محبط

Islam1628 · 2018-06-14, 04:57

خاوتي راني محبط بزاف درت مشكل كبير هاد العام أنو محليتش تمارين بزاف عام كامل وانا نفهم غير فالدروس و فهمتهم من مصادر مختلفة يعني ضيعت وقتي غير فالفهامة حليت شوية تمارين لكن نضن ماشي كافية المهم دك كي جيت نحل لي باك لقيت روحي مافهمت والو و و سوجيات جاوني صعاب بزاف
و قريت فهاد المنتدى و فلي قروب تاع فايس بلي كاين بزاف لي يصراولهم هكا و يحسو روحهم نساو كلش و مايقدروش يحلو.. أسكو سي نورمال هاد الشي و لا واش ندير

مريم المتفائلة · 2018-06-14, 05:01

شوف اذا راك مدرب على الحل متخممش عادي يسموه القلق قبل الامتحان راك حاس روحك ماكش حاكم والوااا بدا حل لي باك مازال باقي 6 ايام تنجم تعاود كلش

دعك من الافكار اللسلبية والله المستعان حظ موفق اخي

اسلام123 · 2018-06-14, 05:13

صراتلي كيفك فالعلوم فاهم الدروس فقط

Kawtar.7 · 2018-06-14, 05:13

الا محليتش من قبل شوية جيك صعيية بصح غي تمشي يدك فيهم صاي
مين راك فاهم الدرس هاداك هو اللي عليه الشي
لا خاطرش غادي تصيب التمارين و الأفكار يتعاودو .كتريةrc-rl

abir sweet · 2018-06-14, 05:21

عليك وعلى لي باك هاذ ليام خاطر مقاش وقت تع تمارين فيهم افكاااار وعااادي تقدر توصل خاصة الفيزياء معظم الاسئلة اصبحت اسئلة كفاءات وبالتوفيق

المُعادلة الصّعبة · 2018-06-14, 05:25

ربي يعينك خويا بالنسبه للفيزيا شوف الاسئله الشائعه تاع كامل الوحدات صدقني فيهم الاسئله لي يتكرروا كل عام فالباك و كي تكملهم شوف لي باك من 2015 حتى ل 2017 هذوكم الملاح
نتا نظامي ولا حر ؟

rania17 · 2018-06-14, 05:29

[QUOTE=المُعادلة الصّعبة;3997553393]ربي يعينك خويا بالنسبه للفيزيا شوف الاسئله الشائعه تاع كامل الوحدات صدقني فيهم الاسئله لي يتكرروا كل عام فالباك و كي تكملهم شوف لي باك من 2015 حتى ل 2017 هذوكم الملاح
نتا نظامي ولا حر ؟[/QUOT
Kkkkkkk