التضحية بالدروس

[fr 33 dz]

السلام عليكم
هل يوجد منكم من يضحي بالدروس
يعين انا ضحيت بالاهتزازات
و الهندسة الفضائية

[Mr.R]

الهندسة الفضائية قالولي كاين تمرين شامل فيه كلش تع الأستاذ نورالدين فيه 4 أجزاء راح نقرا بيه الهندسة
و الاهتزازات قرا درس و أسئلة شائعة و حل شوية تمارين راح تلقى الأفكار يتعاودوا مكاش جديد
يعني راح تريسكي على باطل

[هاكونا ماتاتا]

انا ساضحي بالجيولوجيا و دروس الفلسفة الاخيرة

لكن من وجهة نظري ارى ان كل من الهندسة و الفضا مهمان جدا لباك 2018
اعد النظر في قرارك

[fr 33 dz]

هذا المشكل يعني انتم وصلت لدروس ومصلتهاش
و حنا قرينا الجيولوجيا و انتم مقريتوهاش

[Aminzaim]

سلام
عندما قرات كلمة تضحية دخلت فانا ضحيت بدرس الاحتمالات لاسباب بصفة خاصة اما ادا ما ركزت وجدت نفسي قد ضحيت بكل الدروس لكل المواد بمعنى انا داخل الى ساحة المعركة بدون سلاح
موفقة اختي

[~ قدس ~]

الا الهندسة في الفضااء ما تريسكييش بيهاا ..

[Hou Da Lar]

ريسكي في كلش غير مات و فيزيك مكانش لامان حاول تفهم دروس مراك خاسر والو باقي عاد 10 يام تقدر دير فيها لعجب

[طالبة لها هدف]

انا ضحيت بالهندسة في الفضاء
و التكامل بالتجزئة
و الوحدة الاخيرة في كل من التاريخ و الجغرافيا

[سارة بسمة نادية]

ضحيييييييت بروحي ههههه ادا بقييت هكا صح هههههه
رسكييييييييت بالوحدة 3 سواء جغرافيا ام تاريخ +احتمالات+وشوي شوي من كل مادة....معرفتش واش نقول
اه اربي يستر

[اَشْرَفْ اَنيِسْ]

ضحيت بالقضية افلسطينية في تاريخ
الاهتزازات و الهندسة ماهيش ماشية يدي فيهم مليح مليح شوي شوي
الجيولوجيا اليوم درنها فدروس خصوصية سهلة

[fr 33 dz]

الما التاريخ و الجغرافيا مفهمتهاش اصلا
دروس و لا كيفاش حكايتهم

[ياسين]

يا خويا انساها هدي الهدرة اقرا كلش متخليش النقاط تضيع و انت في امس الحاجة ليها
++ الاهتزازات جات العام المضي و تجي العام هادا اكييد
الهندسة ساهلة تطلب شوية تركيز و فهم و حل البكالوريات السابقة تكفي و توفي
يا خاوتي ما تضيعوش النقاط صدقوني تندمو على 0.25 لي ضيعوها ( عن تجربة )

[fr 33 dz]

شكرا لكم على النصائح

[djoumana rayen]

انا راح نضحي بالهندسة نختار الموضوع لي فيه الاحتمالات بالرغم من اني مازال ماراجعتهاش ونضحي بالجيولوجيا لانها طويلة 3 وحدات فيها رح تديلي وقتي كامل ونضحي بالاهتزازات وبالاك الميكايك والاجتماعيات نحفض غير وحدة الحرب الباردة والوحدة الثانية اذا قدرت والجغرافيا كيف كيف 2 وحدات لولين فقط فالفلسفة نحفض المقترحين اذا قدرت نكمل 4 مقالات او 3 والشريعة ساهلة نحفضها فالفرنسية والانجحليزية نراجع القواعد ونحفض فقرتين او 3 والفرنسية مافيهاش قواعد
تقدر تقول ضحيت بيه العام هذا نروح نعقب هكداك والعام الجاي انشاء الله نعول على الامتياز لانو مستحيل يكفيني الوقت

[fr 33 dz]

المشاركة الأصلية كتبت بواسطة djoumana rayen

انا راح نضحي بالهندسة نختار الموضوع لي فيه الاحتمالات بالرغم من اني مازال ماراجعتهاش ونضحي بالجيولوجيا لانها طويلة 3 وحدات فيها رح تديلي وقتي كامل ونضحي بالاهتزازات وبالاك الميكايك والاجتماعيات نحفض غير وحدة الحرب الباردة والوحدة الثانية اذا قدرت والجغرافيا كيف كيف 2 وحدات لولين فقط فالفلسفة نحفض المقترحين اذا قدرت نكمل 4 مقالات او 3 والشريعة ساهلة نحفضها فالفرنسية والانجحليزية نراجع القواعد ونحفض فقرتين او 3 والفرنسية مافيهاش قواعد
تقدر تقول ضحيت بيه العام هذا نروح نعقب هكداك والعام الجاي انشاء الله نعول على الامتياز لانو مستحيل يكفيني الوقت

تقد تقول كيف كيف خدعوني في التوقيت