه جاية ايام مليحة و ربي يعوضك خير .....انت حملت الظلم لسنوات و سنوات حتى فات الحال ماشي راح نرجع للخلف لكن عندما تقدم لكي اول خاطب كنتي قادرة تنتفضي و طيشي عليك الزبل تلمي رجال العائلة كامل و تتزوجي ....لكن هذا مكتوبك ولي مكتوب على الجبين لازم تشوفو العين ....لحد الان انا نعاكس الاخوة لي جاوبوك لحد الان مزال مراحش الحال تقدري تبدلي الواقع نتاعك و ماكيش مطظرة تحماي الذل نتاع بنات راجلك اطلبي الطلاق و فكك من ااظلم مغلبتيش منو و كوني متاكدة مكانش لي يموت بالشر ....روحي للجمعيات النسائية يلقولك وين تروحي

[تَـجــارِبْ ♪ ɷ]

بسم الله والصلاة والسلام على رسول الله

السلام عليكم ورحمة الله وبركاته

------------------------------------
يا اختي أنت ربما متناقضة مع نفسك
أو ربما تكذبي عليها
من جهة تقولي راكي راضية ومن جهة مازلت متفكرة كلل هاذ التفاصيل
يا العزيزة نظن الانسان الي يرضى بقضاء الله يطلق الماضي والله اعلم
كانت عندك أخطاء مع مرت عمك وكان ضعفك كبير
لكن شكون يلومك؟
حتى واحد مايقدر يلومك
أهم حاجة أنك ترضاي بقدر الله صح
وتبطلي تعيشي في الماضي
هاذي اهم حاجة
يا أختي احنا ما عندنا ما نديرولك
لكن ربي يقدر يجيبلك الخير
أنت ادعي ربي
وصلي صلاة الإستخارة إذا تكملي حياتك معاهم او تطلبي الطلاق
صلي الاستخارة وريحي خاطرك
ربي مافيه إلا الخير
كتري من الإستغفار

استغفري آلاف المرات في اليوم الواحد
وان شاء الله تعالى تتحل مشاكلك بلمح البصر
تذكري أن هذا الهم من الشيطان
ورددي: اللهم اني اعوذ بك من الهم والحزن واعوذ بك من العجز والكسل واعوذ بك الجبن والبخل واعوذ بك من غلبة الدين وقهر الرجال
يا أختي حتى واحد ما يقدر يعاونك
انت روحي لربي ادعيه واستغفريه هو الوحيد سبحانه اللي يقدر يهنيك
ربي مافيه الا الخير
والاستغفار أيضا سبب للرزق بالولد

كتري من الاستغفار
وقولي: -اللهم برحمتك أستغيث أصلح لي شاني كله ولا تكلني الى نفسي طرفة عين
-اللهم رحمتك أرجو فلا تكلني الى نفسي طرفة عين واصلح لي شأني كله لا إله إلا أنت

- اللهم يا جابر المنكسرين اجبرني اللهم يا جابر المنكسرين اجبرني اللهم يا جابر المنكسرين.....

-اللهم إليك أشكو ضعف قوتي ، وقلة حيلتي ، وهواني على الناس ، يا أرحم الراحمين ، أنترب المستضعفين وأنت ربي ، إلى من تكلني ، إلى عدو يتجهمني ، أو إلى قريب ملكته أمري ، إن لم بك غضب علي فلا أبالي ، ولكن عافيتك هي أوسع لي ، أعوذ بنور وجهك الذي أشرقت له الظلمات ، وصلح عليه أمر الدنيا والآخرة ، أن تنزل بي غضبك ، أو تحل علي سخطك ، لك العتبى حتى ترضى ، ولا حول ولا قوة إلا بك
- لاحول ولاقوة الا بالله لاحول ولاقوة الا بالله لا حول ......
- حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل.................


أختي اكثري من ذكر الله والله لن يخيبك (أبدا)
نحمد الله أن الجنة لا ندخلها بقدر الأيام السعيدة التي عشناها في الدنيا
ربي معاك كوني مرتاحة مع الذكر والدعاء فقط

[* قمر*]

تدي جزاءها و انتي لا تحزني و لا تقنطي فهذا قدر الله