نصيحة مهمة جدا

[المُعادلة الصّعبة]

سـلام
صحا فطوركم اخوتي
جيتكم اليوم بنصيحة لربما تجيكم عادية جدا وبديهية
و تالمو تشوفوها عادية ما تديرولهاش اهمية كبيرة
لكن هي مهمة جدا جدا جدا اهم من اي حاجة
شوفوا تولهوا معايا مليح
في اي مادة كانت
خصوصا الموا الاساسية
اقراوا معطيات التمرين جيدا جدا جدا

واقراوا السؤال بكل تركيز من بدايتو لــ نهايتو
لأنو صدقوني احيانا تكون الاجابة قدام عينينا وحنا عمينا عليها
اقراوا حتى النقطة والفاصلة وعلامة الاستفهام
كل حرف يتكتب في التمرين صدقوني والله ما يكتبوه عبث
ماراهومش يلعبوا معاك

اقراوا السؤال مليح ماشي تشوفوه هكا بزربة تقولوا خلاص انا منعرفش نجاوب
شحال م مرة تصرالي نخزر فالتمرين يخلعني نقول غير هذا لي مانجاوبوش
بصح والله كي نبدا نقراه أول بأول ونشوف السؤال مليح ونبدا نحاول
نحلو نورمال
لذلك اهم نصيحة هي قراءة المعطيات والاسئلة جيدا

تستهينوش بيها
ركزوا
نعطيكم مثال
انا ساعات فالفيزيا كي يكون مخي مسكر ومانقدرش نركز
يقوللي اكتب العبارة الحرفية للمقدار الفلاني تالمو منيش مركزة نلقى روحي نحوس كيفاش نحسبو ونحوس فالتمرين
نجي نضرب نلقاه طلب حاجه اخرى

وقس على ذلك
خذوها بعين الاعتبار
والسلام