اضبط وقتك ونفسك قبل bac blanc

[ورد الاوليف]

السلام عليكم كما تعلمون لقد بقي 4 ايام للبكالوريا البيضاء بالنسبة للطلاب لي رح يجتازوه في 13 ماي و تقريبا 11 يوما للطلاب اللي رح يجتازوه في 20 ماي
كل ما اريد ان اقوله 4 ايام هده يصنعو فيها صاروخ و تحوس فيهم ممكن 4 ولايات هذي لينا احنا اذا كنت كل يوم خصصتو لولاية و 4 دول بالنسبة للزعماء والقادة والرؤساء راكم تقولو واش دخلنا فيهم وواش تخلط هذه وماعلاقة كل هذا بال bac blanc ذرك نقلكم : اخواني اخواتي انتم هم زعماء انفسكم انتم اصحاب القرار يا نفشل يا ننجح احسبو معايا 4 ايم هاذو نديروا فيهم العجب اذا الترزمنا ببرنامجنا حقا الباك blanc ديرو تجربة باك حقيقية قيم مستواك من خلالو واذا مزالكم مارجعتوش وحدات زي الميكانيك والاسترة والهندسة في الفضاء والطاقة والتنفس عادي سمعتو وش قلت عااااااادي اقروهم مللليح واضغطوا عرواحكم شوية برك شوية برك معناها ماشي بزااااف هاي طالبتناالانيقة الاحت المعادلة الصعبة جابت لكم الوحدات الشائعة كل تع الفيزياء وانا كنت وضعت حوايج عالهندسة وباااااقي اللاعضاء معاكم بالجهد لي عطالهولهم ربي (جزاهم الله خيرا) خمو كيفاه تعاونو رواحكم من ذرك حلو بكلوريات حتى تتعودو وباينة هذي راح يجيبولينا فالباك blanc باكلوريات قدم ومايطيحش ليكم المورال اذا ماكملتوش حليتوهم عااااادي ياخي احنا حليناهم بهدف ربح الوقت وتعلم المنهجية ولي ماحفظش عاااااااااااادي تقدر تحفظ والله ربي ماراني نكذب ولا نتمسخر كل صباح نوض دير 2 مواد حفيظة وفي المساء 2 ولي فضل وماكملتوش مزال لينا رمضاااااااان اكل يعني يكفي ويزيد بصح انتم اتعبوا شوي برك وباذن الله توصلو كل واحد فيكم يقرا علاجال روحه ووالديه وعلاجال الاعداء هذوكم لي يقللولكم ماتقدروش ولا العام الجاي نلقاكم هنا ولا ... ça dépand كل واحد منا شاسامع l'essentiel بينو ليهم وللعالم واهم شيئ انفسكم بلي تقدرواااا نعم تقدروا عكلش
وماكلاه لي ماخدمش فالbac blanc يطيحله الموررراااال لانه الباك هذا يعلمنا فقط ويهيانا psychiquement et moralement كيفاه نتعاملو مع الباك
كل مايجب فعله فقط هو ان تبدا بجد وعلى نحو اكثر ذكااء
موفقين باذن الله ^^

[lotus flower]

صاحبة تطليع مورااال شكرااا بارك الله فيك
بالتوفيق اوليفتي
نحن لها
yes we can

[ورد الاوليف]

المشاركة الأصلية كتبت بواسطة lotus flower

صاحبة تطليع مورااال شكرااا بارك الله فيك
بالتوفيق اوليفتي
نحن لها
yes we can

اهلا وسهلا موفقة لولي

[طالبة لها هدف]

ديري مزية ختيتي والله عندك وحد الاسلوب شغل تاثري فيا
مين داك ديريلنا سوجي هكدا

[ورد الاوليف]

المشاركة الأصلية كتبت بواسطة طالبة لها هدف

ديري مزية ختيتي والله عندك وحد الاسلوب شغل تاثري فيا
مين داك ديريلنا سوجي هكدا

يا الهي هياليك الناس لي تقدر المواهب :d:d:d موفقة يا غالية امرك

[Qu_een]

هذا ما كنت اريده شكراا كثيييرا الاخت اوليف والله حفزتيني انا كنت روطاار وخايفة مي كي قريت كلامك استدركت
بإذن الله نحن لهااا

I Wiill Wiin inch'allah

[jë suîs comçà]

yes we can
thank u

[Aya Ya]

بالتوفيق للجمييييييع
مشكوورة

[ورد الاوليف]

المشاركة الأصلية كتبت بواسطة jë suîs comçà

yes we can
thank u

never mind aya my dutie

[المُعادلة الصّعبة]

يا عمرييي اسمي ملون وكبير ههههه صحيتي
شكرا على التحفيز اختي والله انك محقة في كل كلمة قلتيها

[Qu_een]

يوم جديد هدية من الله , لذلك سأغتنم كل دقيقة في هذا اليوم
اليوم هو يومي , اليوم سأعلن للجميع انني قادر على تحقيق أهدافي
سأضحي لأصل الى القمة , مهما كان الأمر صعبا , مهما كنت متأخرا , فلن استسلم , و سأقاتل بكل قوة
الرغبة و الاصرار و العزيمة يشعلونني من الداخل, انا لن اتراجع عن كلمة قلتها , و سيكون النجاح من نصيبي بإذن الله

[ورد الاوليف]

المشاركة الأصلية كتبت بواسطة Qu_een

يوم جديد هدية من الله , لذلك سأغتنم كل دقيقة في هذا اليوم
اليوم هو يومي , اليوم سأعلن للجميع انني قادر على تحقيق أهدافي
سأضحي لأصل الى القمة , مهما كان الأمر صعبا , مهما كنت متأخرا , فلن استسلم , و سأقاتل بكل قوة
الرغبة و الاصرار و العزيمة يشعلونني من الداخل, انا لن اتراجع عن كلمة قلتها , و سيكون النجاح من نصيبي بإذن الله

نعم احسنت التفكير في التاخر ماهو الا طريق للفشل لا تفكري فيه الله يوفقك